ПРОЦЕНКА НА ПОТРЕБИТЕ НА МЛАДИТЕ СЕКСУАЛНИ РАБОТНИЦИ ВО ОДНОС НА ЗДРА Проценка на потребите на младите сексуални работни | Page 5

1. ВОВЕД
Во Република Македонија, младите сексуални работници/чки, особено жените,
имаат потешкотии во пристапот до здравствените, социјалните и правните
услуги што е резултат на дискриминацијата и маргинализацијата на оваа
група. Лошата достапност и неадекватноста на услугите на СРЗ (Сексуално и
репродуктивно здравје), како и неадекватната или ненавремента социјална
и правна помош кои им се потребни на младите сексуални работници/
чки резултира со зголемување на присуствотото на СПИ (Сексуално
преносливи инфекции), намалување на квалитетот на живот, непрепознавање
на нивниот статус во општеството и несоодветни услови за работа.
Во Македонија, младите сексуални работници/чки најчесто ги добиваат
здравствените, социјалните и правните услуги преку граѓански организации,
додека пак истите се лимитирани и потешко достапни во јавните институции.
Потешкиот пристап до услуги во јавните институции е резултат на
неинформираноста на сексуалните работници/чки за постоењето на истите
во јавниот сектор, стравот од потенцијална дискриминација од страна на
професионалните работници, како и намалениот кавалитет на услугите.
Со ограничениот пристап до здравствени, социјални и правни услуги, се
зголемува ризикот од појава на насилство, дискриминација и сериозни
повреди врз животот и здравјето на младите сексуални работници.
1.1 Право на здравје
Пристапот до сеопфатно сексуално и репродуктивно здравје што подразбира
услуги за превенција од ХИВ/СИДА, СПИ и општи здравствени услуги е
суштинска компонента за здравјето на сексуалните работници/чки базирано на
нивните основни човекови права. Програмите за јавно здравје и креаторите на
здравствени политики ретко ги вклучуваат потребите на сексуалните работници/
чки. Од друга страна, дискриминацијата и стигмата го попречува нивниот
пристап до сеопфатни програми за здравје од страна на јавните институции.
Во невладиниот сектор се обезбедуваат одредени услуги на СРЗ за сексуалните
работници, но сепак, мал е бројот на услуги кои можат да се дадат на одредени
подгрупи, како што се машките сексуални работници и трансродовите сексуални
работници, што дополнително ја зголемува нивната ранливост и маргинализација.
5