omo n’otros cursos, na asignatura
de Llingua Asturiana, centrámosnos
na realización d’actividaes rellacionaes coles artes escéniques y con temática variada dientro del contestu de que n’asturianu podemos falar de too y facer de too, como en cualquier otra llingua.
Anque la evolución de la pandemia foi permitiéndonos facer más actividaes, l’usu de la mazcarina fixo difícil enforma la realización d’obres de teatru. Poro, decidimos centranos na grabación de curtiometraxes que ye una actividá que al alumnáu-yos paez bastante prestosa, pue facese al aire llibre y ye más fácil de facer cola mazcarina puesta.
D’esta idea, surdieron cuatro curtiometraxes, ún per cada cursu de ESO. A les idées que la profesora de Llingua Asturiana-yos propuso, cada cursu fixo la so escoyeta. Así, los guiones fueron ellaborándose como un mecíu ente la idea inicial y les aportaciones de cada grupu, dalgunes d’elles perprestoses.
Tamién como n’otros cursos, los trabayos realizáos participaron nel Certame de Creación Audiovisual organizáu pola Conseyería d’Educación por mor del Día de les Lletres Asturianes y tuvimos la suerte de que’l nuestru centru recibiera tres premios.
Foi un placer grabar con estos guah.es y guah.as que lo fixéron lo meyor que pudieron ya implicáronse muncho nel proyectu. Pa la profe de Llingua, que suscribi esti artículo, toos son campeones.
María José Rubio Cobas — Profesora de Llingua asturiana
C
TRES, DOS, ÚN…
¡ACCIÓN!
48