хүдэлгэн бэшэдэг юм. Зохёол-нуудайнгаа баатарнуудтай дүтэ харилсаhан мэтэ уянгата мүрнүүдээ найруулхань Зохёолшонай онсо маяг гээшэ ааб даа.
Радиогоор шэнэ хэблэгдэhэн ном сооhоо хэдэн шүлэгүүдээ уншаhанайнь hүүлээр, яажаш hаань тэрэ номынь олохо гэжэ шиидэбэб. Хотынгоо номуудые наймаалдаг газарнуудаар yсэд нэтэрүүгээр бэдэрэ бэдэрhээр, түрэл дээдэ һургуулииннь дэлгүүртэ hүүлшынь ном абаа hэм.
Газар дэлхэйе гэрэлтүүлдэг алтан шара наранай үнгэтэй « Yбэсэмнай » олоной сэдьхэлдэ үрэжэлтэй бодол түрүүлжэл байха.
Yлгы Диваажаншуу нютагни Yнинэй зүрхэндэм hанагданхай, Yнэр баян дайдамни – Yдэртөөш, hүниндөө намхантайл. Түмэн зондоо алдартай Түрэhэн минии тоонто лэ. Тэхэрижэ дахяад, баяртай Тэбэрин шамайгаа унахалби.
Зохёолшон түрэhэн нютагаа хэды hайхан гүн сэдьхэлэйнгээ оёорhоо гаран удхалан бэшэнэб даа. Иигэжэ хэзээдэшье, хаанашье ябахадаа, түрэhэн, тэнжэhэн тоонто нютагаа магтан дуулаха үндэр сэдьхэл, шадал абажа түрэhэн бэлигтэй басаган гээшэл даа.
Тоонто талаяа дэрлэшоод, Торгоор орёолгоhондол хэбтэнэлби. Ургы, ногоониинь сэсэглэшоод, Урдаhандал аятайханаар бүжэглэнэ лэ. Энээхэн улаахан зүрхэндөө – Эрдэнитэ юртэмсэ багтаанхайб. Түрэhэн, үдэhэн Yбэсэхэнөө Түүрээн мүнөө магтанхайб
- гээд, юрын үгөөр дабтажа хэлэшэгүй hайхан мэдэрэлдэ абтадаг боди сагаан сэдьхэлтэй басаган бэшэнэ. Дээдын Бурхадшье, нютагайнь тахилгата эзэдшье дууша басагаяа зоригжуулна, дэмжэнэ гээшэл даа. Буряад ороноймной иимээр нютаг ороноо магтан дуулаха хүбүүд, басагад олошорhой даа!
Гэхын зуура хёмороото сагта газар дайда, гол уhамнай үбшэлнэ, гэмшэнэ. Энэ ёро муута хэрэгүүд хүнэйл гараар хэгдэнэ. Эхэ эсэгымнай тахижа, hүгэдэжэ ябаhан элдин дайдаяа аршалха гээшэ мүнөө сагай шухала асуудал гэжэ зон булта мэдэрнэ. Яагаад энэ асуудал шиидхэхэб?! Саг хүлеэдэггүй. Мүнөөдэр, үглөөдэр тэхэрилтэгүй сансарын хүрдэдэ эрьелдэн талиидаг гээшэ.
« Жаргал » гэhэн шүлэгөөрөө хубиингаа жаргалые дэлгэн бэшэнэ. Yлзытэ энээхэн юртэмсэдэ
195