NUUS
Rekord reënval bring moed
Senwes-gebied ontvang meeste reënval in April in 104 jaar – 188,7 mm
“Dis reën dis wind dis water en die son kom eers weer later,” het Danie Niehaus gesing.
En vir produsente in die Senwes-gebied was dit omtrent die geval die afgelope amper
vier en ’n half weke van April 2019.
Deur Aubrey Kruger
Senwes Scenario Redakteur
I
n die tyd was die gemiddelde reënval
in ons Senwes-gebied ’n massiewe
188,7 mm. Dit is die meeste reën in
April in 104 jaar. Senior Graananalis by
Senwes, Thys Grobbelaar, het by navraag
vertel dat dit die ou rekord verpletter het.
Die vorige hoogste gemiddelde reënval
was 117 mm tydens die 1942/43 seisoen.
Om dit in perspektief te plaas, is die
langtermyn gemiddelde reënval vir April
in die Senwes-gebied maar 40,5 mm. Met
ander woorde, dit is meer as vier en ’n half
keer die langtermyngemiddeld.
Van die plekke binne die gebied met
die meeste reënval in April was Winburg
silo waar 280 mm gemeet is, Arlington silo
met 275 mm asook Theunissen silo met
257 mm. Aan die ander kant van die skaal
is Jan Kempdorp silo met die minste,
naamlik 108 mm, asook Gottenburg silo
op 113 mm en Heilbron silo met 114 mm,
net onder die vorige gemiddelde reënval-
rekord vir April.
Die reënvoorlopers sedert die begin
van die 2018/19 seisoen (1 Julie 2018
tot 30 April 2019) is Enselspruit silo met
792,5 mm, gevolg deur Raathsvlei silo
met 710,6 mm en Arlington silo ’n paar
druppels agter hulle met 709 mm. Onder
die met die minste reënval in hierdie
tydperk is Jan Kempdorp met 270,2 mm,
Hartswater silo met 327,5 mm asook
Petrusburg silo met 390 mm.
Uit die statistiek het dit ook geblyk dat
ons vanjaar 333,3% meer reën in April ont-
vang het as in die ooreenstemmende tyd-
perk in April 2018, en dan was die kumu-
latiewe reënval vir die seisoen tot dusver
106,1% van die 33-jaar gemiddeld.
Grobbelaar het verder genoem: ”Ons
Reënval April 2019 in die tradisionele Senwes-gebied.
08
SENWES SCENARIO | WINTER 2019
bevind ons in een van die eienaardigste
seisoene sedert daar akkuraat reënval-
rekords gehou word.” Daar was nog net
vier seisoene die afgelope 104 seisoene
waarin die 1 Julie tot 31 Desember reën-
val minder was as tydens hierdie seisoen
vir dieselfde periode. Die gemiddelde
reënval vir die voorseisoen vanaf 1 Julie
tot 31 Desember was 232 mm. Die gemid-
deld die afgelope seisoen was maar 118
mm. Die droogste voorjaar vir die periode
waarvoor daar reënvalstatistiek bestaan,
is 88 mm gedurende die 1945/46 seisoen.
Grobbelaar het verder gesê dat ons
moet onthou dat die meer oostelike dis-
trikte baie na aan ’n normale reënval vir
die voorseisoen gehad het. Die meer
westelike distrikte se kumulatiewe reënval
was in baie gevalle heelwat laer, en in ’n
paar gevalle die laagste in die aangete
kende reënvalgeskiedenis wat ons het.
Voorbeelde hiervan is Regina met slegs
56 mm, Viljoenskroon met 85 mm, Vier
fontein met 84 mm, Bothaville met 91 mm
en Odendaalsrus met 78 mm. Die meer
westelike distrikte soos Bultfontein en
Wesselsbron het goeie reën gedurende
Augustus 2018 gehad, wat hulle voor
seisoenreënval hoër gemaak het.
Nieteenstaande die uiters droë voor-
seisoen, gaan van die distrikte uitsonder-
like goeie opbrengste realiseer. Wat leer
ons hieruit? Dat ons net nie te vroeg moet
moed opgee nie. So, reën bring nie net
verligting nie, maar ook hope moed.
*In die skematiese voorstelling kan die
reënval vir April 2019 in die tradisionele
Senwes-gebied van nader bestudeer word.