VEÇ
autoritet që ishin të pranishëm aty rrotull (Kryeministri dhe Ministria e Kulturës nuk ishin vizitorë të ekspozitës), binte në sy edhe
prania e pavend e banketit joalkoolik me bazë kola dhe lëngu
portokalli të gazuar. Pas një shmangie të konsiderueshme nga
orari zyrtar i fillimit, shmangie e cila frustroi jo pak të pranishmit
të cilët mezi prisnin të shikonin vilën nga brenda, organizatorët
me një fjalim xhojsian në qasje ftojnë të pranishmit të shijojnë
kënaqësinë e banketit duke lëvruar në mjediset e vilës. Pas disa
ecejakeve në territorin e vilës, publiku i ftuar më në fund e hoqi
kureshtjen për të parë nga brenda vilën. Performancat e vakëta
të artistëve dukej sikur po pengonin vizitorët të kqyrnin dhomat
dhe orenditë e vilës, objekte në të cilat ishte përqëndruar thuajse krejtësisht vëmendja e vizitorëve. Performancat dhe punët
e ekspozuara ishin të shumta, por me përjashtim të ndonjërës,
pjesa tjetër nuk morri aspak vëmendjen e parashikuar. Kulmi
i konfuzionit dhe absurdit nga ana e publikut, ishte prezantimi
para tij i një masivi shkume ne tualetin e shtëpisë. Megjithëse ky
objekt i çuditshëm trajtohej si instalacion nga grupi organizator,
për shumë kënd ishte shumë e konsiderata si objekt artistik e atij
objekti, ku diktatori dhe familjarët e tij kushedi se sa herë e kanë
bërë një të tillë po aty.
Hera e dytë që të njejët organizatorë kërkuan të organizonin diçka të ngjashme si në rastin e Perdes së hekurt, ishte para pak
javësh. Megjithëse lloji i artit dhe vendi ishin të njejtë, strategjia
për tu përballur me publikun ishte disi më i sofistikuar. Kështu,
artisti shqiptar me famë ndërkombëtare Sislej Xhafa duket se
ishte asi nën mëngë i organizatorëve. Në axhendën e artistit, një
pjesë e performancës Harrova që fillova ishte parashikuar të zhvillohej pikërisht në mjediset e vilës. Por kësaj here hyrja do të
ishte e lirë për këdo, ose për të qënë rigorozisht korrekt, hyrja
nuk ishte e lirë për askënd. Performanca nuk ishte asak performancë sikurse ishte paralajmëruar, por një punë ilustrative e cila
+