Reports, guides, handbooks Policy Handbook 2019-20: Hmong

Caws Koob Yees Duab (Video Surveillance) hauv Tsev Kawm Ntawv Thaj Chaw thiab hauv Tsev Kawm Ntawv Cov Tuam Tsev, Tsab Cai 712.0 I. LUB HOM PHIAJ Kev tswj txoj kev noj qab haus huv, kev noj qab nyob zoo, thiab kev ruaj ntseg ntawm txhua tus tub ntxhais kawm ntawv, cov neeg ua hauj lwm, thiab cov qhuab thaum uas nyob hauv cheeb tsam tsev kawm ntawv thaj chaw nrog rau kev tiv thaiv cheeb tsam tsev kawm ntawv cov khoom mas yog cov dej num tseem ceeb hauv cheeb tsam tsev kawm ntawv. Pawg Tswj Tsev Kawm Ntawv lees paub tias kev caws koob yees duab/twj siv hluav taws xob mas tej zaum yuav los thaiv tau cov kev ua si los sis dej num uas txwv tsis pub ua thiab los pab saib xyuas thiab tshawb xyuas txog cov kev ua si hauv cheeb tsam thaj chaw. II. NQE LUS HAIS DAV DAV TXOG TSAB CAI A. Chaw tso 1. Tej zaum yuav caws koob yees duab rau hauv cheeb tsam tsev kawm ntawv cov tuam tsev thiab cov chaw. 2. Yog hais tias caws koob yeeb duab rau hauv cheeb tsam tsev kawm ntawv cov tuam tsev thiab cov chaw, yuav lo ib daim ntawv rau ib qho chaw kom neeg pom uas qhia rau cov tub ntxhais kawm ntawv, cov neeg ua hauj lwm thiab pej xeem paub tias tej zaum yees tau lawv lawm. 3. Kev caws koob yees duab mas yuav tshwm sim tau rau hauv cheeb tsam tsev kawm ntawv lub tuam tsev los sis hauv cheeb tsam tsev kawm ntawv thaj chaw tsis hais lub twg li. 4. Yuav caws tsis tau koob yees duab rau hauv chav dej los sis chav hloov khaub ncaws, txawm tias tej zaum yuav caws koob yees duab rau sab nraum txoj kev taug uas nyob ib ncig ntawm cov chav dej los sis cov chaw hloov khaub ncaws. 5. Kev ruab koob yees duab soj ntsuam yuav tsis raug muab teeb siv hauv chav dej los sis chav hloov khaub ncaws, txawm li cas los cov koob kev soj ntsuam yuav raug teeb rau hauv cov kem kev taug ntawm cheeb tsam chav dej los sis chav hloov khaub ncaws. B. Kev Siv Cov Viv Dis Aus (Videotape). 1. Tsuas yog cov neeg tuav dej num hauv lub tuam tsev (thiab/los sis cov neeg uas xaiv los tuav txoj dej num) uas tsim nyog thiaj li yuav saib cov viv dis aus xwb. Tus tswj fwv tsev kawm ntawv yuav siv daim viv dis aus los pab txiav txim seb ib qho xwm txheej puas muaj tiag los sis tsis muaj, thiab yog tias muaj, qhov xwm txheej ntawd nws loj npaum li cas. Cov lus qhia uas tau los ntawm cov kab xev uas qhia txog cov kev ua txhaum cai mas tej zaum yuav coj mus rau tus tub ceev xwm cev ncauj lus hauv tsev kawm ntawv thiab/los sis tub ceev xwm. Yuav tsis pub niam txiv/tus neeg saib xyuas ntawm tus tub ntxhais kawm ntawv uas tau yees nws hauv daim viv dis aus los sis tus tub ntxhais kawm ntawv saib daim kab xev, raws li cov cai hais txog qhov tsis pub lwm tus neeg paub txog cov ntaub ntawv, tshwj tsis yog tias tsuas muaj tus tub ntxhais kawm ntawv ntawd hauv daim viv dis aus nkaus xwb los sis tus tswj fwv tsev kawm ntawv tau txais ntawv sau tso cai los ntawm cov niam txiv/cov neeg saib xyuas ntawm tag nrho lwm cov tub ntxhais kawm ntawv uas nyob hauv daim viv dis aus uas hais txog ntawd. Thaum ua thov txov, cheeb tsam tsev kawm ntawv yuav sau txog qhov (cov) xwm txheej tseem ceeb hauv daim kab xev rau tus tub ntxhais kawm ntawv uas tau yees nws rau hauv daim kab xev los sis rau tus tub ntxhais kawm ntawv niam thiab txiv/tus neeg saib xyuas. 2. Txhua tus tswj fwv tsev kawm ntawv (thiab/los sis tus neeg uas nws xaiv los tuav txoj dej num) yuav muaj txoj dej num los saib xyuas lub twj yees duab thiab cov viv dis aus ntawd kom zoo. Yuav ceev ib phau ntawv teev rau hauv txhua lub tsev kawm ntawv uas caws cov koob yees duab uas yuav sau txog qhov kev siv thiab qhov txheeb cov viv dis aus tawm thiab xa rov qab los. Cov viv dis aus mas yuav raug saib xyuas los ntawm tus tswj fwv tsev kawm ntawv (thiab/los sis tus neeg uas nws xaiv los tuav txoj dej num) thiab yuav muab khaws cia mus yam tsawg tsib hnub kawm ntawv ua ntej yuav rov qab muab siv dua. 58 3. Tsuas yuav tso ib daim viv dis aus tawm raws li Minnesota Government Data Practices Act (Minnesota Tsab Cai Txog Kev Siv Nom Tswv Cov Ntaub Ntawv), Minnesota Tsab Cai Tshooj 13 thiab Family Educational Rights and Privacy Act (Tsev Neeg Cov Cai Kawm Ntawv thiab Tsab Cai Tsis Pub Lwm Tus Neeg Pab), 20 U.S.C. §1232g thiab cov cai thiab/los sis cov cai tswj kav. Tsab Cai Txog Cov Qhua hauv Anoka-Hennepin Cheeb Tsam Tsev Kawm Ntawv Cov Tuam Tsev thiab Cov Chaw, Tsab Cai 903.1 I. LUB HOM PHIAJ Zoo siab txais tos cov niam txiv thiab lwm Lub hom phiaj ntawm tsab cai no yog los cov neeg tuaj xyuas cov tsev kawm ntawv. qhia rau cov neeg hauv lub tsev kawm Tiam sis, yuav kom muaj kev ruaj ntseg, ntawv thiab cov pej xeem sawv daws txog tag nrho cov qhua yuav tsum tau mus rau seb Pawg Tswj Tsev Kawm Ntawv xav li hauv tsev kawm ntawv lub chav fai. Tsab cas txog cov qhua uas tuaj rau hauv tsev cai no qhia txog cov txheej txheem rau cov kawm ntawv cov tuam tsev thiab lwm cov qhua uas tuaj hnub kawm ntawv. chaw uas yog tsev kawm ntawv li thiab cov chaw uas xauj. II. NQE LUS HAIS DAV DAV TXOG TSAB CAI A. Pawg Tswj Tsev Kawm Ntawv xav txhawb kom cov niam txiv thiab cov tswv cuab hauv lub zej zos muaj kev txaus siab txog cov kev pab cuam hauv tsev kawm ntawv thiab cov kev ua si rau tub ntxhais kawm ntawv. Pawg Tswj Tsev Kawm Ntawv zoo siab txais tos cov niam txiv thiab cov tswv cuab hauv lub zej zos tuaj rau hauv lub tsev kawm ntawv cov tuam tsev thiab cov chaw, tsuav yog tias cov kev tuaj xyuas ntawd nws xwm yeem nrog txoj kev noj qab haus huv, kev kawm ntawv, thiab kev ruaj ntseg ntawm txhua tus tub ntxhais kawm ntawv thiab cov neeg ua hauj lwm thiab coj raws li hauv cov txheej txheem thiab cov uas yuav tsum tau muaj raws li tau tsim los ntawm Anoka-Hennepin Cheeb Tsam Tsev Kawm Ntawv. B. Pawg Tswj Tsev Kawm Ntawv rov qab hais txog nws txoj dej num ntawm qhov tseem ceeb uas yuav tau tswj ib qho chaw kawm ntawv uas muaj kev ruaj ntseg rau tub ntxhais kawm ntawv thiab cov neeg ua hauj lwm thiab kom tsis txhob muaj cov kev ua si uas yuav cuam tshuam rau tus tub ntxhais kawm ntawv txoj kev kawm los sis tus neeg ua hauj lwm qho chaw ua hauj lwm. C. Pawg Tswj Tsev Kawm Ntawv mob siab ua kom cov tsev kawm ntawv yog qhov chaw tos txais zoo rau peb lub zej zog los sib qhia kev kawm paub txhawm rau muab kev nyab xeeb kom siab rau cov tub ntxhais kawm thiab cov neeg ua hauj lwm nyob rau thaum lub sij hawm qhia ntawv nruab hnub. III. COV KEV TXWV TUS QHUA A. Tag nrho cov qhua tuaj rau hauv Anoka-Hennepin cov tuam tsev thiab cov chaw mas yuav tsum tau sau npe rau hauv chav fai khiav dej num thaum tuaj txog thiab tawm mus. B. Cov qhua tuaj rau hauv Anoka-Henepin cov tuam tsev thiab cov chaw mas yuav tau txais thiab yuav tsum tau coj ib daim ntawv qhia tias yog ib tug qhua uas leej twg ntsiab los yuav pom kom qhia tau tias lawv yog leej twg thiab kom paub tseeb tias tsev kawm ntawv yeej tso cai rau lawv nyob hauv lub tuam tsev. C. Cov qhua uas xav ntsib nrog los sis xav saib cov kws qhia ntawv yuav tsum tau teem ib lub sij hawm ua ntej thiab sau npe rau hauv chav fai khiav dej num thaum tuaj txog. D. Yog tias cov neeg ua hauj lwm hauv cheeb tsam tsev kawm ntawv los sis cov neeg ua hauj lwm pab dawb pom ib tug qhua hauv lub tuam tsev es tsis coj daim ntawv qhia tias lawv yog qhua, lawv yuav pab coj tus qhua mus rau hauv chav fai khiav dej num los sis yuav qhia rau chav fai khiav dej num txog tus qhua ntawd tam sim ntawd. E. Raws li hauv tsab cai no, yuav tsis muab kev pom zoo rau ib tug neeg los sis ib pawg neeg tuaj xyuas lub tsev kawm ntawv los sis lub tsev kawm ntawv qhov chaw los tau; los sis yuav tshem tawm tau qhov kev tso cai yog tias tus qhua tsis ua raws li cheeb tsam tsev kawm ntawv cov txheej txheem thiab cov cai tswj kav, los sis 2019-20 Tsev Kawm Ntawv Phau Ntawv Handbook

Reports, guides, handbooks Policy Handbook 2019-20: Hmong | Page 60