Reports, guides, handbooks Policy Handbook 2019-20: Hmong | Page 40

poj niam los sis txiv neej, muaj txij nkawm los sis tsis muaj, tsev neeg zoo li
cas, kev tsis taus, tau kev pab los ntawm nom tswv, poj niam nyiam poj niam
los sis txiv neej nyiam txiv neej, hnub nyoog, kev so hauj lwm mus tu tsev neeg
los sis kev yog qub tub rog. Ib qho teeb meem ntawm kev zes tej zaum yuav
raug rau ntau tshaj ib pawg neeg uas muaj kev tiv thaiv. Piv txwv li, ib tug tub
ntxhais kawm ntawv tej zaum yuav yog lub hom phiaj rau kev ua phem vim
nws haiv neeg thiab qhov yog poj niam rov nyiam poj niam los sis txiv neej rov
nyiam txiv neej.
1. Kev coj cwj pwm zes tej zaum yuav siv ntau txoj kev ua, xws li tiam sis
tsis yog tas rau kev hais ntawm ncauj thiab hu npe phem, nrog rau kev coj
cwj pwm tsis hais lus uas hawv rau lub cev, ua raug mob, los sis ua rau
txaj muag. Kev zes muaj xws li siv cov lus phem, ua kom xeeb txob, thiab
hawv; kev kov lub cev uas tsis xav tau los sis kev ua phem rau lub cev;
thiab siv cov lus phem thiab duab hauv kev kos duab tim phab ntsa, dua
los sis kev nrag duab, sau ntawv, e-mails, kev tso raws hluav taws xob
thiab/los sis xov tooj los sis sau ntawv xa hauv xov tooj hais txog ib tug
neeg kev ua tswv cuab hauv ib pawg neeg uas muaj kev tiv thaiv. Kev zes
mas muaj tus xeeb ceem uas tsis yog hais ncaj qha rau ib tug neeg twg,
tiam sis yuav muaj tus xeeb ceem zes (piv txwv li, ntawm cev, hais lus,
duab, los sis sau hauv ntawv) uas ua rau muaj ib puag ncig sib ntxub rau
cov tub ntxhais kawm ntawv los sis cov neeg ua hauj lwm.
2. Tsis txais tos tus xeeb ceem yog tias tus tub ntxhais kawm ntawv los sis tus
neeg ua hauj lwm tsis tau thov los sis caw thiab xav tias tus xeeb ceem
ntawd tsis ntxim nyiam los sis ua saib tsis taus. Kev muab rau los sis tsis
hais txog qhov kev tsis txaus siab ntawd tsis tau txhais tias txais tos tus xeeb
ceem ntawd; yuav tsum tau soj ntsuam seb yog vim li cas ho ua li ntawd.
3. Hais txog cov tub ntxhais kawm ntawv, “ib puag ncig sib ntxub” tshwm
sim thaum uas kev zes nws loj heev, ua tas li, los sis dav heev los cuam
tshuam nrog los sis los txwv ib los sis coob tshaj ib tug tub ntxhais kawm
ntawv lub peev xwm los koom rau hauv txoj kev kawm ntawv.
4. Hais txog cov neeg ua hauj lwm hauv cheeb tsam, “ib puag ncig sib
ntxub” tshwm sim thaum uas kev zes nws loj heev los sis dav heev uas
yuav hloov tau cov zwj ceeb ntawm tus neeg raug ua phem ntawd txoj
hauj lwm thiab tsim ib qho chaw ua hauj lwm uas muaj kev tsim txom.
D. Kev Zes Raws Kev Sib Deev.
1. “Kev zes raws kev sib deev” muaj kev zes raws kev sib deev thiab kev
zes raws seb yog poj niam los yog txiv neej.
2. Kev zes txog kev sib deev yog ib qho kev zes uas hais txog kev sib deev.
Ib qho kev zes txog kev sib deev muaj xws li cov kev hais txog kev deev
uas tsis txais tos, kev thov kom ua ib yam dab tsi los pauv kev sib deev,
kev coj xeeb ceem kom mus rau qhov sib deev los sis lwm yam kev coj
xeeb ceem uas hais ntawm ncauj los sis coj ntawm cev los sis kev sib
txuas lus txog kev sib deev thaum:
a. ua raws li tus xeeb ceem ntawd los sis kev sib txuas lus tau yog ib nqe
ntawm kev cog lus, txawm tias yuav yog ua ncaj qha los sis tsis yog
ncaj qha, kom tau los sis tuav txoj hauj lwm, los sis kom tau kev kawm
ntawv; los sis
b. ua raws li los sis tawm tsam tus xeeb ceem los sis kev sib txuas lus
ntawd los ntawm ib tug neeg yog siv rau hauv cov kev txiav txim uas
muaj feem cuam tshuam rau tus neeg ntawd txoj hauj lwm los sis kev
kawm ntawv; los sis
c. tus xeeb ceem los sis kev sib txuas lus tau muaj ib lub hom phiaj los
sis muaj feem rau qhov uas tsim ib puag ncig sib ntxub.
3. “Kev zes raws yog poj niam los sis txiv neej” txhais tias yog kev zes uas
tsis yog txog kev sib deev rau ib tug neeg vim tus neeg ntawd yog poj
niam los sis txiv neej, nrog rau kev zes raws seb nws yog poj niam los sis
txiv neej thiab coj zoo li cas. Cov kev zes raws yog poj niam los sis txiv
neej muaj xws li, tiam sis tsis yog tas rau, kev zes raws tus neeg txoj kev
coj zoo li ib tug poj niam los sis txiv neej, tsis hais seb tus neeg zes ntawd
yeej muaj tiag los sis xav tias muaj los sis lub hom phiaj ntawm kev zes.
38
4. “Kev saib tsis taus ib tug poj niam los sis txiv neej” yog hais txog cov
tswv yim uas saib tsis taus txog txiv neej thiab poj niam los sis cov kev
xav tias cov me nyuam los sis me nyuam ntxais yuav tsum tau coj li cas.
E. Kev Zes Raws Qhov Yog Poj Niam Nyiam Poj Niam los sis Txiv Neej Nyiam
Txiv Neej (Sexual Orientation Based).
1. “Kev zes raws kev coj li ib tug poj niam los sis txiv neej” txhais tias yog
kev zes ib tug neeg uas tsis yog raws kev sib deev vim tus neeg ntawd
yog los sis zoo li coj li tug poj niam los sis txiv neej los sis koom nrog los
sis tawm suab sawv cev rau ib tug neeg los sis ib pab pawg (piv txwv li,
cov neeg hauv tsev neeg los sis cov phooj ywg) uas nws yog poj niam
nyiam poj niam, txiv neej nyiam txiv neej, ib tug neeg uas deev poj niam
thiab txiv neej tib si los sis ib tug neeg uas hloov mus ua poj niam los sis
ua txiv neej (“LGBT”).
2. “Kev coj li ib tug poj niam los sis txiv neej” txhais tias muaj los sis pom
tias muaj kev txuas nrog raws kev xav, lub cev los sis kev sib deev nrog
lwm tus neeg yam uas tsis hais seb nws yog poj niam los sis txiv neej los
sis muaj los sis pom tias muaj ib qho kev taw qhia txog qhov kev xav
txuas nrog ntawd, los sis muaj los sis pom tias muaj ib qho kev pom txog
tus kheej los sis qhia tau txog tus kheej uas tsis yog hais txog tus neeg
qhov uas qhia tias yog txiv neej los sis yog poj niam.
F. Kev Zes Txog Haiv Neeg, Tawv Nqaij, Kev Ntseeg los sis Yug Teb Chaws Twg.
1. Kev zes txog haiv neeg, tawv nqaij, kev ntseeg los sis yug teb chaws twg
muaj tus xeeb ceem ntawm cev los sis hais lus raws tus neeg txoj kev xav
los sis haiv neeg, tawj nqaij, kev ntseeg los sis yug teb chaws twg tiag.
2. “Yug teb chaws twg” txhais tias yog qhov chaw yug tus neeg los sis tus
neeg cov caj ces. Qhov no suav kev zes txog cov tub ntxhais kawm ntawv
uas yug hauv Teb Chaws Mis Kas uas muaj cov txheeb ze tuaj lwm lub
teb chaws tuaj.
G. Kev Zes Txog Kev Teev Hawm.
Kev zes txog kev teev hawm muaj tus xeeb ceem ntawm cev los sis hais lus
raws tus neeg ntawd txoj kev xav los sis qhov kev dab qhuas tiag tiag.
H. Kev Zes Txog Txoj Kev Tsis Taus.
1. Kev zes txog txoj kev tsis taus muaj tus xeeb ceem ntawm cev los sis hais
lus raws tus neeg ntawd txoj kev xav los sis txoj kev tsis taus tiag tiag.
2. Ib tug neeg uas muaj kev tsis taus yog ib tug neeg uas (1) muaj ib qho kev
puas ntawm cev los sis saum hlwb uas yuav ua tsis tau ib los sis ntau tshaj
ib yam dej num loj hauv lub neej; (2) muaj pov thawj txog qhov kev puas;
los sis (3) pom tias muaj ib qho kev puas. Qhov no suav cov tub ntxhais
kawm ntawv uas tau kev tiv thaiv los ntawm Title II of the Americans
with Disabilities Act (Title II hauv Tsab Cai Rau Cov Neeg Mis Kas uas
Muaj Kev Tsis Taus) thiab/los sis Section 504 hauv Rehabilitation Act
(Tsab Cai Tsis Pub Cais Tshwj Cov Neeg Muaj Kev Tsis Taus).
3. Kev zes txog kev tsis taus tej zaum tseem yuav tsis pom zoo rau ib tug tub
ntxhais kawm ntawv uas muaj kev tsis taus tau kev kawm ntawv dawb
thiab tsim nyog (FAPE). Kev zes ib tug tub ntxhais kawm ntawv raws kev
tsis taus tej zaum yuav txog tus tub ntxhais kawm ntawv lub peev xwm
los kawm ntawv thiab yuav zoo li tsis pom zoo rau FAPE.
I. Kev Zes Lwm Pawg Neeg Uas Muaj Kev Tiv Thaiv.
Kev zes lwm pawg neeg uas muaj kev tiv thaiv muaj tus xeeb ceem ntawm
cev los sis hais lus raws tus neeg ntawd txoj kev xav los sis cov pawg neeg
muaj kev tiv thaiv tiag tiag.
J. Kev Ua Phem Txog Kev Sib Deev.
Ib qho kev ua phem txog kev sib deev yog kev siv lub cev los thab plaub los
sis yuam los sis hawv uas muaj qhov kov lwm tus neeg qhov chaw mos, los sis
yuam kom ib tug neeg mus kov lwm tus neeg qhov chaw mos. Cov chaw mos,
raws li tshab txhais hauv Minnesota Tsab Cai § 609.341, suav qhov chaw mos,
puab tais, sab hauv sab ncej puab, pob tw los sis lub mis, nrog rau cov khaws
ncaws uas npog cov chaw no. Kev ua phem txog kev sib deev tej zaum muaj
xws li, tiam sis tsis yog tas rau:
2019-20 Tsev Kawm Ntawv Phau Ntawv Handbook