Reports, guides, handbooks Policy Handbook 2019-20: Hmong | Page 25
2. Kev thab plaub nyob ua pab ua pawg, qee zaus hu ua kev thab plaub los ntawm
kev sib txheeb, yog thaum ua kom ib tug neeg lub koob npe puas los sis kev sib
raug zoo puas tsuaj. Kev thab plaub nyob ua pab ua pawg muaj xws li:
• Txhob txwm cais ib tug neeg tawm
• Qhia kom lwm cov me nyuam tsis txhob cog kev phooj ywg nrog ib tug neeg
• Taug xaiv txog ib tug neeg
• Ua kom ib tug neeg txaj muag thaum muaj neeg coob coob
3. Kev thab plaub rau lub cev muaj ua kom ib tug neeg lub cev raug mob los sis cov
khoom puas. Kev thab plaub rau lub cev muaj xws li:
• Ntaus/ncaws/de
• Nto qaub ncaug
• Dawm kom ntog/thawb
• Muab los sis ua kom ib tug neeg cov khoom puas
• Kev siv tes los ua tej yam phem
Kev thab plaub yuav ua tau ntau yam. Raws li tau hais saud, nws yuav yog kev sau rau hauv
ntawv, hais ntawm ncauj, los sis xa raws hluav taws xob (electronic expression), siv lub cev
ua los sis yoj, siv duab los sawv cev (piv txwv li, cov ntawv sau rau ntawm phab ntsa).
Tej zaum kev thab plaub yuav muaj xws li kev siv technology tsis raws cai tsis hais siv li
cas, nrog rau kev xa los sis tso hauv cov e-mail, cov kev xa xov tam sim ntawd, cov xov
ntaus hauv xov tooj, cov ntawv sau hauv ib qho chaw sau ntawv los sis ib qho chaw neeg
tuaj saib coob, cov duab digital, los sis lwm cov kev tso raws hluav taws xob, tsis hais seb
thaum ua ntawd nws nyob hauv cheeb tsam tsev kawm ntawv thaj chaw los sis tsis nyob
thiab/los sis siv los sis tsis siv cheeb tsam cov khoom los ua. Kev thab plaub raws cov pab
pawg uas muaj kev tiv thaiv uas nyob hauv cheeb tsam Equal Educational Opportunity
Policy (Tsab Cai Txog Kev Kawm Ntawv Sib Luag) (haiv neeg, kob ntawm cev nqaij daim
tawv, kev ntseeg, dab qhuas, yug lub teb chaws twg, poj niam los sis txiv neej, muaj txij
nkawm los sis tsis muaj, tsev neeg zoo li cas, kev tsis taus, tau kev pab los ntawm nom tswv,
poj niam nyiam poj niam los sis txiv neej nyiam txiv neej, los sis hnub nyoog) mas tej zaum
tseem yuav suav tias yog ua txhaum hauv cheeb tsam Harassment, Violence, and
Discrimination Policy (Tsab Cai Txog Kev Zes, Kev Ua Phem, thiab Kev Ntxub Ntxaug).
B. “Tus neeg ua hauj lwm hauv cheeb tsam” thaum siv rau hauv tsab cai no yog cov
tswv cuab hauv pawg tswj tsev kawm ntawv, cov neeg ua hauj lwm hauv cheeb tsam,
cov neeg ua hauj lwm sawv cev tsev kawm ntawv, cov neeg ua hauj lwm pab dawb,
cov neeg muaj ntawv cog lus tuaj ua hauj lwm/cov neeg muag khoom, los sis cov
neeg uas tau kev saib xyuas thiab kev tswj xyuas los ntawm cheeb tsam.
C. “Tam sim ntawd” los sis “tam siv” txhais tias yog sai li sai tau tiam sis tsis pub ntev
tshaj 24 teev.
D. “Nyob hauv cheeb tsam thaj chaw, tom cov koom txoos uas muaj feem rau tsev kawm
ntawv, los sis hauv kev siv hluav taws xob” txhais tias yog tag nrho cheeb tsam cov
tuam tsev, cov chaw hauv tsev kawm ntawv, thiab tsev kawm ntawv cov chaw los sis
cov chaw uas nyob txuas rau ntawm lub tsev kawm ntawv thaj chaw, chaw tos npav,
cov npav thauj me nyuam mus kawm ntawv, cov tsheb siv rau tsev kawm ntawv, cov
tsheb uas muaj kev cog lus siv rau lub tsev kawm ntawv, los sis lwm cov tsheb uas tau
kev pom zoo los sev rau cheeb tsam cov dej num, cheeb tsam ntawv qhov chaw nkag
los sis tawm ntawm tsev kawm ntawv thaj chaw, los sis cov koom txoos, tag nrho cov
koom txoos uas muaj feem rau tsev kawm ntawv, cov kev ua si, koom txoos, los sis
kev tawm mus ncig sab nraud uas lub tsev kawm ntawv ua tus txhawb nqa, kev siv
cheeb tsam cov twj technology los sis system uas nyob hauv los sis tawm nraum lub
tsev kawm ntawv thaj chaw, kev siv tus kheej cov twj digital hauv tsev kawm ntawv,
los sis kev sib txuas lus uas siv hluav taws xob thaum tawm hauv tsev kawm ntawv
uas ua rau los sis hawv yuav ua rau muaj kev cuam tshuam loj thiab cuam tshuam rau
cov khoom hauv tsev kawm ntawv los sis cuam tshuam rau cov cai kom muaj kev ruaj
ntseg ntawm cov tub ntxhais kawm ntawv los sis cov neeg ua hauj lwm. Cheeb tsam
cov khoom tseem txhais tias yog tus tub ntxhais kawm ntawv txoj kev taug mus tsev
los sis tuaj kawm ntawv vim tuaj kawm ntawv los sis tuaj koom cov dej num, cov kev
ua si, los sis cov koom txoos uas muaj feem rau tsev kawm ntawv. Thaum uas txwv
kev thab plaub hauv cov chaw no los sis cov koom txoos no los sis los ntawm kev siv
cheeb tsam cov kev pab uas technology los, cheeb tsam tsis sawv cev tias nws yuav
muab kev saib xyuas los sis thaj tsob ntawm cov chaw no los sis cov koom txoos no,
los sis los ntawm kev siv cheeb tsam cov kev pab uas siv technology.
2019-20 Tsev Kawm Ntawv Phau Ntawv Handbook
IV. TUS TXHEEJ TXHEEM QHIA
A. Ib tug neeg ua ntseeg tias nws yog lub hom phiaj ntawm kev thab plaub los sis ib tug
neeg uas paub txog los sis ntseeg tias muaj xeeb ceem thab plaub yuav tsum tau qhia
txog cov kev thab plaub no tam sim ntawd mus rau tus thawj tswj tuav dej num, tus
neeg pab tawm tswv yim, los sis tus neeg tawm suab sawv cev rau cov tub ntxhais
kawm ntawv hauv lub tsev kawm ntawv ntawd. Ib tug tub ntxhais kawm ntawv yuav
qhia tau txog kev thab plaub yam uas tsis tas qhias tias nws yog leej twg. Tiam sis,
cheeb tsam lub peev xwm los rau txim rau tus neeg raug iab liam tias tau ua txhaum
cai ntawd raws kev qhia los ntawm ib tug neeg uas tsis paub tias nws yog leej twg
ntawd nkaus xwb mas tsuas yuav ua tau me ntsis xwb.
B. Yuav tsum qhia txog cov lus tau qhia (hais los sis sau rau hauv ntawv) tam sim ntawd,
los sis sai li sai tau tom qab qhov xwm txheej tshwm sim; lub sij hawm uas ncua
ntawm hnub qhov xwm txheej uas iab liam ntawd tshwm sim mus rau hnub qhia txog
qhov xwm txheej mas yuav ua rau qhov kev tshawb xyuas nyuaj.
C. Cheeb tsam xav kom tus neeg uas yog lub hom phiaj los sis lwm tus neeg qhia siv
daim ntawv qhia los sau qhia; cov kev hais qhia thiab qhia raws hluav taws xob yuav
tsum tau suav tias yog cov kev tsis txaus siab thiab. Muaj daim ntawv qhia nyob hauv
chav fai pab tawm tswv yim thiab chav fai khiav dej num hauv txhua lub tsev kawm
ntawv, hauv cheeb tsam lub chav fai, thiab hauv cheeb tsam lub vas sab (website)
ntawm: http://www.ahschools.us/complaintform
Thaum thov txog rau cov neeg muaj kev tsis taus uas tsim nyog, yuav siv lwm cov
kev los teev qhov kev tsis txaus siab, xws li los ntawm qhov sib tham txog tus kheej
los sis kaw rau hauv kab xev.
D. Tsis muaj dab tsi hauv tsab cai no yuav tiv thaiv ib tug neeg los ntawm kev qhia txog
kev thab, kev ua phem, los sis kev ntxub ntxaug ncaj qha mus rau Title IX Tus Neeg
Saib Xyuas/Tus Neeg Saib Xyuas Kev Ncaj Ncees los sis mus rau tus thawj tswj
cheeb tsam tsev kawm ntawv:
Title IX Tus Neeg Saib Xyuas/Tus Neeg Saib Xyuas Kev Ncaj Ncees
Chaw nyob xa ntawv: 2727 North Ferry Street, Anoka, MN 55303
Tus xov tooj: (763) 506-1000
Email: [email protected]
Thawj Tswj Cheeb Tsam Tsev Kawm Ntawv, Anoka Hennepin Cheeb Tsam Tsev
Kawm Ntawv
Chaw nyob xa ntawv: 2727 North Ferry Street, Anoka, MN 55303
Tus xov tooj: (763) 506-1000
Email: [email protected]
E. Cov neeg ua hauj lwm hauv cheeb tsam yuav tsum tau ceev faj txog cov zwj ceeb,
cov caij nyoog los sis cov koom txoos uas tej zaum yuav muaj kev thab plaub. Cov
neeg uas tau txais kev qhia, pom, los sis paub txog los sis ntseeg tias tej zaum muaj
kev thab plaub yuav tsum tau qhia rau tus tswj fwm lub tsev kawm ntawv los sis tus
neeg xaiv los saib xyuas cov xwm txheej ntawd tam sim ntawd.
F. Cov kev qhia txog kev thab plaub mas teeb txheeb tias yog cov ntaub ntawv hauv kev
kawm ntawv thiab/los sis cov ntawv uas tsis pub lwm tus neeg pom thiab/los sis cov
ntaub ntawv tshawb fawb uas tsis pub leej twg pom thiab yuav tsis muab qhia tawm
tshwj tsis yog tias txoj cai kom yuav tsum tau ua.
G. Kev xa ib qho kev tsis txaus siab raws kev ntseeg siab los sis kev qhia txog ib qho kev
thab plaub yuav tsis muaj feem cuam tshuam dab tsi rau tus neeg uas raug thab plaub
los sis tus neeg qhia ntawd txoj hauj lwm yav tom ntej no, cov kev kawm ntawv seb
tau li cas, cov ntawv ua hauv tsev kawm ntawv, los sis ib puag ncig ntawm tsev kawm
ntawv los sis cov hauj lwm ua.
H. Cheeb tsam yuav hwm kev ywj pheej ntawm tus neeg raug thab plaub, tus neeg
qhia, tus (cov) neeg uas tau teev tias muaj kev tsis txaus siab rau, thiab cov neeg
ua pov thawj kom ntau li ntau tau, xwm yeem nrog cheeb tsam txoj hauj lwm
los tshawb nrhiav, nqis tes ua, thiab ua raws li cov hauj lwm qhia tawm raws
txoj cai uas yuav tau ua ntawd.
23