ЭХЭ НЮТАГ ХӨӨРХЭМНИ Книга эжи | Page 12

БУУРАЛ БААБАЙНАРАА ТАХИХАДАА...
Энэ Бишэн жэлнэй hайн үнгэржэ байна гэхын аргагүй: үзэгдөөгүй халуун,
хуурай hалхин, ган гасуур, түймэр. Тарилгада ямар хойшолонтойнь эли.
Урдань, минии багада, зунай эхеэр – июниин эхеэр нютагтаа Улаан Хадынгаа
обоодо төөлэйтэйгөөр гаража, мүргэдэг, найрладаг хамнай даа. Тэрэл үдэртөө
үдэшэлэн аадар бороо шааяжа, газар дайда ундаа харяажа, зоной сэдьхэл
амарагша һэн.
Һүүлэй үедэ нютаг бүхэндэ обоо уулаяа тахидаг болоһомнай ехэ hайн.
Тиигэбэшье энэ ёhо заншал сагhаа хожомдожо, хохидолдо орогшобибди гэжэ
hанахаар байна. Хүндэ сагууд даамайржал байна хэбэртэй.
Хоёр жэл болобо хаш. Нэгэтэ Буряадай мэдээжэ уран зохёолшо Б.Н. Ябжановай
хөөрэһыень һананаб: «Буряад орондомнай Бархан уулаһаа эхилээд (бултыень
тоолоо һэн), 13 Буурал баабайнар бии юм. Саг болзор соонь, таараха үдэр
гаргуулаад лэ, тусгаар уншалгыень уншажа, мүргөө, гуйгаал һаамнайл, хэрэгтэй
уһыемнай үгэжэ, газар дайда уһалагдахал байгаа даа…»
Нютаг бүхэндэ юумэнэй ушар удха мэдэхэ зон олон ха юм даа. Яабашье ган
гасууртай тэмсэхэ саг тулаа бэшэ гү?
1992
ТООНТО НЮТАГАЙ ТООҺОНШЬЕ ГОЁ
Хүлгөөтэ энэ сагта хүнэй ажаhуудал тон хүндэ, хэлбэрхэй болоод байна гэжэ
булта бэе дээрээ үзэнэбди, мэдэнэбди, ядаралдандабди. Гэбэшье бидэнэй hанаа
тэгшэлхэ нэгэл хүсэн бии. Тэрэ хадаа тоонто нютаг юм.
Элдин хонгор эхэ нютаг гээшэ эльгэ зүрхыеш эзэлдэг, уяруулдаг, уряалдаг,
сэдьхэлыеш урма зоригоор бадаруулдаг ха юм даа.
Би өөрынгөө түрэhэн нютаг Хөөрхэдэ хүн боложо үдэhэн, ургаhан хүн гээшэб.
Элдин hайхан тоонтодоо ажаллаашьегүй hаа, эхэ нютагайнгаа ажабайдалые
харааhаа алдахагүйе оролдожол, hонирхожол, амжалтаарнь баясажал ябадагбди.
Бүхы залуу наhаяа зэргэлhэн Эдэрмэг тосхондо ажаллажа, уг изагуурайнгаа
тоонто Хөөрхынгөө – нютагаархидайнгаа үринэртэ эрд эм ном хэшээхэ хуби
заяатай байгааб.
Минии нагасатан болохо Базаров Дамдинжабтан бүхы наhандаа Хөөрхэдөө
ажаhуугаа. Хүбшын модоной хүхэрхэ үеэр хаа-яа ажалаараа Хөөрхэеэ ерээд,
зорюута эртэлжэ, үглөөнэй үнеэ һаалганай, бэлшээридээ малаа гаргалганай үеэр
бодоод, газаа гарахадаш, шэнэhэнэй хоншуу үнэр хамар сорьёмоор анхилжа,
хүхын донгодохо элихэнээр дуулдажа байхадань, ямар бэ даа, сэдьхэлэй уян
мэдэрэлдэ абтажа, олохон лэ юумэн тухай бодомдолжо эхилхэш. Хүнэй бодол
14