Myndir mánaðarins Nóvember 2017 tbl. 286 DVD-VOD-BR-Tölvuleikir

Wish Upon Gættu að því hvers þú óskar þér Unglingsstúlkan Claire, sem glímt hefur við afleiðingar þess að hafa komið að móður sinni látinni í æsku, uppgötvar dularfullt box sem virðist geta uppfyllt allar hennar óskir. Þegar hún fer hins vegar að nýta sér það til að hefna sín á þeim sem henni er í nöp við byrjar veröld hennar sjálfrar að hrynja til grunna. Wish Upon er hrollvekjandi tryllir þar sem áhorfendum er um leið boðið upp á óvænta atburðarás og ráðgátu um uppruna þeirra afla sem gætt hafa hið átthyrnda box töfrakrafti sínum. Hvaðan kemur þetta box? Hver bjó það til? Hverjir fleiri hafa átt það? Til að byrja með er Claire (Joey King) hæstánægð með boxið sem hún finnur og getur á dularfullan hátt látið óskir hennar rætast. Punktar .................................................... Wish Upon HHHH - Empire HHH 1/2 - Vulture HHH - New York Times Tryllir Handrit myndarinnar er skrifað af Barböru Marshall, sem skrifaði m.a. vísindatryllinn Viral, og er lauslega byggt á smásögunni The Monkey’s Paw eftir enska rithöfundinn William Wymark (1863–1943), en hann skrifaði undir höfundarnafninu W. W. Jacobs. Sagan var fyrst gefin út í smásagnasafni hans, The Lady of the Barg, árið 1902. l 100 VOD mín Aðalhlutverk: Joey King, Sherilyn Fenn, Elisabeth Röhm, Ryan Phillippe, Shannon Purser, Ki Hong Lee, Alice Lee og Raegan Revord Leikstjórn: John R. Leonetti Útgefandi: Myndform 30. nóvember Leikstjóri myndarinnar, John R. Leonetti, leikstýrði m.a. myndinni Annabelle og hefur þess utan mikið unnið með James Wan, t.d. sem upptökustjóri mynda hans, Insidious 1 og 2 og The Conjuring. l Joey King, sem leikur aðalhlutverkið í Wish Upon, er aðeins átján ára en á samt langan og fjölbreyttan leikferil að baki enda byrjaði hún að leika aðeins fjögurra ára gömul. Myndin er hennar þriðja hrollvekja á eftir The Conjuring og Quarantine, en auk þeirra lék hún t.d. í Independence Day: Resurgence, White House Down, The Dark Knight Rises, Crazy, Stupid, Love og Oz the Great and Powerful. l Veistu svarið? Sherilyn Fenn leikur eitt hlutverkið í Wish Upon en hún hóf leikferilinn ung að aldri og sló svo hressilega í gegn árið 1990 í hlutverki einhverrar þekktustu kvenpersónu sem nokkurn tíma hefur verið sköpuð í sjónvarpsþáttum, Audrey Horne. Í hvaða þáttum? En gamanið á eftir að kárna þegar óskir Claire um ófarnað þeirra sem henni er illa við byrja að rætast ein af annarri. Twin Peaks. 32 Myndir mánaðarins

Myndir mánaðarins Nóvember 2017 tbl. 286 DVD-VOD-BR-Tölvuleikir | Page 32