Tus neeg ua hauj lwm : Kev Xaiv thiab Kev Rov Txiav Txim txog Cov Ntaub Ntawv Qhia thiab Cov Kev Pab : Kev Zes , Kev Ua Phem thiab Kev Ntxub Ntxaug ; Kev Siv thiab Xauj Tsev Kawm Ntawv Cov Tuam Tsev ; Kev Tiv Thaiv thiab Kev Tsis Pub Neeg Paub Txog Tus Me Nyuam Kawm Ntawv Cov Ntaub Ntawv ; thiab Cov Cai Txog Kev Xaiv Cov Khoom Tso Hauv Media Cov tub ntxhais kawm ntawv : Kev Qhuab Qhia Tub Ntxhais Kawm Ntawv thiab Cov Cai Txog Kev Zes , Kev Ua Phem thiab Kev Ntxub Ntxaug ; Tsab Cai Txwv Tsis Pub Muaj Kev Thab Plaub
• Hawm qhov tsis pub lwm tus neeg paub ntawm lwm tus neeg siv , thiab tsis txhob txhob txwm nrhiav cov lus qhia txog , tau cov qauv ntawm , los sis kho cov ntaub ntawv , lwm cov ntaub ntawv los sis cov lus zais ( passwords ) uas yog lwm tus neeg siv li yam uas tsis tau kev tso cai .
• Ua raws li cov kev tiv thaiv raws txoj cai los ntawm cov kev pab cuam uas muaj tswv lawm thiab muaj ntawv tso cai , cov data thiab cov ntaub ntawv .
• Pab ceev kev ruaj ntseg ntawm cheeb tsam ICT cov kev pab los ntawm qhov ua raws li tag nrho cov cai hais txog kev ruaj ntseg uas tau tsim los ntawm Technology Steering Committee ( Pawg Saib Xyuas Txog Technology ) thiab / los sis cov neeg siv lub tuam tsev .
• Saib xyuas thiab sai tus tib neeg uas muaj kev siv ICT cov kev pab uas tau tso cai rau koj , uas yog tus neeg siv .
• Ua raws li cov cai txog kev siv hauv tag nrho ICT cov kev pab uas cheeb tsam siv tau .
Siv Tau
• Peb cov tuam tsev thiab cov tsev kawm ntawv uas muab cov kev pab rau cov neeg ua hauj lwm los ua lawv cov dej num ( feem ntau , qhov no yog lub computer uas muaj qhov software uas cheeb tsam tau pom zoo rau thiab lub xov tooj hauv chav fai / chav kawm ). Nyob li yog zoo li niaj zaus cov kev pab no yuav pab tau cov neeg ua hauj lwm txoj kev sib txuas lus .
• Kev siv uas txhawb kom muaj kev ua hauj lwm tau zoo , koom tes thiab tshaj lij los ua tus neeg siv txoj hauj lwm los sis txoj hauj lwm qhia ntawv .
• Kev siv rau txoj kev qhia ntawv , khiav ntaub ntawv , thiab lwm cov kev txhawb nqa uas pom tias nws xwm yeem nrog lub hom phiaj hauv cheeb tsam .
• Kev siv cheeb tsam ICT cov kev pab rau kev tso cai thiab kev mloog suab , saib yeeb yaj kiab , thiab siv cov data systems , software los sis data , ntawm qhov chaw hauv zos thiab hauv lwm qhov chaw .
• Kev siv xwm yeem nrog lub hom phiaj ntawm Anoka-Hennepin Cheeb Tsam Tsev Kawm Ntawv .
• Los ua cov dej num ntawm ib tug kws , cov kev siv yus lub xov tooj los sib txuas lus nrog cov tub ntxhais kawm ntawv , cov niam txiv , cov neeg ua hauj lwm , los sis lwm cov neeg mas yuav tsum tau ua raws li tag nrho cheeb tsam cov cai hais txog kev coj raws txoj cai thiab xeeb ceem .
Siv Tsis Tau
• Kev muab , pab , los sis tau kev siv uas tsis tau tso cai rau los sis tsis tsim nyog hauv cheeb tsam ICT cov kev pab , nrog rau cov uas yog suab , yeeb yaj duab , los sis data information server .
• Cov dej num los sis kev siv ICT cov kev pab heev rau tus kheej uas yuav thaiv cov neeg ua hauj lwm los ua lawv txoj dej num kom zoo los sis los cuam tshuaj tus tub ntxhais kawm ntawv txoj kev kawm .
• Cov kev ua uas ua rau lwm tus tub ntxhais kawm ntawv / tus neeg ua hauj lwm xiam nws cov hauj lwm los sis kev saib lwm tus tub ntxhais kawm ntawv / tus neeg ua hauj lwm cov hauj lwm yam uas tsis tau kev tso cai .
• Yais tawm cov ntaub ntawv uas tej zaum yuav ua rau muaj kev daig hauv suab , yeeb yaj kiab , thiab data networks .
• Yais tawm los sis khaws cov khoom uas qias neeg , phem , los sis hawv hauv xov tooj , yeeb yaj kiab , hauv kev xa ntawv raws hluav taws xob , hauv Internet los sis lwm yam .
• Siv ICT cov kev pab rau kev ua lag luam , kev ua teb chaws , los sis kev ua kom tau peev rau ib lub lag luam , tshwj tsis yog tias tau pom zoo rau ua los ntawm cheeb tsam tus neeg saib xyuas .
• Thaum los ua cov dej num hauv txoj hauj lwm , cov email account uas yog tus kheej li , cov web sites uas yog tus kheej li , cov web collaboration tools uas yog tus kheej li , los sis cov chaw uas sawv daws tuaj sib ntsib coob coob ( piv txwv li , Facebook , mySpace ), siv los sib txuas lus nrog cov tub ntxhais kawm ntawv , cov niam txiv , cov neeg ua hauj lwm , los sis lwm cov neeg , tshwj tsis yog tau kev tso cai los ntawm Tus Thawj Tswj Cheeb Tsam Tsev Kawm Ntawv , tus tswv cuab hauv Cabinet , los sis Tus Tswj Fwv Tsev Kawm Ntawv hauv lub tsev kawm ntawv uas siv cheeb tsam tus txheej txheem los muab kev tso cai rau ( saib hauv Cov Kev Taw Qhia Rau Cov Kev Siv Uas Siv Tau ( Acceptable Use Guidelines ) rau cov lus qhia ntxaws ntxiv ).
Cov Lus Taw Qhia rau Kev Siv Tsab Cai Txog Kev Siv Cov Ntaub Ntawv Raws Hluav Taws Xob , Kev Sib Txuas Lus thiab Technology Resources Uas Siv Tau
COV LUS QHIA DAV DAV TXOG TSAB CAI RAU KEV UAS SIV TAU THIAB COV KEV TAW QHIA
Kev tswj tsab cai
• Employee Services Department muaj txoj dej num los saib dua txhua xyoo nrog Cov Thawj Coj Hauv Tuam Tsev ( Department Directors ), Cov Neeg Saib Xyuas , thiab Cov Tswj Fwv Tsev Kawm Ntawv cov ntaub ntawv txog Tsab Cai Rau Cov Kev Uas Siv Tau ( Acceptable Use Policy ) ( AUP ) thiab Cov Qauv Taw Qhia Txog Cov Kev Uas Siv Tau ( Acceptable Use Guidelines ) ( AUG ).
• Cov Kev Pab Tus Neeg Ua Hauj Lwm muab tus AUP / AUG qhia rau tag nrho cov neeg ua hauj lwm tshiab thaum lawv tuaj koom hauv chav qhia rau cov neeg tuaj ua hauj lwm tshiab .
• Cov neeg ua hauj lwm yuav tsum tau saib thiab lees paub txog , los ntawm kev kos npe rau ib nqe lus los sis siv kev lees paub hauv web los txais , cov ntaub ntawv AUP / AUG txhua xyoo .
Cov kev rau txim thaum ua txhaum tsab cai Kev siv Information , Communication , and Technology ( Cov Ntaub Ntawv , Kev Sib Txuas Lus , thiab Technology ) ( ICT ) cov kev pab yog ib qho sam xeeb , tsis yog ib txoj cai . Cheeb Tsam lees paub txog kev siv rau tus kheej cheeb tsam tus email , suab kaw lus tseg , thiab computer systems – nrog rau kev siv thaum lub sij hawm tsis ua hauj lwm ntawd yog ib qho uas ua tau ; tiam sis , kev siv tshaj heev lawm los sis saib tsis taus cov sam xeeb no ( raws li tau hais hauv AUP uas muab lub ntsiab los ntawm pawg tswj tsev kawm ntawv ) mas yuav siv tsis tau . Cov kev saib tsis taus cov sam xeeb no tej zaum yuav rau txim raws li ib los sis ntau tshaj ib qho nram qab :
• Tshem tawm los sis tsis pub siv tej yam uas yuav tau muaj sam xeeb siv ;
• Them rau cov kev puas tsuaj los sis cov nqi kho ;
• Qhuab qhia raws li hauv cheeb tsam tsev kawm ntawv cov cai nrog rau kev tshem tawm , kev ntiab tawm , kev cais tawm los sis kev rho tawm hauj lwm , los sis kev thaj tsob rau neeg los sis kev ua txhaum cov cai raws li cov cai uas raug .
Kev Tsis Pub Leej Twg Paub Txog Cov Data ( Data Privacy )
• Thaum tso cai siv ICT cov kev pab , Cheeb Tsam tsis rhuav tshem txoj kev tswj cov khoom hauv cov systems los sis cov files hauv cov systems . Cov files uas tso rau hauv cov computers hauv tsev kawm ntawv thiab cov kev sib txuas lus raws email , Internet browsers , los sis lub twj kaw lus cia mas tsis yog ib qho uas tsis pub neeg paub .
• Cov xov xa raws hluav taws xob thiab cov files uas tso rau hauv cov computers hauv tsev kawm ntawv yuav saib tib yam li yog lwm cov khoom uas yog tsev kawm ntawv li . Cov neeg tuav dej num , cov neeg ua hauj lwm , los sis cov neeg ua hauj lwm hauv network yuav saib tau cov files thiab cov xov xa kom tswj tau lub meej mom ntawm qhov system thiab , yog tias tsim nyog , los xyuas tias cov neeg siv yeej siv raws cai .
• Cov neeg ua hauj lwm hauv cheeb tsam tsev kawm ntawv thiab cov tub ntxhais kawm ntawv yuav tsum tau ceev faj tias cov data thiab lwm cov khoom thiab cov files uas nyob hauv cheeb tsam tsev kawm ntawv lub system tej zaum yuav raug soj ntsuam , qhia tawm , los sis tshawb xyuas tau . Cheeb tsam tsev kawm ntawv yuav koom tes nrog cov tub ceev xwm hauv zos , xeev , thiab nom tswv teb chaws hauv cov kev tshawb nrhiav hais txog los sis muaj feem rau cov kev ua uas tsis raug cai los sis cov kev ua uas tsis ua raws li hauv cheeb tsam tsev kawm ntawv cov cai uas yuav tshawb xyuas los ntawm cheeb tsam tsev kawm ntawv qhov system .
2021-22 Tsev Kawm Ntawv Phau Ntawv Qhia ahschools . us / policies 51