Нарата һайхан шэнэ хуулияа зохёоһон гэхэ мэтэ сагай эрилтэдэ таарамжагүй болонхой. Анханда « Шэнхинээтэ нарһад » гэһэн зохёолыенъ һурагшад ехэл һонирхожо үзэдэг һэн. Хүтэлбэрида ороогүйнь харамтай.
« Гэсэрэй » удхые прозоор тайлбарилан бэшэһэн номынь һурагшадай үльгэрые шудалан үзэлгэдэ тон туһатай ном болонхой гээшэ. Хэнэйшье мэдэһээр, үльгэрэй хэлэн мүнөөнэй һурагшадай ойлгохонь хүндэ болонхой ха юм. Түгэсхэлдэнь, Н. Г. Дамдиновые 60 наһанайнь ойн баяраар олон тоото һурагшадай, багшанарай зүгһөө халуунаар амаршалаад:
гэжэ үреэе!
Мүнхэ зохёолнуудайтнай харгы Мүрэн, далайнуудта тогтонгүй, Алтан үзэгүүдээр шэмэгдэн, Арад бүхэнэй сэдьхэлдэ Арюун бодол түрүүлжэ, Аглаг һайхан оронуудаар Аршаан болон дэлгэрэг лэ
1992 он
ГЭРЭЛТЭ ЗАМАЙНЬ СЭБЭР СЭДЬХЭЛ
Гэрэлтэ замайнь сэбэр сэдьхэл, сэхэ зангынь үринэрэйнь абарида харахада, ехэл hонин байдаг даа. Угаа уhанда хаядаггүй гээшэмнай энэл даа: Дамдинов Балдан Базарович тухай эндэ хөөрэхэ хүсэлэнтэйб.
1922 ондо Хэжэнгын аймагай Эдэрмэг нютагта галзууд угтай Бадмын Бальжад басаганhаа газар дайдада тэрэ түрэhэн түүхэтэй.
Эдэрмэг нютагтаа, зон голдоо мэдээжэ Ондоон Дамдин гэжэ алдаршаhан нэрэтэй Базарай Дамдинайда эхэеэ дахажа, үринь болоhон намтартай. Гартаа дүйтэй дархан, хүндэмүүшэ, хошон зугаа хөөрөөтэй үргэhэн эсэгэнь хүбүүхэнээ хүнэйл зэргэ хүн болгожо табяал даа.
Бишыхан Балдан hургуули хэхэ замдаа hүбэлгэн өөрэ хүбүүн байжа, 1942 ондо нютагайнгаа бүлэг хүбүүдээр 10-дахи анги амжалтатай дүүргээ hэн.
Һургуулида сугтаа hураhан нүхэдэйнь олонхидойнь үгышье hаань, түрэлхидтэнь hонин байжа магадгүй гэжэ бодоод, нэрэ нэрээрнь эндэ дурсахам.
Полосурова Дарья Мандархановна Дамдинов Балдан Базарович Доржиев Дугаржап Найданович Дарижапов Дашанамжил Дамдинович
Бадмаев Дашадондок Мангатаев Даша Бадмаевич Жигмитов Бадмадоржэ Ешеевич Жигмитов Содном Ешеевич
151