Literatura Lectores expertos
O rapaz do vestido
Dennis vive nunha casa aburrida, nunha rúa aburrida, nunha cidade
aburrida, e non ten grandes aspiracións. Pero o que si ten son soños, e
cando comeza a seguilos, as cousas non volverán ser iguais.
O doutor Próctor e os pos botapeidos
O doutor Proctor é un profesor tolo, ou case. En realidade é un inventor
de avanzada idade que espera topar o seu gran descubrimento. Cando
se xunta coa súa veciña Lise e o seu peculiar amigo Bulle para crear os
pos botapeidos máis poderosos do mundo. Esta é unha historia de humor
e aventuras, que fala da importancia de ser un mesmo e de como
conseguir coraxe a través da imaxinación.
A avoa gánster
Para Ben, os venres son o peor día da semana. Mentres os seus pais ven
Bailando coas estrelas, el ten que pasar a noite coa súa vellísima avoa.
Non pode faltar a sopa de repolo e a partida de Scrabble. Pero un día
Ben descobre que a súa avoa agocha un auténtico tesouro…
Será a ladroa de xoias máis buscada do mundo?
O libro do verán
O libro do verán amosa a amizade entre unha nena, chamada Sophia, e
a súa avoa, unha relación estreita e intensa que se desenvolve durante
varios veráns nunha illa salvaxe do golfo de Finlandia. Con elas
reflexionaremos sobre o mar, a luz e os animais, exploraremos a illa e
escoitaremos as historias que inventan para explicar os misterios da
natureza.
Diario de Greg
A vida de Stan cambia moito o día que o seu tío Ernie queda sen traballo
e decide montar unha fábrica de conservas na casa. Stan non pode
soportar o estrés e decide marchar cun circo ambulante, onde coñecerá o
home que nadaba coas pirañas.