Senwes Scenario Desember - Februarie 2020 | Page 40
3 000
LANDBOUKUNDIG | AGRICULTURAL
miljard liter
Sonder ingryping, kan Suid-Afrika
teen 2030 ’n tekort van ongeveer 3 000
miljard liter water per jaar ondervind,
aldus die Departement van Water en
Sanitasie (DWS) wat vroeër in 2019
tydens ’n interaktiewe ministeriële
sitting oor transformasie in Boksburg
die voorspelling gemaak het.
Yolandi Schoeman
Ekologiese Ingenieurswese: Navorsingsinstituut
D
ie voorspelde tekort van 3 000 miljard liter is drie
keer meer as die totale huishoudelike gebruik
van Suid-Afrika.
Die 14,5 miljoen huishoudings (volgens die
2011-sensussyfer) in Suid-Afrika gebruik tans meer as
1 250 miljard liter per jaar teen ongeveer 253 liter per
dag - wat reeds die globale gemiddeld van 177 liter per
persoon per dag oorskry (volgens die DWS). Hiertoe
moet watergebruik van die landbou-, nywerheid- en
sakegebruiksektore ook nog gevoeg word.
Die hoë watergebruik kan ook deels toegeskryf word
aan munisipale nie-inkomstegenererende water, wat tans
’n onaanvaarbare hoë 37% tot 41% beloop. Alhoewel
die syfers varieer, is die persentasie gemiddelde fisiese
waterverliese in munisipale stelsels na raming ongeveer
25% teenoor ’n wêreldwye beste praktyk van 15%.
Selfs as Suid-Afrika alle bestaande planne van die
regering toepas en Suid-Afrikaners minder water gebruik,
is die beraming dat die land teen 2030 steeds ’n 17%
tekort sal hê. Die “Water Scarcity Clock” (www.worldwa-
ter.io) voorspel dat teen 2030, ongeveer 4 miljoen mense
in Suid-Afrika aan waterstres onderworpe sal wees,
ongeveer 8 miljoen mense sal een of ander vorm van
waterskaarste ervaar en ongeveer 22 miljoen mense sal
absolute waterskaarste ervaar.
38
SENWES SCENARIO | SOMER • SUMMER 2020