Хоёрдохёор, уран үгын хүсэн хэды ехэб: хүнэй сэдьхэлдэ шэнэ бодол түрүүлжэ шадаха. Аюур шэнги, ажабайдалай шэрүүн долгиндо нэшэгдэнгүй, наһанайнгаа мэргэжэлые эртээр оложо шадабал, бултанда һайн. Хүнэй наһанай зам һолир шэнги хурдаар үнгэрдэг, тиимэһээ наһанайнгаа замай эхиндэ зүб харгыда гарахые оролдохо ёһотойбди.
Гурбадахяар, мүнөөнэй хүдөө нютагуудай ажалай ондоо маягтай болоошье һаа, хүдөөдэ гол ажалнай тэрэ зандаа гэжэ анхарха шухала. Газар дайдынгаа баялигые эзэн ёһоор гамтайгаар арьбадхажа, ажаглажа һураха шухала.
1993
ҺОНИРХОЛТОЙ УУЛЗАЛГА Ч. Цыдемдамбаевай 85 жэлэй ойдо
Дунда һургуулиин ахалагша ангинуудта « Түрэл нютагһаа холо » гэһэн романиие үзэжэ, һурагшад буряадай түрүүшын эрдэмтэ Доржэ Банзаров тухай мэдэсэтэй болодог гээшэ. Гэмшэлтэйнь, буряадай эрдэмтын нэрэ залуу үетэндэ мэдэсэнь балар боложо байна гэхэдэ болоно.
Би анхандаа 1-дэхи лицей-интернадта ажаллажа байхадаа, « Буряад басаган » гэһэн гайхамшагта зохёолойнь удхаар һонирхолтой хөөрэлдөө уулзалга һурагшадтаяа Ороной мэдээжэ эхэнэрнүүдтэй С. А. Тыхеева, Е. М. Никифорова, Г. Миронова гэгшэдтэй уулзалга эмхидхээ һэмди.
Зорилгомной: улаан засагай үедэ буряад арадай урган хүгжэлтэ, буряад эхэнэрнүүдэй гайхамшагта дүрэ уригдаһан айлшадтай һурагшадай уулзалгаар, тэдэнэй хөөрөөнһөө харуулха.
Мүн Октябриин хубисхалай урда эрдэмдэ һураха аргагүй Жаргалма басаганай хуби заяан хэды хүшэр байгааб гэжэ зэргэсүүлэн харуулха.
Энэ уулзалгада ерэһэн айлшад һонирхолтойгоор өөһэдынгөө эрдэм бэлиг, арад зонойнгоо тула ямар аша габьяатайгаар ажаллаһан тухайгаа хөөрэжэ, сугларагшад, багшанар, һурагшад 70 жэлэй туршада нютаг оронойнгоо хүгжэлтэ, ургалта тухай айлшадайнгаа хөөрөөнһөө мэдээ агша һэн. Жэшээнь Г. Миронова оронойнгоо соёл культурын ургалта, мэдээжэ зүжэгшэд, хүгжэмшэд тухай һонирхолтойгоор хөөрөө һэн.
Софья Ананьевна улаан засагай ашаар эрдэм бэлиг олохоһоо гадна буряад басагадай санаар Москва хото аяншалга тухай ямар шэн зоригтойгоор бэрхэшээлнүүдые дабажа гараһан тухайгаа хөөрөө һэн.
Екатерина Михайловнагай хөөрөөн һурагшадай сэдьхэлдэ бүхөөр хадуугдаһаниинь ойлгосотой. Буряад арадай дунда нюдэнэй трахома үбшэн ехэ һүжэрэнхэй байгаа. Холын хүдөө нютагуудаар ябажа тэдэ үбшэнтэниие аргалдаг байһанааа хөөрөө бэлэй. Һонирхолтой, Зэдэ түргэн урасхалтай голые хазаар морёор гаталхадань, хазаар моритой хүн моринойнь жолоо барижа, зэргэсэн
116