"Эхэ нютаг Хоорхэмни" Эхэ нютаг Хоорхэмни | Page 120

гэршэ болоhон зүйлнууд суглуулагдаа hэн. Буряад
зохёолой үндэhэ hуури табигша Х. Намсараевта
хүшөө музейн урда табигдаа hэн. 6 коммунарнуудта
зорюулагдаhан хүшөө табигдаа.
Эдэрмэгэй hургуулиин захиралаар ажаллахадаа,
тамирай танхим барюулжа, hурагшадhаа гадна
нютагай залуушуул үдэшэндөө сүлөө сагаа элдэб
тамирай наадаар үнгэргэдэг болоо бэлэй. Мүн
hургуулиин зүйл-зэбсэгэй һуури ехэ hайн болгоо
hэн. Багшанар хэшээлнүүдтээ элдэб техническэ
хэрэгсэл- нүүдые хэрэглэдэг болоо бэлэйбди. Мүн
hургуулиин талмай дээрэ Цырен Базаровичай
наhанайнь нүхэр, географиин багша Хорло
Цыбиковнагай эдэбхи үүсхэлээр жэмэстэ модод
hуулгагдаа агша hэн.
Энээнэйнь гэршэнь: холо ойрын айлшад манай
hургуулида Монголhоо, Хальмагhаа хүндэтэ айлшад
ерээ агша hэн. Ангапов С.В. Һайдуудай хуралай
урлаг болон hургуулиин таhагые даагша байхадаа,
манай Эдэрмэг албанай хэрэгээр ерэхэдээ,
hургуулидамнай орожо, бага сага ажалтаймнай танилсаха зуураа хэлээ агша hэн:
«Бүхы Хэжэнгын нютагуудаар ябааб. Эдэрмэг эгээл болбосорһон түхэлтэй, ариг
сэбэр тосхон гэжэ ойлгооб»,- гэхэдэнь, ехэтэ баясаа hэмди.
1976 онhоо 1986 он болотор Дээдэ Хэжэнгын һомоной зүблэлэй түрүүлэгшээр
ажаллаха үедөө Леоновка, Вознесеновка, Хөөрхэ hууринуудта нютагай
ажаhуугшадые ажалаар хангахаhаа гадна тэдэнэй ажабайдалда ехэхэн туhа
хэhэн гээшэ. Хэнэйшье мэдэhээр, Хөөрхэ нютагай гудамжанүүд шабартай, бороо
хурын үедэ бүришье бэрхэтэй болодог байгаа. Нютагай гол гудамжые асфальтаар
хушуулжа, энэ hууринайхид ехэтэ амарhан гээшэ. Энэ домто Хужарта аршаанай
эрьедэ тон ехэ барилганууд хэгдэжэ, холо ойроhоо аршаанда ерэгшэд бэеэ
эмшэлдэг, hайнаар амардаг болонхойнь hайшаалтай. Тэрэ үедэ таһагай эрхилэгшэ
Дондоков Мүнхэбулад Гутапбаловичай эдэбхи үүсхэл ехэ байгаа.
Цырен Базарович Хориин аймагай захиргаанда ажаллаа, «Буряад үнэн»
һониной редакцида, Хэжэнгын аймагай захиргаанда, мүн бэшэшье газарнуудта
ажаллахадаа, бултанай hайшаалда хүртэдэг hэн.
1988 оной август hараhаа 1997 он болотор Эдэрмэг нютагта Х. Намсараевай
нэрэмжэтэ музейн захиралаар ажаллаhан байна. Цырен Базаровичай музейдэ
хэhэн ехэ ажалые Эдэрмэг hууринай зон үндэрөөр сэгнэжэ, саашань үргэлжэлүүлхэ
бэзэ гэжэ ехэ найдагдана, илангаяа залуу үетэн. Гүрэн түрэмнай хүнэй хэhэн
ажалые сэгнэдэг гээшэ.
Цырен Базарович СССР-эй дээдэ хуралай зарлигаар 1966 оной мартын 22-то
«Хүндэлэлэй Тэмдэг» орденоор шагнагдаа hэн. Мүн лэ Эсэгэ ороноо хамгаалгын
дайнай II шатын орден, юбилейнэ шангууд, 1968 ондо «Арадай гэгээрэлэй онсо»,
1965 ондо «Буряадай АССР-эй соёлой габьяата хүдэлмэрилэгшэ» гэhэн хүндэтэ
118