Reports, guides, handbooks Policy Handbook 2019-20: Hmong | Page 39

B. C. D. E. F. tswv, poj niam nyiam poj niam los sis txiv neej nyiam txiv neej, los sis hnub nyoog. Cheeb tsam yuav tsis muab kev tsis pom zoo rau ib tug tub ntxhais kawm ntawv twg li hais txog qhov yuav siv tau cov kev pab thiab cov hwj tsam hauv nws cov kev qhia ntawv. Cheeb tsam tseem yuav muab kev pab uas tsim nyog rau cov tub ntxhais kawm ntawv uas muaj kev tsis taus. Cheeb tsam txwv txoj kev zes ib tug neeg twg raws li cov uas tau hais los saud. Rau cov ntsiab txhais thiab cov lus qhia txog hom kev coj uas yuav txhaum cheeb tsam tsab cai txog kev zes thiab kev ua phem thiab cheeb tsam cov txheej txheem txog kev hais cov kev tsis txaus siab, mus xyuas hauv cheeb tsam Tsab Cai Txog Kev Zes, Kev Ua Phem, thiab Kev Ntxub Ntxaug (Harassment, Violence, and Discrimination Policy). Cheeb tsam txwv tsis pub muaj kev ua pauj rau ib tug neeg twg uas tau hais ib qho kev tsis txaus siab los sis koom rau hauv txoj kev tshawb nrhiav. Siv tsab cai no rau tag nrho cov kev pab qhia ntawv thiab cov kev pab uas tsis yog qhia ntawv hauv cheeb tsam, nrog rau, piv txwv li, cov chav kawm, cov kev ua si uas sib koom ua ke thiab cov kev ua si tawm sab nraud, thiab lwm cov cai los sis meej mom ntawm kev rau npe koom. Yuav siv tsab cai no rau lub sij hawm ua ntej kawm ntawv, thaum lub sij hawm kawm ntawv, los sis tam qab lub sij hawm swj ntawv hauv tag nrho tsev kawm ntawv thaj chaw, nrog rau tsev kawm ntawv cov npav, cov kev ua si hauv tsev kawm ntawv, los sis cov koom txoos uas ua rau hauv lwm qhov chaw. Tsab cai no tseem siv rau cov kev coj xeeb ceem uas tsis yog ua rau ntawm tsev kawm ntawv thaj chaw uas ua rau muaj los sis hawv kom muaj kev cuam tshuam loj thiab kev cuam tshuam tej khoom ntawm tsev kawm ntawv, los sis cuam tshuam rau cov tub nthxais kawm ntawv los sis cov neeg ua hauj lwm txoj cai kom tsis pub muaj kev sib ntxub hauv ib puag ncig ntawm tsev kawm ntawv thaum tsis muaj ib yam dab tsi yuav los txiav txim tau rau cov xwm txheej uas tshwm sim hauv tsev kawm ntawv thaj chaw thiab tsis yog tshwm sim hauv tsev kawm ntawv thaj chaw. Nws yog txoj dej num ntawm txhua tus neeg ua hauj lwm hauv cheeb tsam (rau kev siv hauv lub hom phiaj no, “tus neeg ua hauj lwm hauv cheeb tsam” yog cov tswv cuab hauv pawg tswj tsev kawm ntawv, cov neeg ua hauj lwm hauv cheeb tsam, cov neeg ua hauj lwm rau lwm qhov chaw, cov neeg ua hauj lwm pab dawb, cov neeg muaj ntawv cog lus tuaj ua hauj lwm/cov neeg muag khoom, los sis cov neeg uas tau kev saib xyuas thiab kev tswj xyuas los ntawm cheeb tsam) los ua raws li tsab cai no, los thaiv los sim cheem cov kev ua txhaum hauv tsab cai no, thiab los qhia txog tag nrho cov kev ua txhaum hauv tsab cai. Tus tub ntxhais kawm ntawv, niam txiv los sis neeg saib xyuas twg uas muaj lus nug txog tsab cai no yuav tsum tau nrog tus tswj hwm lub tsev kawm ntawv los sis Title IX Tus Neeg Saib Xyuas/Tus Neeg Saib Xyuas Kev Ncaj Ncees tham: Title IX Tus Neeg Saib Xyuas/Tus Neeg Saib Xyuas Kev Ncaj Ncees Chaw nyob xa ntawv: 2727 North Ferry Street, Anoka, MN 55303 Tus Xov Tooj: [phone] Email: [email protected] Yuav siv cov txheej txheem qhia uas nyob hauv Tsab Cai Txog Kev Zes, Kev Ua Phem thiab Kev Ntxub Ntxaug los qhia txog cov kev ua txhaum hauv tsab cai no. Tsab Cai Txog Kev Zes, Kev Ua Phem, thiab Kev Ntxub Ntxaug, No. 413.0 Lus Cim: Tsab Cai Qhuab Qhia 506.0 los tseem hais txog kev zes thiab. Nws hais tias: “Cov kev ua txhaum cai rau cov neeg uas tau sib txuas lus nrog los sis npaj sib txuas lus nrog tsis hais siv hom kev dab tsi li. Cov kev ua txhaum cai muaj xws li tiam sis tsis yog tas rau: hais lus thiab/los sis tsis hais lus thab plaub/hawv; soj caum qab; kev thaiv; ua phem rau; sib ntaus; kev txhav los ua yug tug; kev thab plaub, hais lus phem txog haiv neeg; kev ua phem txog kev tsis taus; kev hais lus phem txog kev sib deev/ua phem; hnav khaub ncaws tsis raug chua; kev ua phem kom nkag tau mus ua tswv cuab hauv ib pag pawg (hazing).” Nws yog tsab cai hauv Anoka-Hennepin Cheeb Tsam Tsev Kawm Ntawv Tus Zauv 11 los tswj ib cheeb tsam kawm ntawv thiab ua hauj lwm uas tsis muaj kev zes, kev ua 2019-20 Tsev Kawm Ntawv Phau Ntawv Handbook phem los sis kev ntxub ntxaug raws haiv neeg, kob ntawm cev nqaij daim tawv, kev ntseeg, dab qhuas, yug lub teb chaws twg, poj niam los sis txiv neej, muaj txij nkawm los sis tsis muaj, tsev neeg zoo li cas, kev tsis taus, tau kev pab los ntawm nom tswv, poj niam nyiam poj niam los sis txiv neej nyiam txiv neej, hnub nyoog, kev so hauj lwm mus tu tsev neeg los sis kev yog qub tub rog uas muaj tiag los sis xav tias muaj tiag. Cheeb tsam txwv tsis pub muaj kev zes, kev ua phem los sis kev ntxub ntxaug raws qhov uas muaj tiag los sis qhov uas xav tias yog ntawm cov pawg neeg uas muaj kev tiv thaiv. Nws yuav yog ib qho txhaum tsab cai no rau ib tug tub ntxhais kawm ntawv los sis ib tug neeg ua hauj lwm hauv cheeb tsam los (1) zes ib tug tub ntxhais kawm ntawv los sis ib tug neeg ua hauj lwm hauv cheeb tsam los ntawm kev coj xeeb ceem los sis kev sib txuas lus (piv txwv li, siv lub cev, hais lus, duab los sis sau ntawv) los sis los (2) ua rau raug mob, hawv yuav ua kom raug mob los sis sim ua kom raug mob; los sis los (3) ntxub ntxaug ib tug tub ntxhais kawm ntawv los sis tus neeg ua hauj lwm hauv Cheeb Tsam raws tus tub ntxhais kawm ntawv los sis tus neeg ua hauj lwm ntawd pawg neeg uas muaj kev tiv thaiv uas yeej muaj tseeb los sis xav tias muaj. Siv tsab cai no rau tag nrho cov kev pab qhia ntawv thiab cov kev pab uas tsis yog qhia ntawv (piv txwv li, cov kev ua si thiab cov kev ua si tawm sab nraud) hauv cheeb tsam thiab yuav siv tsab cai no rau lub sij hawm ua ntej kawm ntawv, thaum lub sij hawm kawm ntawv, los sis tam qab lub sij hawm swj ntawv hauv tag nrho tsev kawm ntawv thaj chaw, nrog rau tsev kawm ntawv cov npav, cov kev ua si hauv tsev kawm ntawv, los sis cov koom txoos uas ua rau hauv lwm qhov chaw. Tsab cai no tseem siv rau cov kev coj xeeb ceem uas tsis yog ua rau ntawm tsev kawm ntawv thaj chaw uas ua rau muaj los sis hawv kom muaj kev cuam tshuam loj thiab kev cuam tshuam tej khoom ntawm tsev kawm ntawv, los sis cuam tshuam rau cov tub nthxais kawm ntawv los sis cov neeg ua hauj lwm txoj cai kom tsis pub muaj kev sib ntxub hauv ib puag ncig ntawm tsev kawm ntawv thaum tsis muaj ib yam dab tsi yuav los txiav txim tau rau cov xwm txheej uas tshwm sim hauv tsev kawm ntawv thaj chaw thiab tsis yog tshwm sim hauv tsev kawm ntawv thaj chaw. Cheeb tsam yuav tshawb xyuas txog tag nrho cov kev tsis txaus siab txog kev zes, kev ua phem los sis kev ntxub ntxaug—txawm tias yuav yog raws kev raws cai los sis tsis yog raws kev raws cai, hais ntawm ncauj los sis sau rau hauv ntawv— raws tus tub ntxhais kawm ntawv los sis tus neeg ua hauj lwm ntawd pawg neeg uas muaj kev tiv thaiv uas yeej muaj tseeb los sis xav tias muaj, thiab yuav qhuab qhia los sis rau txim rau tus tub ntxhais kawm ntawv los sis tus neeg ua hauj lwm hauv Cheeb Tsam uas pom tias tau ua txhaum tsab cai no. Yuav muaj kev pab khiav dej num thiab neeg ua hauj lwm caum qab rau cov uas raug ua phem rau thiab cov uas ua phem ntawm kev zes, kev ua phem thiab kev ntxub ntxaug. Thaum uas tsab cai no hais txog kev qhia thiab kev teb rau kev zes, kev ua phem los sis kev ntxub ntxaug, cheeb tsam lees paub qhov tseem ceeb ntawm kev tiv thaiv txoj kev zes, kev ua phem thiab kev ntxub ntxaug ua ntej nws yuav tshwm sim los ntawm cov kev pwv xyaum tas li, cov kev pab cuam thiab cov kev cob qhia. Cheeb tsam yuav siv txoj kev tiv thaiv kev ua phem thiab kev qhia txog kev coj cwj pwm rau cov tub ntxhais kawm ntawv kom los tiv thaiv thiab txo cov kev ua txhaum txoj cai. Cov kev pab cuam no yuav muaj qhia txog kev coj xeeb ceem uas muaj xws li, tiam sis tsis yog tas rau, cov yam ntxwv zoo hauv tib neeg xws li tswm xeeb, kev ncaj ncees, kev hwm cov neeg muaj cai, kev rau siab, kev ris txiaj ntsim, kev qhuab qhia tus kheej, kev ua siab ntev, kev zam txim, kev hwm lwm tus, kev thaj yeeb, thiab muab kev pab. I. COV NTSIAB TXHAIS A. Tus neeg ua hauj lwm hauv cheeb tsam. Rau kev siv hauv lub hom phiaj no, “tus neeg ua hauj lwm hauv cheeb tsam” yog cov tswv cuab hauv pawg tswj tsev kawm ntawv, cov neeg ua hauj lwm hauv cheeb tsam, cov neeg ua hauj lwm rau lwm qhov chaw, cov neeg ua hauj lwm pab dawb, cov neeg muaj ntawv cog lus tuaj ua hauj lwm/cov neeg muag khoom, los sis cov neeg uas tau kev saib xyuas thiab kev tswj xyuas los ntawm cheeb tsam. B. Ntxub ntxaug. Lo lus “ntxub ntxaug” suav kev cais pab cais pawg thiab, rau kev siv ntxub ntxaug raws kev sib deev, nws suav kev zes deev. C. Kev zes. Kev zes yog ib tug xeeb ceem tsis txais tos uas yog raws haiv neeg, kob ntawm cev nqaij daim tawv, kev ntseeg, dab qhuas, yug lub teb chaws twg, 37