poezi
Dy pika në hapsirë Fjalët mbesin pa fjalë
Nuk kam pasuri, pallate e para
Jam ky që më shihni, ju që më njihni
Po më i lumtur do të isha sikur të mos kem asgjë
E të ndihem që kam botë
Se sa të kem botën, e të ndihem sikur nuk kam asgjë
Sepse çdo gjë që është sot, dje ka qënë asgjë
Dhe nesër në asgjë do të kthehet
Ardhja nga asgjëja dhe kthimi jonë në të
Nuk është edhe pa ndonjë gjë
Çdo ngjarje pas vete fsheh edhe nga një arsye
Ani pse nuk e shohim dhe nuk e njohim
Ne gjith jetën ikim nga vdekja
Po ikim drejt saj, sikur të na ngatërrohej kahu
Po cili është kahu i vdekjes në drejtimin e pa kah?
Cili është momenti i krijimit në fillimin e pa kohë
Cili jam unë në mesin e kësaj turme njerëzish
në mesin që si njoh?
E si dua të njoh të tjerët kur ende se kam njohur veten
E si dua ta njoh veten, e pa e njohur mirë Krijuesin
Jeta është si një drejtëz me dy pika
Drejtëzës i llogarisim distancën midis pikave
E jetës duhet t’i llogarisim distancën
në mes lindjes dhe vdekjes
T’i përsosim vlerat mes këtyre dy pikave
ngase për to do të pyetemi
E çka vjen pas pikës së dytë?
Një vijë e pa fund...
Argjend Xhelili
Fuqia më e madhe
gjunjëzohet para dashurisë Tënde…
Britma e ushëtima,
duket heshtje…
Trupi përulet,
e balli puth tokën...
Fjalët mbesin pa fjalë,
para dashurisë Tënde.
Jeta duket e pakuptimit,
nëse për Ty nuk meditoj...
zemra bën tik tak e pa rrymë e rregull,
kur emrin Tënd e dëgjon,
kurse nuk bën zë e sa që dëgjohet,
kur malli për Ty e kaplon.
Ti je Ai për të cilën loti vetë ka dëshirë të derdhet,
e jo se shpirti ngushtohet...
Emrin Tënd të bukur e thotë vet buza,
edhe nëse unë harroj…
e thotë edhe shpirti në brendi,
për të përjetuar edhe ai të njëjtën ëmbëlsi…
Zoti im, unë mundohem të gjej fjalë për të treguar
lartësinë tënde.
Por se edhe fjalët janë të Tuat të gjitha.
E si mund të tregoj madhërinë Tënde me fjalë,
Kur ato janë veç një nga krijimet e Tua...
Hëna e yjet të madhërojnë Ty,
madje nuk lind as djelli në asnjë agim,
pa ta rënë në sexhde Ty,
e pa i kërkuar me përulësi madhërisë Tënde,
që ai të lindë përsëri…
Shkëmbi i fuqishëm hidhet tatëpjetë,
dridhet e coptohet, vetëm për të treguar dashurinë për
Ty.
Edhe toka që sillet pa lëvizur ne nga vendi,
e bënë këtë për të treguar Pushtetin Tëndë...
Atëherë, a u vërtetua se fjalët mbesin pa fjalë,
Para madhërisë Tënde Allah…!!!
Esma Sherifi
41