Reports, guides, handbooks Policy Handbook 2019-20: Hmong | Page 24

Tsab Cai Txwv Tsis Pub Muaj Kev Thab Plaub
Suav Kev Thab Plaub Saum Huab Cua (Cyberbullying)
Tib Si, Tsab Cai 514.0
Lus Cim: Tsab Cai Qhuab Qhia 506.0 los tseem hais txog kev thab plaub thiab. Nws hais tias:
“Cov kev ua txhaum cai rau cov neeg uas tau sib txuas lus nrog los sis npaj sib txuas lus nrog
tsis hais siv hom kev dab tsi li. Cov kev ua txhaum cai muaj xws li tiam sis tsis yog tas rau: hais
lus thiab/los sis tsis hais lus thab plaub/hawv; soj caum qab; kev thaiv; ua phem rau; sib ntaus;
kev txhav los ua yug tug; kev thab plaub, hais lus phem txog haiv neeg; kev ua phem txog kev tsis
taus; kev hais lus phem txog kev sib deev/ua phem; hnav khaub ncaws tsis raug chua; kev ua
phem kom nkag tau mus ua tswv cuab hauv ib pag pawg (hazing).”
I. LUB HOM PHIAJ
Tsab cai no txhais seb kev thab plaub
Yuav tsum tau muaj ib puag ncig uas muaj
thiab kev thab plaub saum huab cua
kev ruaj ntseg thiab paub cai rau cov tub
(cyberbullying) yog dab tsi, uas muaj cov
ntxhais kawm ntawv thiab muaj cov qauv
kev ua thaum lub sij hawm kawm ntawv
kawm ntawv siab thiab los txhawb nqa kev
thiab cov kev ua si uas muaj feem. Nws
sib raug zoo ntawm tib neeg. Kev thab
muaj cov kev yuav ntsib rau tus neeg uas
plaub, xws li cov kev coj xeeb ceem phem
thab plaub lwm tus neeg thiab cov txheej
los sis thaiv kev, mas yog ib tug xeeb ceem
txheem qhia rau cov neeg raug ua phem
uas cuam tshuam cov tub ntxhais kawm
rau thiab cov neeg ua pov thawj.
ntawv lub peev xwm los kawm ntawv thiab
cov kws qhia ntawv lub peev xwm los qhia
ntawv rau cov tub ntxhais kawm ntawv hauv ib puag ncig uas muaj kev ruaj ntseg.
Yog hais tias cov xeeb ceem cuam tshuam rau txoj kev kawm ntawv hauv cheeb tsam
cov tsev kawm ntawv thiab cov cai thiab txoj kev noj qab nyob zoo ntawm nws cov tub
ntxhais kawm ntawv thiab hauv cheeb tsam txoj kev khiav dej num, nws yog cheeb lub
hom phiaj los tiv thaiv kev thab plaub thiab los tshawb xyuas, teb, kho kom zoo, thiab
qhuab qhia cov kev thab plaub uas tsis tau tiv thaiv zoo. Cov neeg khiav dej num ntawm
hauv paus loj thiab cov neeg ua hauj lwm hauv tsev kawm ntawv uas tsim nyog yuav soj
qab cov neeg raug ua phem rau thiab cov neeg thab plaub. Txawm tias Anoka Hennepin
Cheeb Tsam Tsev Kawm Ntawv yuav saib xyuas cov dej num ntawm cov tub ntxhais
kawm ntawv tsis tau txhua lub sij hawm thiab tshem tawm tsis tau tag nrho cov xwm
txheej ntawm kev thab plaub ntawm cov tub ntxhais kawm ntawv los, tshwj xeeb thaum
cov neeg ua hauj lwm hauv tsev kawm ntawv tsis yog cov saib xyuas ncaj qha cov tub
ntxhais kawm ntawv, lub hom phiaj ntawm tsab cai no yog los pab cheeb tsam hauv nws
lub hom phiaj los tiv thaiv thiab teb rau cov kev thab plaub, kev hais lus saib tsis taus,
kev ua phem rau, thiab lwm cov xeeb ceem thaiv kev.
II. NQE LUS HAIS DAV DAV TXOG TSAB CAI
A. Kev thab plaub, txawm tias yog ua los ntawm ib tug tub ntxhais kawm ntawv los sis
los ntawm ib pab tub ntxhais kawm ntawv, mas txwv tu nrho tsis pub muaj hauv
cheeb tsam tsev kawm ntawv thaj chaw, hauv cov kev ua si los ntawm lub tsev kawm
ntawv, los sis hauv lwm txoj kev uas siv hluav taws xob xws li hu ua thab plaub saum
huab cua los sis cyberbullying. Tsab cai no siv rau tag nrho cov kev kawm ntawv
thiab cov tsis yog kev kawm ntawv (piv txwv li, kev ntaus pob ncaws pob (athletic)
thiab cov kev kawm sab nraud (extracurricular)) hauv cheeb tsam thiab yuav siv rau
lub sij hawm ua ntej kawm ntawv, thaum lub sij hawm kawm ntawv, los sis tom qab
lub sij hawm lawb ntawv hauv tag nrho tsev kawm ntawv thaj chaw, nrog rau tsev
kawm ntawv cov npav thauj me nyuam mus kawm ntawv, cov kev ua si hauv tsev
kawm ntawv, los sis cov koom txoos uas ua rau lwm qhov chaw. Tsab cai no tseem siv
rau cov kev coj xeeb ceem uas tsis yog ua rau ntawm tsev kawm ntawv thaj chaw uas
ua rau muaj los sis hawv kom muaj kev cuam tshuam loj thiab kev cuam tshuam tej
khoom ntawm tsev kawm ntawv, los sis cuam tshuam rau cov tub ntxhais kawm
ntawv los sis cov neeg ua hauj lwm txoj cai uas tsis pub muaj kev sib ntxub hauv ib
puag ncig ntawm tsev kawm ntawv thaum tsis muaj ib yam dab tsi yuav los txiav txim
tau rau cov xwm txheej uas tshwm sim hauv tsev kawm ntawv thaj chaw thiab tsis
yog tshwm sim hauv tsev kawm ntawv thaj chaw. Tsab cai no tsis yog siv rau cov tub
ntxhais kawm ntawv uas koom tes ncaj qha rau hauv kev thab plaub xwb tiam sis
tseem siv rau cov tub ntxhais kawm ntawv uas, los ntawm lawv tus xeeb ceem, zam
txim rau los sis txhawb lwm tus tub ntxhais kawm ntawv txoj kev thab plaub.
22
B. Tsis pub ib tug neeg ua hauj lwm hauv cheeb tsam tso cai, zam txim rau, los sis kam
rau thab plaub kiag li. Ib tug neeg ua hauj lwm hauv cheeb tsam twg uas pom ib qho
kev thab plaub yuav tsum tau mus thaiv uas sim cheem txoj kev ua ntawd thiab yuav
tau qhia mus rau tus neeg uas tsim nyog. Ib tug neeg twg uas paub tias muaj kev thab
plaub los yuav tsum tau qhia mus rau tus neeg uas tsim nyog ib yam li thiab.
C. Kev ua zoo li pom zoo rau los sis tso cai rau los ntawm tus tub ntxhais kawm ntawv uas
raug thab plaub ntawd mas tsis tau txo cov kev txwv hauv tsab cai no kom tsawg zog.
D. Txwv tsis pub muaj kev ua pauj rau tus raug thab plaub, tus neeg qhia uas muaj kev
ntseeg siab, los sis ib tug neeg ua pov thawj txog qhov kev thab plaub ntawd.
E. Txwv tsis pub muaj kev iab liam los sis kev qhia dag txog kev thab plaub txog lwm
tus tub ntxhais kawm ntawv.
F. Ib tug neeg uas koom ncaj qha rau hauv los sis tsis yog ncaj qha rau hauv kev thab
plaub, kev ua pauj, los sis kev txhob txwm qhia dag txog kev thab plaub los sis pom
zoo, zam txim rau, los sis kam rau thab plaub mas yuav raug qhuab qhia rau txoj kev
ua ntawd raws li cheeb tsam cov cai thiab cov txheej txheem. Cheeb tsam yuav siv tau
cov nram qab no:
1. Hnub nyoog, kev loj hlob thiab kev paub tab ntawm cov neeg koom hauv;
2. Cov theem ua phem, lub zwj ceeb ntawm ib puag ncig ntawd, thiab seb tus xeeb
ceem nws zoo li cas thiab phem npaum cas;
3. Cov xwm txheej yav dhau los los sis cov qauv coj cwj pwm yav tas los los sis
txuas mus;
4. Kev sib txheeb ntawm cov neeg koom hauv; thiab
5. Hauv paus ntawm cov xwm txheej uas raug iab liam ntawd tau tshwm sim los.
Cov kev qhuab qhia rau cov tub ntxhais kawm ntawv uas tau thab plaub yam uas twb
tau txwv tsis pub ua lawm tej zaum yuav nyob li ntawm kev pab kom coj tau xeeb
ceem zoo mus txog rau thiab suav kev tshem tawm thiab/los sis kev ntiab tawm.
Cov kev qhuab qhia rau cov neeg ua hauj lwm hauv cheeb tsam uas pom zoo, zam
txim rau, los sis kam ua kev thab plaub los sis koom tes rau hauv kev ua pauj los sis
txhob txwm qhia dag txog kev thab plaub tej zaum yuav raug qhuab qhia rau thiab
nrog rau kev rho tawm hauj lwm los sis tshem tawm mus. Cov kev qhuab qhia rau
lwm cov neeg uas koom rau hauv cov kev thab plaub yam uas twb tau txwv tsis pub
ua mas tej zaum yuav muaj xws li, tiam sis tsis yog tas rau, kev tsis pub tsuj ntawm
cheeb tsam thaj chaw thiab hauv cov koom txoos thiab/los sis txiav cov kev pab
thiab/los sis cov ntawv cog lus.
G. Cheeb tsam yuav tshawb xyuas tag nrho cov kev tsis txaus siab txog kev thab plaub
thiab yuav rau txim kom tsim nyog rau tus tub ntxhais kawm ntawv los sis tus neeg ua
hauj lwm hauv cheeb tsam uas tshawb pom tias tau ua txhaum tsab cai no.
III. COV NTSIAB TXHAIS
Rau kev siv hauv tsab cai no, yuav siv cov ntsiab txhais nyob hauv seem no.
A. Kev thab plaub yog ib tug xeeb ceem uas tsis xav tau thiab nyaum hauv cov me
nyuam muaj hnub nyoog kawm ntawv uas muaj lub hwj chim tiag tiag los sis zoo li
muaj hwj chim tsis sib txig. Tus xeeb ceem mas pheej ua dua li qub, los sis tej zaum
yuav ua dua li qub, ntev mus. Yuav kom suav tau tias yog kev thab plaub, tus xeeb
ceem yuav tsum tau nyaum thiab muaj:
1. Hwj chim tsis sib txig: Cov tub ntxhais kawm ntawv uas thab plaub mas siv lawv
lub zog—xws li lub zog ntawm cev, paub txog tej yam txaj muag, los sis kev nrov
npe—los tswj los sis ua phem rau lwm tus. Hwj chim tsis sib txig yuav hloov tau
ntev mus thiab hauv qee lub hwj tsam, txawm tias tsis yog tib co neeg qub.
2. Kev ua dua li qub: Cov xeeb ceem thab plaub mas tshwm sim ntau tshaj ib zaug,
los sis muaj peev xwm yuav tshwm sim ntau tshaj ib zaug.
Kev thab plaub mas suav cov kev ua xws li hawv, taug xaiv, ntaus ib tug neeg los sis hais lus
phem rau ib tug neeg, thiab txhob txwm cais ib tug neeg tawm ntawm ib pab pawg. Muaj
peb hom kev thab plaub:
1. Kev hais lus thab plaub yog hais los sis sau tej yam phem. Kev hais lus thab
plaub muaj xws li:
• Zes
• Hu npe phem
• Hais lus saib tsis taus
• Hawv yuav ua phem
2019-20 Tsev Kawm Ntawv Phau Ntawv Handbook