Myndir mánaðarins MM Nóvember 2019 VOD og tölvuleikir

Stuber Spenntu beltið! Stu er sérlega kurteis, hæglátur og vandvirkur maður sem er einkar umhugað um að halda í fimm stjörnu-einkunnina sem hann hefur aflað sér sem Uber-leigubílstjóri. Þegar lögreglu- maðurinn Vic tekur bíl hans á leigu ógnar hann um leið öllu því sem Stu er kærast og setur líf hans algjörlega úr skorðum. Gamanmyndin Stuber eftir leikstjórann Michael Dowse kemur á sjónvarpsleigurnar 7. nóvember og ætti að kæta alla sem kunna að meta léttar myndir af þeirri tegund sem á ensku eru oft kallaðar „buddy“-myndir. Þar hittast oftar en ekki fyrir tveir gjörólíkir ein- staklingar sem í fyrstu virðast ekki eiga neitt sameiginlegt en ná svo saman áður en yfir lýkur. Það eiga þeir Stu og Vic líka áreiðanlega eftir að gera þrátt fyrir að samband þeirra byrji frekar illa þegar Vic dregur Stu út í eltingarleik við stórhættulegan morðingja að nafni Teijo. Ef það var eitthvað sem Stu vantaði ekki inn í líf sitt þá er það einmitt brjálaður morðingi, enda ógnar Teijo ekki bara heilsu hans og lífi heldur einnig vel bónaða bílnum og orðsporinu hjá Uber ... Stuber Hinn vandvirki Uber-bílstjóri Stu veit vart hvaðan á sig stendur veðrið þegar nýjasti kúnninn reynist vera lögreglumaðurinn Vic sem dregur hann með sér út í æsilegan eltingarleik við stórhættulegan morðingja. Gamanmynd / Hasar 105 VOD mín Aðalhlutverk: Kumail Nanjiani, Dave Bautista, Karen Gillan, Steve Howey, Mira Sorvino, Iko Uwais, Natalie Morales og Jimmy Tatro Leikstjórn: Michael Dowse Útgefandi: Síminn 7. nóvember Punktar .................................................... HHHH - Variety HHH 1/2 - Chicago Sun-Times HHH 1/2 - E. W. HHH 1/2 - IndieWire HHH 1/2 - H. Reporter HHH 1/2 - Film Threat Leikstjóri myndarinnar er Michael Dowse sem gerði m.a. Fubar- myndirnar tvær (2002 og 2010), It’s All Gone Pete Tong (2004), Take Me Home Tonight (2011), Goon (2011) og The F Word (2013), en allar eiga þær það sameiginlegt að hafa hlotið mjög góða dóma. l Karen Gillan leikur hér lögreglufélaga Vics, Söru Morris, en Karen og Dave Bautista ættu að þekkjast vel eftir að hafa leikið saman í Guardians of the Galaxy-myndum Peters Gunn og Avengers-mynd- unum Infinity War og Endgame þar sem Dave lék Drax og Karen lék örlagavaldinn Nebulu, dóttur Thanosar og systur Gamoru. l Myndin gerist í Atlanta-borg í Georgíuríki og er óhætt að segja að Stu lendi í vandræðum með að komast heill í gegnum daginn. Veistu svarið? Hin frábæra Óskarsverðlaunaleikkona Mira Sorv- ino fer með aðalkvenhlutverkið í Stuber, en hún hlaut bæði Óskarinn og Golden Globe-verðlaunin árið 1997 fyrir aðalhlutverkið í myndinni Mighty Aphrodite. Hver leikstýrði henni í þeirri mynd? Woody Allen. 14 Myndir mánaðarins

Myndir mánaðarins MM Nóvember 2019 VOD og tölvuleikir | Page 14