БҚМУ жаршысы - Вестник ЗКГУ ЗКГУ. Вестник, 1-2019 | Seite 436

БҚМУ Хабаршы №1-2019ж.
ЖЕР ТУРАЛЫ ҒЫЛЫМДАР /
НАУКИ О ЗЕМЛЕ /
SCIENCES ABOUT THE EARTH
ӘОЖ 338.48(574)
Ғалымов М.А. – география ғылымдарының кандидаты,
М.Өтемісов атындағы БҚМУ доценті
E-mail: [e-mail]
Өмірзақова М.Ж. – М.Өтемісов атындағы БҚМУ магистранты
E-mail: [e-mail]
АҚТӨБЕ ОБЛЫСЫНЫҢ ТУРИЗМ ИНДУСТРИЯСЫН ДАМЫТУҒА
МҮМКІНДІК БЕРЕТІН ЭКОНОМИКАЛЫҚ-ГЕОГРАФИЯЛЫҚ
ФАКТОРЛАРЫ
Аңдатпа. Бұл мақала аймақтық білім алуға негізделген өлкетану
бағытындағы материалдар жинағы болып табылады. Мақалада Ақтөбе
облысының туризм индустриясының дамуына әсер ететін экономикалық-
географиялық факторлар қарастырылған. Өңірдің туристік индустриясының
даму әлеуеті есептелінді. Сонымен қатар Спирменнің рангтік корреляция
коэффициенті арқылы транспорт желісінің тығыздығы мен облысқа келушілер
саны арасындағы байланыстың есептелінуі көрсетілген.
Тірек сөздер: туризм индустриясы, экономикалық географиялық
факторлар, транспорт қолжетімділігі, Спирменнің рангтік корреляция
коэффициенті, ауыл туризмі, облысқа келушілер саны
Ақтөбе облысы туризм индустриясының дамуына экономикалық-
географиялық факторлардың әсері өте зор. Жалпы туризм индустриясының
экономикалық- географиялық даму факторларын бірнеше сатылық бөліктерге
бөлуге болады. Және бұл бөліктерді еске алу арқылы Ақтөбе облысының
экономикалық-географиялық факторлары негізінде туризм индустриясының
даму деңгейін анықтай аламыз. Бұл факторлаға төмендегідей тізімді жатқызуға
болады:
1) Қабылдаушы обылыстың экономикалық-географиялық орналасуы,
қабылдаушы облыстың және ол үшін туристердің негізгі жеткізушілері болып
табылатын елдердің экономикалық деңгейі;
2) Ішкі туризмді дамытып, экономиканы тығырықтан шығару үшін
білікті мамандар санының болуы;
3) туристік орталықтардың транспорттық желімен қамтамассыз етілу
деңгейінің туристердің санына әсері;
Көрсетілген тізім бойынша Ақтөбе облысының туризм индустриясының
даму деңгейіне талдау жасай отырып бірінші кезекте облыстың экономикалық
географиялық орналасуы туризм дамуына ықпал жасайды.
Ақтөбе облысы – Қазақстан Республикасының солтүстік-батысында
300,6 мың шаршы шақырымды алып жатқан, жер көлемі бойынша екінші
орынды алатын (мемлекет аумағының 11%), ірі өндірістік транзиттік аймақ
болып табылады. Облыс Қазақстанның алты облысымен, солтүстік-шығысында
435