Myndir mánaðarins Nóvember 2017 tbl. 286 DVD-VOD-BR-Tölvuleikir

Spider-Man: Homecoming Vertu hluti af baráttunni Peter Parker nýtur lífsins með hina nýfundnu hæfileika sína sem gera hann að köngulóarmanninum. En alvaran er skammt undan og spurningin er hvort Peter hafi í raun það sem þarf til að takast á við hættulegustu glæpamenn New York-borgar. Spider-Man: Homecoming er þriðja endurræsingin á sögunum um köngulóarmanninn Peter Parker á eftir Sam Raimi-þríleiknum þar sem Tobey Maguire fór með hlutverk hans og Amazing-myndun- um tveimur sem Marc Webb leikstýrði 2012 og 2014, en í þeim lék Andrew Garfield kappann. Ólíkt þeim inniheldur Homecoming þó ekki upprunasöguna heldur er Peter Parker búinn að vera köngu- lóarmaðurinn í talsverðan tíma þegar sagan hefst. Hún hefst reyndar þar sem Captain America: Civil War endaði, á bardaganum mikla þar sem Spider-Man blandaði sér óvænt í bar- áttuna. Í framhaldinu nýtur hann síðan liðveislu Tonys Stark sem getur að sjálfsögðu frætt hann um margt sem Peter á eftir ólært, en leggur samt áherslu á að hann haldi áfram með líf sitt og skóla- göngu. Það líður hins vegar ekki á löngu uns Peter fær sitt fyrsta stórverkefni: Að glíma við hinn illa en gríðaröfluga Adrian Toomes, öðru nafni The Vulture, eða Hrægamminn á góðri íslensku ... Spider-Man: Homecoming Ævintýri DVD VOD 133 mín Aðalhlutverk: Tom Holland, Robert Downey Jr., Michael Keaton, Chris Evans, Marisa Tomei, Jon Favreau og Zendaya Leikstjórn: Jon Watts Útgefandi: Sena 9. nóvember Köngulóarmaðurinn lendir í ýmsum ævintýrum í myndinni en hættulegasti andstæðingur hans verður Adrian Toomes (Michael Keaton) sem finnur leið til að breyta sér í hinn öfluga Hrægamm. Punktar .................................................... HHHHH - New York Post HHHHH - Total Film HHHH 1/2 - Chicago Sun-Times HHHH - Entert. Weekly HHHH - Empire HHHH - Screen HHHH - Time Out HHHH - Guardian HHHH - CineVue HHHH - IGN Sagan í myndinni er frumsamin, þ.e. hún er ekki byggð á áður útgefinni sögu um Spider-Man. Um leið er þetta í fyrsta sinn sem aðrar hetjur úr Marvel-ofurhetjuheiminum sjást í Spider-Man-mynd. l Búningur köngulóarmannsins hefur verið uppfærður í myndinni, eða öllu heldur bakfærður því hann er mun nær upprunalegum búningi en hann var í Amazing-myndunum. Sagan hermir samt að búningurinn sé að einhverju leyti tæknilegri en áður og t.d. notar köngulóarmaðurinn nú í fyrsta sinn vefvængi til að svífa um. l Þessir hraðbankaræningjar eiga sennilega eftir að fá fyrir ferðina. Veistu svarið? Eftir að hafa slegið í gegn í leikhúsuppfærslunni af Billy Elliott sló Tom Holland, sem leikur Peter Parker í Homecoming, hressilega í gegn í sinni fyrstu bíómynd árið 2012. Hvaða mynd var það? The Impossible. 16 Myndir mánaðarins

Myndir mánaðarins Nóvember 2017 tbl. 286 DVD-VOD-BR-Tölvuleikir | Page 16