8 LYRE ( HUGH ROBINSON )
The lines of text along the outside of the lyre form a series of couplets , beginning in the bottom left corner and going clockwise .
FRAME Gratus hic summo nimium Tonanti ; Ipsa dilecta es penitus Jehovae .
Hanc lyram Princeps capias receptae ; Lyra , virtutem imbues Davidis .
Hanc lyram sancti tenues Davidis Dum laborabant digiti sonoram ,
Tremulas plectro feriente chordas , Regis insani pepulit furores ,
Corde conceptum Satanam fugavit , Pectoris fessi recreans dolores .
Saepius plectro modulatus isto Rex Poli Regem cecinit Jehovam .
Aureis semper celebravit hymnis Et lyra passim celebratur ista .
STRINGS Rustica saepe Numina Fauni Omnesque sylvestres dei Chordas sequuntur Orphicas . Delphinis placuit grata natantibus Et movit volucres pennigeros lyra , Nec non morata est fluminum rapidos gradus Et saxa , quamvis dura , capiebat sono . Informis domuit durissima corda Tyranni Et placuit summo saepe sonora Iovi . Lyra quae placuit omnibus una Uni peto ne tibi displiceat .
37