ELKE SITUASIE IS
VERSKILLEND EN ELKE
PERSOON ERVAAR DIT
ANDERS
2. Kind se dood:
Die rouproses verloop anders ná
die dood van ‘n kind. Dis gewoonlik
baie langer en in ‘n sekere sin
word dit nooit afgehandel nie. Dit
sou beter beskryf word deur te sê
dat mense net leer hoe om met die
proses saam te leef.
Omdat jou kind nader aan jou is
as enigiemand anders (selfs jou man
of vrou is nie bloedfamilie nie) is dit
altyd ‘n meer intense rouproses.
Mans rou gewoonlik meer
rasioneel en vroue meer emosioneel.
Omdat albei ouers baie seer het,
sukkel hulle om mekaar by te staan
en bestaan daar ‘n groot gevaar om
uit mekaar te dryf.
Ouma’s en oupa’s kry dubbel so
swaar omdat hulle die hartseer van
die dood van hul kleinkind en die
seer van hul eie kind beleef.
3. Hulpverlening:
Moenie dinge sê soos: Ek verstaan
presies waardeur jy gaan” nie. Elke
situasie is verkillend en elke persoon
ervaar dit anders.
Moenie belagrike besluite soos om
die huis te verkoop of beleggings
te maak, uit die persoon se hande
PAGE 30 / NORTHERN HILLS / EASTER ISSUE 2015
uit te neem nie. Gewoonlik kan al
die besluite wag en die persoon
het nodig om oor die skok te kom
voordat hy of sy self rasionele
besluite kan maak.
Moenie voorskriftelik wees nie,
maar luister baie.
Gee die persoon langdurige
ondersteuning in plaas daarvan om
direk na die dood verskriklik betrokke
te wees en na die begrafnis geen
betrokkenheid te toon nie.
4. Vertroosting:
Doen dinge wat jou sal help om
die werklikheid te besef. Gaan kyk
byvoorbeeld na die lyk en praat oor
wat gebeur het. Moenie die feite
ignoreer nie.
Ervaar jou emosies: moet dit nie
onderdruk nie. Huil en skreeu as jy
so voel.
Doen gedagtenisviering deur
die herinneringe aan die persoon
lewendig te hou.
Besef dat dit normaal is om
botsende emosies te ervaar.
Pasop vir ander se verwagtings.
Neem jou eie pas.
Moenie foto’s wegbêre en maak of
die persoon nooit bestaan het nie.
Moenie na medikasie of alkohol
gryp om jou warboel emosies te
onderdruk nie.
Dr Leonora de Villiers is ‘n
gesiene en ervare sielkundige
van Johannesburg. Sy bied
beradingkursusse en ander
“YOU HAVE
NOT LIVED
UNTIL YOU
HAVE DONE
SOMETHING
FOR
SOMEONE
WHO CAN
NEVER REPAY
YOU”
JOHN BUNYAN PEER
BULLETIN
NO 97 (OCTOBER 1, 2002)
opleiding aan vir belangegroepe
soos onderwysers, beraders of
ondersteuningsgroepe en instansies.
Besoek haar webwerf www.
leonoradevilliers.co.za vir meer
inligting en kontakbesonderhede. NH
WWW.NORTHERNHILLS.CO.ZA