13
Төрийн албан хаагчдыг намуудын дарангуйллаас салгахын төлөө
• Төрийн албан хаагчдын нийгмийн асуудал, ажиллах орчинг өндөр түвшинд гаргаж, төрийн ажил гацаагүй шуурхай явдаг, томилолт, томилгоо улс төрөөс ангид байх системийг бий болгохын төлөө зорьж ажиллана.
• Багш, эмч нарын нийгэмд эзлэх байр суурийг нэмэгдүүлж, хамгийн эрхэм мэргэжил болгоход анхаарна.
Төрийн нарийн бичгийн дарга
Газрын дарга
Хэлтсийн дарга Ахлах мэргэжилтэн
Мэргэжилтэн
Намын томилгоогоор Төрийн албаны шалгалтаар
Цэвэр, тунгалаг, нээлттэй, сайн засаглалын төлөө
Таатай, тухтай, тайван амьдрах орчны төлөө
• Төрийн бүх шатны байгууллагын удирдлагын манлайллыг дээшлүүлэх, бүх нийтийн оролцоо, төр, хувийн хэвшлийн түншлэлийг хангасан нээлттэй, ил тод, хариуцлагатай засаглалыг үндэсний болон орон нутгийн түвшинд бүрдүүлэхийг дэмжинэ.
• Иргэний нийгмийн чадавхи, санхүүжилтийн асуудалд анхаарч эрх зүйн таатай орчин бүрдүүлэхийг зорьж ажиллана.
• Иргэдийн мэдээлэл авах эрхийн хүрээнд төсвийн талаарх мэдээллийг нээлттэй, ил тод байлгах болон төр засгийн аливаа үйл ажиллагаа ил тод, нээлттэй, шударга байхын төлөө ажиллана.
• Хот суурины төлөвлөлтийг боловсронгуй болгож, дэд бүтцийн байгууламжийн чанар, хүртээмжийг нэмэгдүүлэх, хүн амд амьдрах орчны зөв дадлыг төлөвшүүлж, хүрээлэн байгаа орчны чанар, хог хаягдлын менежментийг сайжруулахад ач холбогдол өгч ажиллана.
• Хот байгуулалтын ногоон хөгжлийн стандартыг боловсруулж, ногоон хөгжлийн загварт нийцсэн дэд бүтцийг бий болгон, Улаанбаатар хот болон бусад хот, сууринг дахин төлөвлөх, барилгын дулаан алдагдлыг бууруулах төсөл хөтөлбөрүүдийг дэмжинэ.
• Хүүхдүүдэд ээлтэй, аюулгүй орчныг бий болгоно.
Байгаль орчин, тогтвортой хөгжлийн төлөө
• Сэргээгдэх эрчим хүчийг дэмжих, нүүрс, занарыг шингэрүүлэх, хийжүүлэх дэвшилтэт технологи нэвтрүүлэх замаар хүлэмжийн хийн ялгарлыг бууруулах, байгаль орчны удирдлагын стандарт нэвтрүүлэхийг дэмжиж, батламж авсан аж ахуйн нэгж, байгууллагын тоог нэмэгдүүлэхийг дэмжинэ.