ЭХЭ НЮТАГ ХӨӨРХЭМНИ Книга эжи | Page 150

Алсагаев Матвей Маринуевич
Катушкин Максим
Сергеев Иннокентий Михеевич
Цыренов Дамба Цыренович
Суворов Иван Прокопьевич
Батуева Цыжип Батуевна.
Түлэг дайнай үе. Эхэ оронойнгоо
уряалаар Балдан хүбүүн эдирхэн
наhандаа бүлэг нүхэдтэеэ ороноо
дайсадhаа хамгаалалсахаяа дайнда
мордоо бэлэй…
Халуун
тулалдаануудта
баатарлигаар
дайлалдаhанайнгаа
түлөө хэдэн олон орден, шан,
талархалай тэмдэгүүдтэ хүртэhэн.
Эгээл
эрхимынь
дайсаниие
даралсаад, бүтэн бүлеэн орон нютагаа
бусажа ерэhэниинь сэнгүй үнэтэй
гээшэ ааб даа.
Дайнай hүүлээрхи ороноо hэргээн
бодхоолгын үедэ амгалан ажабайдалдаа хам оролсожо, ажаллаhан түүхэтэй.
1946 онhоо Хэжэнгын дунда hургуулида багшалаа. 1948 онhоо Коминтернын
эхин hургуулиие эрхилэгшээр ажаллаа. 1952-57 Загаһатын хамтын байдалда
парторгоор ажаллаа. 1957–1960 онуудта Чисаанын сельпогой түрүүлэгшээр
ажаллаа. 1960 онhоо Хориин райсоюзда 1964 он хүрэтэр ажаллаhан намтартай.
Наhанайнгаа хани нүхэр Цыпилма Жигжитовнатаяа олон үринэрые үндылгэжэ,
хубиингаа жаргал дүүрэн эдлээ гээшэл даа. Цыпилма Жигжитовна залуудаа
багшаар ажаллаhан, мүн наймаанайшье ажалда хүдэлhэн.
Урда мэтэ ахыемнай үгылүүлэнгүй хошон зугаа хөөрөөтэй, амтан эдеэгээрээ
хүндэлжэ hуухадань, үнэн зүрхэнhөө баясадагби. Ашата ахатанайнгаа үринэрые
дурдаха хүсэлэнтэйб: Виктор – ВСГТУ-гай багша, доцент, Ханда – аргашан,
фельдшер байhан, Бэлигма – ВСГТУ дүүргэhэн экономист мэргэжэлтэй, Бэлигто
– Новосибирскын университет дүүргэhэн, математик, Жаргал – Эрхүүгэй дээдэ
һургуулиин Хо Ши Минэй нэрэмжэтэ хари хэлэнэй таhаг дүүргэhэн.
Балдан ахатамнай иимэл олон үнэр бүлэтэй ажаhуугаал даа. Мүнөө 8 аша,
зээнэр, 3 гушанар ургажа ябанад даа. Тэдэнэйнь шэг шарай, абари зандань ашата
ахымнай дүрэ байхадань, угай шуhан иимэл хүсэтэй юм байна даа гэжэ бодогшоб.
Балдан ахамнай гансааран өөдөө болоогүй. Даадяан Цэмпилэйхи-hээ абтаhан
Цэжаб гэжэ үргэмэл дүү басагатай hэн. Дамдинтан хүбүүн басаган хоёртой түгэд
айлайхи нютагтаа ажаhуугаал даа. Цэжаб мүнөө Хэжэнгэдээ үнэр бүлын эжы
наhанайнгаа амаралтада ан-бун ажаhуудаг юм. Yе-үе болоод лэ ахындаа үрмэ
тоhон хэшэгтэй айлшаар ерэлгэтэйл байдаг.
Хүнэй хэhэн хэрэг, ажабайдалай ёhо заншалые үри бэенэр үргэлжэлүүлдэг
гээшэ. Тиимэhээ мүр сараагүй оршолонhоо халин ошонобди гэжэ огто болохогүй.
Һайн хүнэй дүрэ мүнхэ шэнги үлэдэг ха юм.
Ахындаа ороод, абгайхантаяа аяга сайень уужа, амтан эдеэень эдилсэжэ, хошон
152