бэеэ тоолохо аргагүйб. Хүгжэмшэн гээшэ ехэ орёо мэргэжэл гэжэ тоолодогби. Дуу зохёохо гээшэ ехэ орёо хэрэг. Зохёоһон хүгжэмөө оркестртэй суг хүдэлжэ, зохидоор зэдэлүүлхээр болгохо хэрэгтэй. Юрэдөөл, дуун гээшэ буряад арадайнгаа һудалынь боломоор хүгжэмтэй байха ёһотой ».
Агванай гэртэхин тухай хэлэхэдэ, эсэгэнь Доржэ Борбоевич Улаан Үдэ хотын Улаан аймагай Зареченскын захиргаанай даргаар ажалладаг. Эжынь- экономистбухгалтер. Сэсэг дүүнь бухгалтер мэргэжэлтэй, Буряадай Арадай Хуралда ажалладаг.
Агванай гэртэхиниие Эдэрмэг нютагтаа ажаһуудаг, ажалладаг байхаһаа мэдэхэб. « Первомайский » хамтын байдалой захиралээр удаахан саг соо ажаллахадаа, ажалша зондоо хүндэтэй, даруу түбшэн зантай, ядаһан тулиһан хүндэ үнэн зүрхэнһөө туһалхые оролдожо ябадаг хүтэлбэрилэгшэ байһан гээшэ.
Тиимэл зоной гэр бүлэ урагшатай, амжалтатай, хүндэтэй ябадаг ха юм даа. Сагаан сэдьхэлтэй хүнэй үринэрэйнь харгы арюун байдаг гээшэл.
Эхэ эсэгын буянгаар, нютаг нугын зон нүхэдэйнгөө дэмжэлгээр Агвамнай солото хүнүүдэй нэгэн боложо, хүгжэмэй орьёлдо хүрэхэнь болтогой гэжэ олон нүхэдэйнь, багшанарайнь зүгһөө үреэнэбди. « Наһатай болоһон эжыдээ Нангин жаргал үреэнэб »,- гэжэ Агван түгэсхэлдэнь хэлэбэ.
1997
БУРЯАД АРАД ХЭНҺЭЭ ДУТААБ?
Дүрбэ-табан жэлэй саана радиогоор дамжуулба: Улаан Үдэ хотымнай Октябриин аймагай 47-дохи тойрогто « Гэсэр » гэжэ нэрэтэй кинотеатр баригдахань.(« Түрөөгүй хүбүүндэ түмэр үлгы бэлдэбэ » гэһэншүү, яагаа бэлээр үгтэһэн ехэ нэрэ гээшэб?).
Би угһаа сэхэ зантай хүн аад, энэ дуулаһан һонин тухайгаа үеынгөө нүхэдтэ баясан мэдээсэхэ зуураа, баригдажа эхилһэн гэрнүүдые « шарайшалан, одоол үнөөхи « Гэсэрнай » бэшэ юм аа гү гээд лэ адаглахадам, юрэл ондоо байра болошохо юм лэ даа. Энэл сохом байһан байха гээд лэ, торхынь бодотор, ЗММК-гай соёлтамирай байшан ажаглабаб …
Теэд яахаб, нэгэтэ һайн саг тохёолдожо, « Гэсэрэй » богоһо алхажашье болохобди, найдая.
« Гэсэр » гэжэ үльгэрэй мянган жэлэй ой тэмдэглэхэ тухай хөөрэлдөөн боложо эхилэнхэй. Тэрэниие шэнээр хэблэн гаргаха асуудалнууд табигдана, тон баясанабди. Зүгөөр ульгэрые гоё һайханаар шэмэглэжэ, һалаа бүхэнэйнь Гэсэрэй дайнууд үнгэтэ зурагаар харуулагданхай байха аабза гэжэ найдахаар. Мүн бултанда хүртэхөөр олохон хэһэгээр хэблэгдэхэ гэжэ хүлеэгдэнэ.
Үни холо гараһан Михаил Степановай « Карающий меч Гэсэра » гэһэн номой
156