Senwes Scenario Desember 2017 - Maart 2018 | Page 37
•••
• •
T UIN W E N K E • •
die pos verantwoordelik
sal wees).
• Prestasie-uitkomste
(groepeer alle take in ver-
skillende groepe/families).
• Kerntake of aksies (aksies wat binne elke groep
geneem moet word).
• SMART-maatreëls (verskaf Spesifieke, Meetbare,
Bereikbare (Attainable), Relevante en Tydige
riglyne om die prestasie-aksies te bereik).
• Tegniese vaardighede (inherente vaardighede
wat benodig word om optimaal in hierdie pos
te presteer, moet gelys word, bv. rekenaarvaar-
dighede, aandag aan detail, beplanning en organ-
isering, kommunikasievaardighede (mondeling en
geskrewe), uitvoering van veelvuldige take, presta-
sie onder druk, tydsbestuur, ens.).
• Karaktervaardighede (insluitend elemente soos
byvoorbeeld spanwerk, besluitneming, inisiatief,
positiewe denke, aanpassing by verandering, volg
van prosedures).
Sodra ’n duidelike en besliste posbeskrywing in plek
is, word dit makliker om die regte persoon vir die pos
te soek. Daar is drie fases wat jou sal help om doel-
gerig inligting te verkry, per kandidaat, ten einde die
beste moontlike besluit te neem met betrekking tot
die aanstelling:
CV en bekwaamhede (hierdie gedeelte verskaf
insig oor die kandidaat se verlede tot nou toe
- skoolopleiding/kwalifikasies, toepaslike werks
ondervinding, kennis verkry en vaardighede en
verwysings).
Gestruktureerde onderhoud (spesifieke vrae
gefokus op relevante tegniese en gedragsaspekte
wat die kandidaat moet hê om suksesvol te wees in
die werksplek), en
Psigometriese evaluering (toekomsgerig en sal
’n goeie aanduiding gee van die kandidaat se
voorkeure, sterk punte en risiko's in die werks
plek).
Nadat die beste kandidaat vir die pos aangestel is,
maak dit jou doelwit om ’n gesonde werksverhou
ding met jou nuwe werknemer te bou. Onthou,
jy het hom/haar net so nodig soos wat hy/sy jou
het. Werknemers wat waardevol voel is bereid om
meer te doen as net dit wat van hulle verwag word.
Omdat hulle voel dat hulle by die organisasie hoort
en inpas, geniet hulle hoër vlakke van werksbevre-
diging. Hierdie individue sal poog om die beeld van
die organisasie te bevorder, sal ’n gesonde werksetiek
handhaaf en goeie ambassadeur wees.
Plante vir jou
somertuin
CARL KIRSTEIN
D
is Desembervakansie en tyd vir feestelik
hede. Nou is die tyd om ons tuine in te
kleur. Die grasperke en beddings is nou bemes,
struike en bome gesnoei en begin op hul beste ver-
toon. Kyk nou na jou tuin en beplan fokuspunte
met kleur.
Plante is soos klere vandag, hoogmode en môre
so oud soos ’n oulap. Dahlias is oorspronklik deur
die Asteke gekweek en het hoogmode geword en
toe net skielik uit tuine verdwyn. Dit is nou weer
hoogmode en hoog tyd. Hulle is lief vir die warm
weer en sonskyn en wat meer is, daar is ’n groot ver-
skeidenheid en hulle blom tot die eerste ryp.
Plante wat ook weer populêr geword het, is die
salvias of slies. Dit is nou ’n dankbare plant wat in
die mooiste kleure kom. Meeste is meerjarig en dus
ekonomies om aan te plant.
Marigolds, oftwel Afrikanertjies, is van die mak-
likste blomme om te groei en kom voor in minia-
tuur tot statige hoogte. Dit is nie net kleurvol nie,
maar help ook met die beheer van tuinplae. Aan die
einde van die seisoen kan die sade geoes word vir
die volgende seisoen se saai.
Bolplante is goeie snyblomme, maar moet nie
oorwater word nie. Hulle hou van hulle voete klam,
maar nie nat nie. Water elke 3 tot 4 dae.
Ons moet egter nie vergeet van die ou bekende
“skoonma se tong” nie. Dit het soos die Engelsman
sou sê ’n “resounding comeback” gemaak. Dit is
’n plant wat agterweë gelaat is vir ’n aantal jare en
maak fantastiese binnenshuise plante, asook tuin
plante. Ek het in ’n klant se tuin agter struike ’n
hele laning geplant en my asem was weggeslaan.
Hulle het ten minste 1 tot 1.5 meter hoog gestaan
en is ’n moet vir die modern tuin en huis. Nou vir
die onaangename nuus. Ons plante floreer nou,
maar so ook die peste en ellendes. Inspekteer plante
gereeld en besproei so gou as moontlik. Besoek jou
naaste kwekery of Hinterland-tak vir raad.
Laastens, bemes julle tuine minder (minder
bemesting), maar meer gereeld vir die beste resul-
tate. My gunsteling is en bly Quano pellets.
Tuiniers, onthou om so organies as moontlik te
wees.
SENWES S cenario • DES 2017-MRT 2018
35