Xhamia Şakirin
Xhamia Şakirin ndodhet në ushkudar të Stambollit. Ajo u
ndërtua nga Fondacioni Şakir Semiha në kujtim të Ibrahim
Şakir dhe Semiha Şakir dhe u hap më 7 maj 2009. Sipas njoftimeve të gazetave, kjo është xhamia më moderne në Turqi.
Arkitekt i xhamisë ishte Husrev Tayla, i njohur edhe për
punën e tij në xhaminë Kocatepe në Ankara. Projektuesi i saj
i brendshëm ishte Zeynep Fadıllıoğlu, mbesa e Semiha Şakir,
gjithashtu sipas raporteve të gazetave, projektuesja e parë
femër e enterierit të një xhamie.
Ndërtimi i xhamisë zgjati 4 vjet. Xhamia ka hapësirë prej
10.000 metrash katrorë , ka dy minare nga 35 metra të larta,
dhe një kupolë të përbërë prej alumini. Kaligrafia në brendësi
të kupolës është shkruar nga Semih İrteş. Dritaret e mëdha
në tri anët e xhamisë janë projektuar nga Orhan Koçanit.
Minberi është projektuar nga Tayfun Erdoğmuş. Motivet
dekorative janë nxjerrë nga arti selxhuk. Shatërvani në oborr
ishte projektuar nga William Pye. Xhamia është ndërtuar mbi
një garazh parkimi.
Të gjithë ata që do ta vizitojnë Stambollin ua propozojmë që
mos ta lënë pa e vizituar Şakirin Xhaminë, ngase nuk do të
gjejnë diku tjetër një xhami të ngjashme me të!
Pergaditi: Argjend Xhelili / IV
14 Zgjimi Islam