Myndir mánaðarins September 2018 tbl. 296 BR-DVD-VOD-Tölvuleikir

Adrift Ekki missa vonina Nýjasta mynd Baltasars Kormáks er byggð á sannri sögu þeirra Tamiar Ashcraft og Richards Sharp sem hittust árið 1983 og féllu hvort fyrir öðru. Nokkrum mánuðum síðar, eða í október sama ár, tóku þau að sér að sigla 44 feta skútu, Hazana, frá Tahiti-eyju í Pólýnesíu til viðtakenda í San Diego, um 6.500 kílómetra leið yfir opið Kyrrahafið. Það reyndist feigðarför. Þau Tami og Richard voru bæði þaulvön siglingum og í upphafi var ekkert sem benti til annars en að það yrði lítið mál fyrir þau að sigla Hazana til San Diego. Þau gátu auðvitað ekki séð fyrir að á nítjánda degi ferðarinnar myndu þau lenda í miðjum fellibylnum Raymond sem í ofanálag varð öflugasti fellibylur ársins. Þegar þeim varð ljóst í hvað stefndi reyndu þau að komast norður fyrir mesta vindinn en allt kom fyrir ekki og þau lentu í miðju ofsaveðursins þar sem öld- urnar eru taldar hafa risið upp í allt að 15 metra hæð ... Adrift Myndin segir sögu þeirra Tamiar og Richards allt frá því að þau hittast fyrst nokkrum mánuðum áður en þau héldu í hina örlagaríku siglingu. Sannsögulegt / Rómantík DVD 96 VOD mín Punktar .................................................... HHHHH - Observer HHHH - Guardian HHH 1/2 - R. Stone HHH 1/2 - R.Ebert.com HHH 1/2 - ReelViews HHH 1/2 - E.W. HHH 1/2 - Variety HHH 1/2 - IndieWire HHH - H. Reporter Aðalhlutverk: Shailene Woodley, Sam Claflin, Grace Palmer og Jeffrey Thomas Leikstjórn: Baltasar Kormákur Útgefandi: Myndform 27. september Sviðsstjóri Adrift var Heimir Sverrisson sem m.a. sviðsetti mynd- irnar Eiðinn, Ég man þig, Varg og Borgríki. Stjórn kvikmyndatöku var í höndum þrefalda Óskarsverðlaunahafans Roberts Richardson (Platoon, JFK, The Aviator, Hugo, The Hateful Eight) og um klippingu sá annar Óskarsverðlaunahafi, John Gilbert (Hacksaw Ridge). Tón- listin er svo eftir Volker Bertelmann sem m.a. var tilnefndur til Ósk- arsverðlauna fyrir tónlistina í hinni áhrifaríku Lion. Og þá eru bara fáir upptaldir af því fagfólki sem kom að gerð þessarar myndar. l Hér ræðast þau Shailene Woodley og Baltasar við fyrir tökur á atriði myndarinnar sem gerist auðvitað að stórum hluta á sjó. Veistu svarið? Shailene Woodley hóf leikferilinn aðeins 8 ára að aldri og er í uppáhaldi hjá mörgum eftir að hafa sýnt og sannað hæfileika sína í ýmsum myndum á undanförnum árum. Fyrir leik í hvaða mynd var hún tilnefnd til Golden Globe-verðlaunanna árið 2012? Eftir að hafa lent í hinum öfluga fellibyl mæddi það að öllu leyti á Tami að sigla skútunni enda var Richard illa slasaður og gat sig hvergi hreyft. The Descendants. 26 Myndir mánaðarins

Myndir mánaðarins September 2018 tbl. 296 BR-DVD-VOD-Tölvuleikir | Page 26