Oor mense: Jou vark! Jy is treurig. Jou dom on-
nosele mens. Jy maak my siek!
En oor jouself: Ek kan nie. Ek is moeg. Ek is siek.
Ek is sat. Ek is af. Ek is depressief. Ek glo nie meer
nie. Ek is vet. Ek is lelik. Ek is sonder talent. Ek is
bang.... Ek is kragteloos. Hopeloos!
Op pas wat jy sê. As die woorde wat by jou mond
uitkom, negatief en onopbouend is, het dit ‘n
negatiewe effek - op jou en almal wat jou aanhoor.
“Words are singularly the most powerful force
available to humanity. We can choose to use this
force constructively with words of encouragement,
or destructively using words of despair. Words
have energy and power with the ability to help, to
heal, to hinder, to hurt, to harm and to humiliate.”
Snoei aan die onkruide in jou woordeskat - om
meer en meer woorde van LEWE te spreek in plaas
van dood. Oor die land, oor mense...oor jouself.
Lig jouself en ander met jou woorde.
Woorde is nie net letterjies nie. Dis gelaai met
KRAG. Krag om op te bou of krag om te vernietig.
Skinder jy maklik? Is jy lief om slegte nuus aan te
dra? Onmin tussen mense te saai? Kla jy gereeld -
sommer as ‘n gewoonte!
Kom ons deurdink ons woorde in God se Stilte –
in ons gedagtes! Proe hulle in jou gedagtes. Voel
die uitwerking van die woorde wat jy wil sê.
Sit vandag daai handrem op al die suur woorde.
Die snydende woorde. Die wrede woorde. Die
woorde wat jou en ander afbreek en beperk.
Jou gedagtes bly die enjin wat jou woorde aan-
vuur. Die Woord se duidelik, dit wat in jou ged-
agtes (jou hart) omgaan, bepaal jou hele toekoms.
En ander s’n...
Vergun my twee metafore oor jou gedagtewêreld:
1. Die ma’s in elke huishouding is tans op ‘n
dieet – so die hele huishouding eet tans net blare.
Oor die afgelope feestyd het die tafels gekreun van
al die krismiskoek en braaivleis – Ma weeg haar
gewig nou op die rigterskaal en die hele huis is
nou op ‘n dieet. As jy gewonder het, die blare wat
nou die huishouding se stapelvoedsel geword het,
se funksie is om jou te detox – jou te ontgif.
Die uitdaging aan elke Zwarrie-huishouding in
konteks van ons jaartema is dat ons ons denke op
‘n dieet sal plaas – op ‘n detox.
In sy boek “ReThink your life. A unique diet to
renew your mind“ skryf Stan Toler dat enige dieet
op die beginsel werk dat jy vir sekere goed nee sê
en vir ander ja. En een van die eerste goed wat
enige dieet uitsny is “junk food“. En dan skryf hy
dat ons denke oorgewig is omdat dit gevoed word
deur te veel “junk“ en dat ons ons denke op ‘n dieet
moet sit. En dan maak hy ‘n groot ding van die
ongesonde spyskaart wat deur die media aan ons
voorgesit word – dit wat jou sensories stimuleer.
En dan stel hy voor dat ons dalk op meer as net
‘n media-dieet moet gaan – ons moet dalk op ‘n
media-vas gaan.
Hy skryf: “I find television very educating. Every
time somebody turns on the set, I go into the oth-
er room and read a book“.
“Greatly reduce the amount of data you consume,
and with the time you save, renew your focus on
the Creator of your mind“.
Hy skryf: “What’s worse than having a junky
body? Having a junky mind“.
Die uitdaging aan die Zwarrie-familie is om media
te kies wat jou denke voed en positief stimuleer.
2. Die tweede metafoor wat ek wil deurtrek na
jou gedagtes toe, is my motor wat ek nou onlangs
vir ‘n “Valet“ gevat het. Toe ek hom terugkry, was
hy splinternuut. Toe ek daar wegkry, dink ek dit
is dalk net nodig dat ek my gedagtes ook moet
inboek vir ‘n Hemelse “Valet“ Om hom skoon te
spuit van alle negatiwiteit.
Ek sluit af: Net jy kan besluit wat jy in jou ged-
agtewêreld gaan toelaat. Net jy het beheer oor jou
gedagtes. Jy kan sekere gedagtes verban, of wei-
er, en ander verwelkom. Dis jou keuse wat jy daar
toelaat. Wees net baie bewus van die feit dat dit
uiteindelik ook jou woorde en dade gaan bepaal.
Die sleutel om in beheer jou lewe te wees is om in
beheer jou gedagtes te wees.
In Zwarrieland gaan ons jou in 2019 leer om jou
denke positief te oefen en jou selfgesprek positief
te kleur, sodat jy ‘n wenner kan wees. Jy gaan loods
van jou eie positiewe denk- en praatvlug wees. En
ja, in alles bely ons ons afhanklikheid van die Here
– sonder Hom kan ons niks doen nie!