Volhoubaarheids-
bestuur
Senwes is verbind daartoe om die volhoubaarheid van sy
besigheid te verseker en om terselfdertyd by te dra tot die
voortbestaan van ‘n billike, gelyke en stabiele gemeenskap,
sowel as tot die bewaring van die ekosisteem. Ons doen dit deur
bewus te wees van ons aksies en die impak daarvan op beide
die gemeenskap en die natuurlike omgewing, en deur strategieë
te ontwikkel wat mimimale negatiewe impak en maksimale
positiewe impak verseker.
By Senwes definieer ons volhoubaarheid soos volg:
Volhoubaarheid verwys na die verantwoordelike, effektiewe en
etiese wyse waarop huidige generasies alle soorte hulpbronne
aanwend om aan hul eie behoeftes te voldoen en hul doelwitte
en aspirasies te realiseer; en daardeur die sosio-ekonomiese en
ekologiese omgewing te impakteer op ‘n wyse wat nie negatief
impakteer op die vermoë van toekomsgenerasies om aan hul eie
behoeftes te voldoen en hul doelwitte, aspirasies en potensiaal
te realiseer nie, maar wat dit verbeter. (Aangepas uit The
Brundtland Commission se definisie, saamgestel in 1987).
Ons verstaan dat alle Senwes spanlede, insluitend die Direksie
en Uitvoerende Bestuur, slegs penningmeesters is van die
organisasie en die verantwoordelikheid opgedra is om besigheid
te bedryf op ‘n volhoubare wyse, ten einde die besigheid aan
toekomstige generasies te oorhandig in ‘n beter toestand as wat
dit was toe ons dit vanaf vorige generasies ontvang het.
Ons glo dat dit krities vir ons organisasie is om ‘n volhoubaar-
heidsgeöriënteerde kultuur, strukture en prosesse vir die bestuur
van volhoubaarheid te hê. Sleutelaanwysers en wesenlike
volhoubaarheidsaspekte en –risiko’s word deurlopend gemonitor.
Dit is belangrik om op hoogte te bly van belangrike plaaslike en
internasionale regulatoriese en tegniese ontwikkeling op die
gebied van volhoubaarheid en dat die bestuur daarvan aan die
minimum vereistes soos verskaf deur King III voldoen. Dit moet
ook belyn met die Global Reporting Initiatives (GRI)-riglyne.
32
Strategiese doelwit
Om ‘n ten volle geïntegreerde landboubesigheid en betekenisvolle
rolspeler in die wêreld-voedselketting te wees.
Strategiese fokus
Die Groep se strategie is gefokus op groei en diversifikasie
deur konsolidasie en integrasie binne die landbou- en
voedselwaardeketting.
Strategiese doelwitte
Ons strategiese doelwit is om volhoubare waarde vir al ons
belanghebbendes te skep en om ‘n voorkeur beleggingsvennoot,
werkgewer, verskaffer en korporatiewe burger te wees.
Strategiese
Drywers
• Diversifikasie van die besigheid ten einde konsentrasierisiko te verlaag.
• Horisontale integrasie en konsolidasie van die agri-besigheidsektor ten
einde uitbreiding van ʼn nasionale voetspoor te verseker.
• Herorganisasie van die besigheidsmodelle.
• Vertikale integrasie van die besigheid deur gespesialiseerde fokus in
die waardeketting.
• Ontsluiting van waardesinergieë deur ondersteuningsfunksies.
• Internasionalisering van die besigheid deur strategiese vennootskappe.
Areas van
Uitnemendheid
• Klantefokus en
verhoudingsbestuur.
• Leierskap, talent, kultuur
en waardes.
• IT, besigheidsintelligensie
en innovasie.
• Bedryfseffektiwiteit.
• Risikobestuur.
Finansiële
Doelwitte
• Gemiddelde jaarliks opbrengs
> WACC.
• NWNB jaarlikse groei met
inflasie + 2%.
• Eiekapitaalverhouding tussen
35% en 45%.
• Rentedekking van ten minste
2.5 keer.
• Ratverhouding < 180%.