Reports, guides, handbooks Policy Handbook 2019-20: Hmong

3. Cov sij hawm noj sus yuav tsum tau nyob kom ze rau ib nrab hnub kawm ntawv li ua tau. 4. Nws yog lub hom phiaj los muab sij hawm kom txaus rau los noj mov uas yam tsawg kom tau 10 feeb los noj tshais thiab 20 feeb los noj sus pib thaum tus me nyuam mus zaum noj. 5. Nws yog ib lub hom phiaj los muab cov chaw noj mov uas zoo thiab txaus zaum kom los pab tau tag nrho cov tub ntxhais kawm ntawv uas xav zaum noj sus, nrog rau cov chaw nqa khoom noj kom cov tub ntxhais kawm ntawv tsis txhob tau tos ntev ntev. 6. Yuav muaj cov chaw ntxuav tes rau cov tub ntxhais kawm ntawv thiab yuav nco ntsoov hais kom lawv ntxuav tes ua ntej noj mov (kom thiaj li tiv thaiv tau cov kab mob thiab txo tau qhov yuav muaj mob). 7. Yuav muaj dej haus rau cov tub ntxhais kawm ntawv. B. Kev Khiav Dej Num Hauv Qhov Muab Khoom Noj 1. Anoka-Hennepin Cheeb Tsam Tsev Kawm Ntawv yuav tsim ib txoj kev nthuav tawm mus rau sab nraud uas ntxaws thiab khiav kom sib haum, ib lub hom phiaj txhawb nqa thiab teeb cov nqi kom thiaj li muaj kev koom tes txaus nkaus hauv cov kev pab zaub mov noj thiab yuav xyuas tias tag nrho cov me nyuam uas tsim nyog ntawd tau txais cov zaub mov noj dawb thiab txo nqi. 2. Cov tsev kawm ntawv yuav xyuas tias cov tub ntxhais kawm ntawv tsim nyog tau txais cov zaub mov dawb los sis txo nqi thiab mis nyuj uas tsis saib lawv txawv lwm cov tub ntxhais kawm ntawv los sis kom paub yooj yim tias lawv txawv phaum tub ntxhais kawm ntawv li lawv. 3. Anoka-Hennepin Cheeb Tsam Tsev Kawm Ntawv yuav txais ib tug thawj coj hauv kev muab khoom noj ua tsim nyog, tau kev tso cai thiab/los sis pov thawj kawm tiav raws li cov qauv tshaj lij los khiav txoj kev pab khoom noj hauv tsev kawm ntawv thiab los ua kom tau raws li qhov uas yuav tsum tau qhia txog. 4. Tag nrho cov neeg ua hauj lwm hauv khoom noj rau me nyuam yaus yuav muaj kev cob qhia ua ntej, koom rau hauv cov kev pab txhawb txoj kev txawj ntse thiab sib zog ua kom tuav tau ib daim ntawv pom zoo uas xeev muab los sis ib daim ntawv cob qhia uas zoo ib yam li daim ntawv tso cai. 5. The Child Nutrition Program (Txoj Kev Pab Khoom Noj Rau Me Nyuam) yuav siv cov kev ua noj uas txo cov rog, calorie thiab ntsev hauv cov khoom noj. 6. Anoka-Hennepin Cheeb Tsam Tsev Kawm Ntawv yuav npaj seb yuav noj dab tsi kom thiaj li muaj raws li cov qauv noj hauv Cov Kev Taw Qhia Noj Haus rau Cov Neeg Mis Kas thiab xyuas tias txoj kev pab khoom noj hauv tsev kawm ntawv nws muaj raws li tag nrho cov yuav tsum tau muaj hauv U.S.D.A. 7 CFR Part 210 thiab Part 220. 7. Anoka-Hennepin Cheeb Tsam Tsev Kawm Ntawv yuav rub cov tsev neeg thiab cov koom haum hauv lub zej zos los rau hauv kev tsim cov kev pab cuam los muab cov kev xaiv khoom noj hauv tsev kawm ntawv uas zoo haum lwm haiv neeeg thiab cov uas yuav tsum tau noj tej yam khoom noj tshwj xeeb xwb. C. Cov Khoom Noj thiab Dej Haus Uas Muab Rau Noj / Muag Hauv Hnub Kawm Ntawv 1. Cov khoom noj thiab cov dej haus uas muab rau cov me nyuam mas yuav muaj cov nutrient ntau (Raws li hauv Academy of Nutrition and Dietetics [Tsev Kawm Ntawv Txog Kev Noj Haus thiab Ntshav Qab Zib] thiab lwm cov, cov khoom noja uas muaj nutrient ntau mas yog cov khoom noj uas muaj cov nutrients tseem ceeb (vitamins, mineral, fiber, thiab/los sis protein) thaum muab lawv piv rau qhov seb lawv muaj calorie npaum cas) uas suav cov khoom uas yog whole grain, cov txiv hmab txiv ntoo thiab zaub uas muaj fiber ntau. 2. Cov khoom noj thiab cov dej haus uas muab rau cov me nyuam mas yuav muaj ntau hom kev xaiv uas zoo rau lub cev uas yog cov khoom noj zoo heev, raug cov tub ntxhais kawm ntawv siab thiab muab kom raws li qhov yuav tsum tau txias los sis kub ntawd. 60 3. Cov khoom noj thiab cov dej haus uas muab rau cov me nyuam mas yuav txo cov kev cov rog, ntsev thiab suab thaj kom tsawg li tsawg tau raws li txhais hauv Cov Kev Taw Qhia Noj Haus rau Cov Neeg Mis Kas. 4. Qhov yuav muab khoom noj kom tsim nyog rau lub hnub nyoog (Ib qho khoom noj uas tsim nyog rau lub hnub nyoog yog ib pluas noj uas muaj cov nutrition txaus thiab tsim nyog rau tus me nyuam txoj kev loj hlob) rau cov tub ntxhais kawm ntawv theem pib, theem nrab thiab theem siab ua ntu zus mus. 5. Cov khoom noj uas nyias muaj nyias nqi, cov khw muag khoom noj txom ncauj, cov tshuab muag khoom noj thiab cov khw hauv tsev kawm ntawv yuav ua kom muaj ntau hom kev xaiv hauv cov khoom noj uas zoo rau lub cev xws li txiv hmab txiv ntoo, zaub, whole grains thiab cov khoom noj uas muaj rog tsawg los sis cov khoom noj uas siv mis ua uas tsis muaj rog. 6. Yuav muaj cov lus qhia txog cov nutrition rau cov khoom noj uas muag hauv cov chaw muag khoom noj txom ncauj, cov khoom noj uas nyias muaj nyias nqis, cov tshuab muag khoom noj thiab cov khw hauv tsev kawm ntawv. 7. Tag nrho cov dej haus uas muag los sis muab pub rau haus hauv tsev kawm ntawv hauv hnub kawm ntawv mas yuav tsum tau tsis txhob muaj carbonated. 8. Yog tias muab khoom noj rau cov koom txoos hauv chav kawm, cov khoom yuav tsum yog npaj tom khw. 9. Cov khoom noj txom ncauj hauv chav kawm thiab hauv cov koom txoos yuav tsum tau txhawb qhov tseem ceeb ntawm kev xaiv cov khoom noj uas zoo rau lub cev. Cov tsev neeg yuav tau txais cov lus qhia los ntawm lub tsev kawm ntawv txog cov khoom noj uas tsim nyog rau cov koom txoos. 10. Cov tsev kawm ntawv yuav qhia txog plaub hnub ua koom txoos tshwj xeeb uas yuav tsis suav rau hauv qhov seb cov khoom noj yuav tsum zoo li cas nyob rau hauv tsab cai no. Cov kev zam mas yuav tsum tau kev tso cai los ntawm tus neeg tuav dej num ntawm qhov chaw. 11. Tag nrho cov zaub mov uas muag nyob rau hnub kawm ntawv, nrog rau tej neeg muag khoom npaj rau ib qho peev nyiaj los sis tej uas tso cai rau muag, yuav tsum ncav tau rau tib co cai ntawm xeev thiab tsoom fwv uas yog kom muaj tej yam yug ib ce kom txwm. IV. LUB ZEJ ZOS KEV SIB KOOM TES UA KE A. Cov Kev Sib Txuas Lus Nrog Cov Niam Txiv 1. Anoka-Hennepin Cheeb Tsam Tsev Kawm Ntawv yuav txhawb nqa niam txiv lub zog los muab kev noj haus uas zoo thiab cov kev siv lub cev ua si txhua hnub rau lawv cov me nyuam. Anoka-Hennepin Cheeb Tsam Tsev Kawm Ntawv yuav qhia txog cov kev xaiv cov khoom noj uas zoo rau lub cev uas muaj nyob hauv lub tsev kawm ntawv thiab cov tswv yim siv rau tom tsev. 2. Anoka-Hennepin Cheeb Tsam Tsev Kawm Ntawv yuav muab cov lus qhia txog kev kawm siv lub cev thiab lwm cov kev ua si uas yuav siv tau lub cev hauv tsev kawm ntawv ua ntej kawm ntawv, thaum lub sij hawm kawm ntawv thiab tom qab lawb ntawd thiab yuav txhawb nqa niam txiv lub zog los muab sij hawm rau cov me nyuam dhia ua si thaum tsis kawm ntawv lawm. B. Cov Khoom Muag Hauv Cov Tsev Kawm Ntawv 1. Cov khoom muag hauv tsev kawm ntawv mas yuav xwm yeem nrog txoj kev qhia noj haus thia kev txhawb nqa txoj kev noj qab nyob zoo. Hauv txoj kev txhawb cov khoom noj uas zoo rau lub cev mas xav kom muaj xws li txiv hmab txiv ntoo, zaub, whole grains thiab cov khoom siv mis ua uas muaj rog tsawg. 2. Xav kom cov tsev kawm ntawv xav txog cov khoom noj uas zoo rau lub cev, cov nqi uas pheej yig, thiab seb yuav tso khoom rau qhov twg thiab cov tswv yim los txhawb nqa kom noj cov khoom uas zoo rau lub cev. C. Cov Caij Nyoog Zoo Ua Ntej thiab Tom Qab Kawm Ntawv 1. Anoka-Hennepin Cheeb Tsam Tsev Kawm Ntawv txhawb kom tag nrho cov tub ntxhais kawm ntawv koom rau hauv cov kev ua si xws li cov kev ua si uas tawm sab nraum kev kawm (co-curricular), cov kev ua si sab nraud xws li ncaw pob ntaus pob (extra-curricular), cov kev pab cuam hauv Community Education (Kev Kawm Ntawv Hauv Zej Zos), cov kev ua si hauv zej zos thiab nrog tsev neeg uas txhawb txoj kev siv lub cev ua si. 2019-20 Tsev Kawm Ntawv Phau Ntawv Handbook

Reports, guides, handbooks Policy Handbook 2019-20: Hmong | Page 62