Intervist me Dekanin e Fakultetit të Studimeve Islame
PROF . DR . QAZIM QAZIMI
30
Zgjimi Islam : Na tregoni më gjerësisht rreth punëve që janë duke u bërë në FSI ?
Qazim Qazimi : Fakulteti i Studimeve Islame u themelua më 1992 , ndërsa tani po bëhen 20 vjet punë sistematike e pandërprerë , por viteve të fundit kemi një dinamikë më të madhe të punës , ngase infrastruktura që kemi tani na bën të mundshme një punë më të madhe , më të suksesshme dhe më cilësore . I them të gjitha këto , sepse kjo infrastrukturë që e kemi , lirisht mund të themi , se e lakmojnë fakultete tjera qofshin ato publike apo private . Bëhen shumë punë në fakultet , çështja më e rëndësishme është çështja e mësimdhënies dhe ajo e mësimnxënies , ky është cilindri kryesor i menaxhmentit të Fakultetit . Mendoj se kemi sukses , këtu është bërë një punë e madhe , tani po e përmbyllim semestrin veror të këtij viti akademik 2011-2012 dhe besoj se po e bëjmë suksesshëm , ngase ligjëratat janë mbajtur me rregull , nuk ka mungesa nga stafi akademik , por edhe studentët kam përshtypje se janë vetëdijesuar më shumë , ndaj prania e tyre në ligjërata është më e madhe në krahasim me vitet e tjera .
Zgjimi Islam : Dimë se ka filluar akreditimi i Fakultetit të Studimeve Islame , si janë duke shkuar punët dhe a do të jetë FSI-ja degë e Universitetit të Prishtinës këtë vit ?
Zgjimi Islam
Qazim Qazimi : Fakulteti i Studimeve Islame punon qe 20 vjet , por fatkeqësisht deri më tani nuk ka qenë i akredituar dhe studentët tanë , të cilët kanë diplomuar në Fakultetin e Studimeve Islame , sidomos viteve të fundit , kanë hasur në probleme rreth vulosjes së diplomave të tyre , në njëfarë mënyre ato nuk ishin legjitime , por varësisht prej fakulteteve ato private disa i kanë pranuar më lehtë , ndërsa universiteti publik me më vështirësi i ka pranuar studentët tanë për shkallën e tretë , pra për magjistraturë . Tani jemi shumë afër , kam bindjen se në vitin akademik 2012-2013 Fakulteti i Studimeve Islame do të jetë i akredituar dhe nuk dyshoj në të , ngase , siç e përmenda edhe më herët Fakulteti ynë i plotëson të gjitha standardet e kërkuara për të qenë i akredituar . Jeni në dijeni se në prill të këtij viti kemi pasur këtu një komision ndërkombëtar , i cili e ka bërë vlerësimin e cilësisë , infrastrukturës por edhe stafit pedagogjik , duke shikuar kështu se a i plotësojmë kriteret e kërkuara për të qenë të akredituar . Fatmirësisht kemi elemente pozitive dhe shumë shpejt presim akreditimin e Fakultetit të Studimeve Islame . Kështu , pas njëzet vjetësh do ta kemi Fakultetin e Studimeve Islame të akredituar dhe karshi fakulteteve të tjera publike që janë në Universitetin publik të Prishtinës . Sa i përket asaj se a do të jetë Fakulteti i Studimeve Islame në kuadër të Universitetit të Prishtinës , edhe në këtë drejtim kemi bërë hapat e duhur , ne u kemi shkruar Senatit të Universitetit publik të Prishtinës , Bordit drejtues të Universitetit të Prishtinës , Rektoratit , por edhe Ministrisë së Arsimit dhe kemi hasur në mirëkuptim ; kemi fjalë miradije dhe tani presim vetëm një qëndrim politik që edhe Fakulteti i Studimeve Islame të bëhet njësi e veçantë akademike në kuadër të Universitetit publik të Prishtinës , natyrisht duke i ruajtur specifikat dhe veçoritë që i ka drejtimi ynë .
Zgjimi Islam : Nxënësve që vijnë nga shkolla të tjera të mesme , përveç medresesë çfarë trajtimi u jepet atyre , pasi e dimë se kanë vështirësi të adaptohen në një ambient të tillë dhe a është i madh numri i këtyre gjimnazistëve të cilët çdo vit aplikojnë në Fakultetin e Studimeve Islame ?
Qazim Qazimi : Fakulteti i Studimeve Islame është fakulteti i parë në trojet shqiptare , mu për këtë kemi pasur kandidatë të shumtë nga të gjitha trojet shqiptare , prej Kosovës në rend të parë , Maqedonisë , Shqipërisë , Malit të Zi dhe Preshevës e Bujanocit . Gjithherë dyert e Fakultetit të Studimeve Islame kanë qenë të hapura , por ka kriteret dhe kushtet të cilat duhen plotësuar për të shikuar se kush e fiton statusin e studentit të rregullt ose me korrespondencë . Ne çdo vit kemi hapur konkurs për studentë të rregullt dhe me korrespondencë , edhe këtë vit akademik , në mbledhjen e fundit të Këshillit Mësimor-Shkencor kemi marrë vendim që të shpallim konkursin për pranimin e studentëve të rinj . Këtë vit në afatin e parë do të pranojmë katërdhjetë studentë të rregullt dhe njëzet me korrespondencë , ndërsa për afatin e dytë do ta shohim konkurrencën se çfarë është , unë kam bindjen se këtë vit do të kemi konkurrencë më të madhe dhe