• Tag nrho cov data txog cov tub ntxhais kawm ntawv uas tswj los ntawm lub tsev kawm ntawv , cheeb tsam tsev kawm ntawv , los sis tus neeg uas sawv cev rau cheeb tsam tsev kawm ntawv mas yuav tsis pub rau lwm tus neeg saib thiab yuav saib tau los sis qhia tawm tau rau lwm tus neeg uas yuav tsum tau paub hauv txoj kev kawm ntawv xwb . Tib qho uas tsis suav rau hauv yog “ cov lus qhia rau hauv phau ntawv teev npe thiab xov tooj ,” uas tau xaiv los ntawm cheeb tsam tias yog cov lus qhia rau sawv daws tshwj tsis yog tias tus neeg ntawd ho tau txwv kom tsis txhob qhia tawm . Cov lus qhia rau hauv phau ntawv teev npe thiab xov tooj yuav muaj :
• Npe thiab duab
• Tsev kawm ntawv npe uas mus kawm
• Hnub yug
• Qib kawm hauv tsev kawm ntawv
• Kev koom hauv cov kev ua si thiab cov kev ntaus pob ncaws pob
• Cov khoom plig thiab cov kev kawm ntawv tau zoo ( honors )
• Qhov hnyav thiab qhov siab ntawm cov neeg koom hauv cov pawg ntaus pob ncaws pob
• Cov hnub kawm ntawv ( lub sij hawm kawm ntawv )
• Qib kawm tiav zaum tas los
• Hnub kawm ntawv tiav
• Cov kev txhaj tshuaj tiv thaiv kab mob yav tas los Niam txiv los sis tus saib xyuas cov kev xaiv yuav raug teev cia hauv tus me nyuam cov ntaub ntawv teev . Cov niam txiv los sis cov neeg saib xyuas tuaj yeem hloov kho lawv daim duab xaiv tau nyob rau txhua lub sij hawm los ntawm kev hloov kho feem tiv thaiv ' Cov Ntaub Ntawv Nthuav Tawm ' nyob rau hauv Kev Rau Npe ntawm Cov Tub Ntxhais Kawm Online . * Kev Siv Cov Ntaub Ntawv Uas Muaj Tswv Cai ( Copyrighted ): * tau luam tawm uas tau kev tso cai los ntawm University of North Carolina ntawm Chapel Hill Kev ua raws li nom tswv teb chaws txoj cai hais txog tswv cai mas tag nrho cov tub ntxhais kawm ntawv , cov kws qhia ntawv , thiab cov neeg ua hauj lwm hauv Anoka-Hennepin cov tsev kawm ntawv yuav tsum tau ua raws . “ Tswv cai ” yog kev tiv thaiv raws txoj cai rau cov ntaub ntawv uas tau tsim tawm , uas thaum muab txhais dav dav ces yog cov kev hais txog lub tswv yim . Cov ntawv ( nrog rau cov email thiab cov lus qhia hauv web ), cov duab graphics , cov duab kos ( art ), cov duab yees , suab paj nruag , thiab software yog ib co piv txwv ntawm cov khoom uas muaj kev tiv thaiv los ntawm tswv cai . Tus neeg tsim qhov khoom ntawd , los sis qee zaus tus neeg uas ntiav tus neeg tsim ntawd , yog thawj tus tswv ntawm qhov tswv cai . Tag nrho los sis ib feem ntawm cov khoom uas muaj tswv cai tsuas yuav siv tau yog tias ( a ) koj tau kev tso cai los ntawm tus tswv cai , los sis ( b ) koj tsim nyog rau qhov uas tsis suav raws txoj cai ( qhov uas tsis suav uas muaj heev tshaj yog hu ua “ siv ncaj ncees ”). “ Siv ” ib qho khoom yog txhais los siv rau tswv cai xws li kev luam , yais tawm , ua cov khoom uas yog muab los ntawm tus qauv zoo li ntawd , tso rau pej xeem sawv daws saib , los sis ua yam khoom ntawm rau sawv daws saib . Kev luam , yais tawm , rub los , thiab tso cov lus qhia ntawd rau hauv Internet mas tej zaum yuav hla qhov cai tswv rau cov lus qhia ntawd . Ib qho kev dawb huv , uas tsis yog txhob txwm hla qhov cai tswv los yuav txhaum cai . Cov kev txhaum ntawm txoj cai ua cai tswv uas tshwm sim los sis kev siv Cheeb Tsam cov networks los sis lwm cov kev pab ( tshuab luam ntawv , computers , lwm yam zoo li no ) tej zaum yuav ua rau kom cheeb tsam tsev kawm ntawv thaj tsob rau nrog rau tus neeg siv thiab . Li no , cov neeg uas pheej hla cov cai tas li yuav tsis pub siv mus ntxiv lawm .
CHEEB TSAM COV KEV TAW QHIA TXOG NETWORK HARDWARE THIAB SOFTWARE
Nevvawj Eslevtausniv Cheeb Tsam lub hauv paus ntawm Wide Area Network ( WAN ), nrog qhov Local Area Networks ( LANs ) nyob hauv lub tuam tsev tau siv kev npaj kom ua hauj lwm thiab kev ruaj ntseg uas tsim nyog los ua qhov tseem ceeb hauv txoj kev ua no . Kev lees tias qhov network yuav ua hauj lwm tau zoo , tso siab tau rau , thiab tswj tau , nrog rau kev siv yam raug cai thiab siv tau cov kev pab yam zoo kawg nkaus yog cov uas tseem ceeb tshaj hauv Technology Steering Committee ( Pawg Saib Xyuas Txog Technology ). Cov kev kho kom haum lub tuam tsev lub hauv paus network thiab kev siv mas yuav cuam tshuam rau txoj kev LAN ua hauj lwm tas li thiab feem ntau yuav muaj feem txuam rau hauv qhov WAN ua hauj lwm tau zoo . Vim li no , cov network electronics uas tshaj sab nraud nrog rau , tiam sis tsis yog tas rau , cov switches , routers , thiab wireless access points mas yuav tsum tau yuav , nruab rau , thiab tau cais los ntawm Network Services nkaus xwb .
Cov Twj Network Ua ntej yuav ntxiv tau ib lub twj network rau ib lub tuam tsev qhov network , Network Services yuav tsum tau tso cai tso . Yuav kom tau kev tso cai , yuav tsum tau sau ib tsab ntawv mus rau tus neeg saib xyuas hauv Network Services es qhia kom ntxaws seb vim li cas hos xav tau thiab yuav siv ua dab tsi . Yog tias nws yog cov servers , tsab ntawv yuav tsum tau muaj cov lus qhia txog seb muaj dab tsi nyob hauv lub server , nrog rau lub npe thiab cov txiaj ntsig ntawm cov neeg ua hauj lwm uas yuav saib xyuas txoj kev siv , kev saib xyuas kom khiav ua hauj lwm , thiab cov khoom hauv lub server .
Kev Siv Hauv Lub Tuam Tsev Los ( Building Remote Access ) Cov neeg ua hauj lwm uas xav siv cheeb tsam qhov network yuav tsum tau xa ib daim ntawv thov mus rau tuam tsev xyuas Network Services . Thaum uas muab kev pom zoo rau daim ntawv thov lawm , Network Services yuav cia siv cheeb tsam cov computing resources uas nws nyob ib qho siv los tau . Tus neeg uas nws nyob nws ib qho siv yuav tsum tau ua raws li cov kev siv uas ruaj ntseg hauv qhov network uas xav kom ua , nrog rau kev siv cov antivirus software uas tshiab tshaj plaws .
Cov Qauv rau Cov Desktops thiab Laptop Computers
• Kev siv Active Directory thaum nkag rau hauv cheeb tsam cov computers thiab servers mas muaj ib qho kev ruaj ntseg loj thaum siv cov lus zais ( password ) uas cheeb tsam tau txhais ( qhov yuav tsum tau muaj hauv lo lus zais mas yuav hais txog tom ntej no hauv daim ntawv no ).
• Koj lub computer yuav tsum tau muaj kev ruaj ntseg thaum twg tsis siv uas siv lo lus zais rau hauv lub computer thiab / los sis sau npe tawm hauv lub network . Kev tso lub computer qhib lug los sis tseem nkag hauv thaum uas koj tsis nyob ntawd lawm yuav ua rau lwm tus neeg saib tau koj phau ntawv teev cov qhab nias , email , thiab lwm cov ntawv uas muaj cov lus qhia uas tsis pub lwm tus neeg paub .
• Cov desktop thiab laptop computers uas txuas rau lub network yuav tsum tau muaj qhov antivirus software tshiab tshaj plaws nrog cov definition files tam sim no .
• Tag nrho cheeb tsam cov chaw ua hauj lwm yuav tsum tau muab tua kom tuag thaum ua hauj lwm tas hnub ntawd .
Kev Tswj Cov Local Hard Drives Muaj qee qhov teeb meem uas yuav tsum tau kho qhov cov hard drives thiab muab lwv tawm .
• Tsuas yog cov software thiaj li suav tias yog ib feem ntawm qhov “ cheeb tsam txhawb ,” uas nws xwm yeem thoob plaws hauv cheeb tsam , yuav rov muab nruab dua .
• Cov software uas tau kev pom zoo uas yuav los ntawm lub tuam tsev mas yuav tsum tau rov mus nruab rau los ntawm cov neeg ua hauj lwm hauv technology support hauv lub tuam tsev . Nco ntsoov tias , cov disks nruab cov software rau ib lub tsev kawm ntawv twg mas yuav tsum tau muab tso rau ib qho chaw uas yuav cim tau hauv koj lub tuam tsev .