"Эхэ нютаг Хоорхэмни" Эхэ нютаг Хоорхэмни | Page 12

Атомно эршэтын(энергетикын) ветеран;
Эдэ хүндэтэ нүхэднай нютагаймнай зоной омогорхол, найдал, нэрэ хүндэ
болоно.
Орон доторхи арад зоной ажаһуудалай тогтонги бэшэ үедэ таанад, эрдэмтэд,
гэдэргээ эрьежэ, нютагайнгаа зоной, аха заха нүхэдэйнгөө, орон нютагайнгаа
үргэмжөөр туйлаһан нэрэ зэргэмнай гэжэ нютагаархинаа, үри хүүгэдэйнь
саашанхи харгы замдань дүнгэлсэхэ бэзэт гэжэ найданабди.
Хэр угһаа Хөөрхын зон урагшаа һанаатай, хүбүүд үринэрөөр үнэр баян,
түбхинэнхэй байдалтай, ядамаргүй һуудаг юм. Мүнөөшье тэрэл хэбээрээ.
Ямаршье хатуу жэлдэ ган гасуурта дайралдажа, хохидол ядаралда ородоггүй,
буруунь булшантай, адууниинь арьбантай хүхэ ногоондо хүльбэрэн тангаршаан,
Улаан Хадынгаа боорёор зэлэ татан, таража бэлшэдэг гээшэ. Анхан сагһаа эхэ
эсэгымнай арьбадхаһан сагаан зөөри, табан хушуута мал, тулгань гээшэ ааб даа.
Мэхээртын дабаанһаа эхитэй Хэжэнгын эхиндэ Маарагтын эмтэ домто
аршаанһаа хүртэжэ, хото, зүрхэнэй үбшэнһөө, Хужарта нуурайнь шабар, уһан
хэрхэ (ревматизм) гэхэ мэтэ яһанай үбшэнүүдһөө эдэгээдэг иимэ һайхан домто
аршаангуудтай нютаг юм.
Хөөрхэ нютагһаа бэлигтэй хүбүүд, басагадай урган гарахань ямаршье үе сагта
дамжаггүйл.
Хүндэтэ эрдэмтэ нютагаархидтаа үреэл хэлэе:
Яларан байгаа эрдэмэй орьёлдо
Ябаһан замдаа тогтонгүй дабшан,
Хүсэн түгэс, бэлиг дундаа
Хүрэхэтнай болтогой энэл зандаа.
Эдэбхи зоригтнай эршэ нэмэн
Эртын нарандал элшэ түгэс
Бурьялан хододоо байхань болтогой!
10