МЭДЭЭ , МЭДЭЭЛЭЛ
ÕÓÓËüчийн мэдээ
ШИНЭ ХУУЛЬЧИД ТАНГАРАГ ӨРГӨЖ , ГЭРЧИЛГЭЭГЭЭ ГАРДАН АВЛАА
Монголын Хуульчдын холбооны Ерөнхийлөгчийн тушаалын дагуу тус холбооны гишүүнээр элсэж буй 126 шинэ хуульчийн тангараг өргөх ёслолын ажиллагааг 2017оны 1 дүгээр сарын 25 , хоёрдугаар сарын 25-нд тус тус зохион байгууллаа .
Тангараг өргөх ёслолын ажиллагаанд тус холбооны Ерөнхийлөгч Б . Гүнбилэг , Тамгын газрын дарга Ц . Ганболд , Зөвлөлийн гишүүн Д . Түвшинтамир , Ц . Арвинбуудай , Т . Жавхлантөгс ,
Захиргааны эрх зүйн хорооны тэргүүн Д . Ганзориг , Иргэний эрх зүйн хорооны тэргүүн Г . Даваадорж , Олон Улсын эрх зүйн хорооны тэргүүн А . Төмөр Мэргэжлийн хариуцлагын хорооны Ажлын албаны дарга С . Нямжав нарын эрхмүүд урилгаар оролцсон бөгөөд тангараг өргөх ёслолын үеэр шинэ хуульчдад мэргэжлийн үйл ажиллагаа эрхлэх зөвшөөрлийн гэрчилгээ олгосон юм .
Хуульчийн эрх зүйн байдлын тухай хуулийн 19 дүгээр зүйлийн 19.1-д
заасны дагуу хуульчийн мэргэжлийн шалгалтад тэнцэж батламж авсан иргэн нь батламжаа авсан өдрөөс хойш 90 хоногийн дотор Хуульчдын холбоонд гишүүнээр элсэх өргөдлөө гаргах ёстой .
Үүний дагуу Хуульчдын холбооны гишүүнээр элсэх өргөдлийг тус холбооны Тамгын газар 2016 оны 12 дугаар 27-ны өдрөөс авч эхэлсэн бөгөөд эхний ээлжинд өргөдлөө гаргаад байсан 126 хуульчийг гишүүнээр элсүүлж , хуульчийн мэргэжлийн үйл ажиллагаа эрхлэх зөвшөөрөл олгоод байгаа нь энэ юм .
4
ГЭМТ ХЭРГЭЭС УРЬДЧИЛАН СЭРГИЙЛЭХ ХӨТӨЛБӨРТ 13200 ГАРУЙ ОЮУТАН , СУРАГЧ ХАМРАГДЛАА
Монголын Хуульчдын холбооноос орон нутгийн ахлах ангийн сурагчид , Нийслэлийн их , дээд сургууль , коллежийн оюутнуудад гэмт хэргээс урьдчилан сэргийлэх хичээл заах ерөнхий хөтөлбөрийг боловсруулан 2016 оны дөрөвдүгээр улиралд хэрэгжүүлсэн билээ .
Хөтөлбөр хэрэгжих хугацаанд Монголын Хуульчдын холбооны 68 гишүүн хуульч нь Нийслэлийн 9 их , дээд сургуулийн 1217 оюутан , орон нутгийн ерөнхий боловсролын 59 сургуулийн ахлах ангийн 12004 сурагчдад гэмт хэргээс урьдчилан сэргийлэх талаарх мэдлэг олголоо .
2017 онд тус хөтөлбөрийг үргэлжлүүлэн хэрэгжүүлж , хамрагдаагүй сургуулиудын оюутан , сурагчдад гэмт хэргээс хэрхэн урьдчилан сэргийлэх талаар хичээл заахаар төлөвлөж байна .