Myndir mánaðarins MM Maí 2019 DVD BR VOD Tleikir

Cold Pursuit Hin fullkomna hefnd Nels Coxman er heiðursborgari smábæjarins Kehoe í Kletta- fjöllum og hefur um árabil þjónað bæði bæjarbúum og öðrum vegfarendum með því að halda vegum opnum með öflugum snjóruðningstækjum sem hann ræður yfir. Þegar lögreglan til- kynnir honum að sonur hans hafi fundist látinn breytist allt. Cold Pursuit er eftir norska leikstjórann Hans Petter Moland en hún er endurgerð hans eigin myndar, Kraftidioten, sem var frumsýnd árið 2014 og vakti mikla lukku, enda þrælgóð mynd í alla staði. Liam Neeson fetar hér í fótspor Stellans Skarsgård í þeirri mynd og leikur heiðursborgara smábæjarins Kehoe, Nels Coxman, sem vinnur við að hreinsa snjó af vegum bæjarins og nágrennis hans með öflugustu snjóruðningstækjum sem völ er á. Þegar sonur hans finnst látinn sannfærist Nels um að eiturlyfjakóngur einn á svæðinu beri ábyrgð á dauða hans og sver þess eið að koma fram hefndum, ekki bara gagnvart honum heldur öllu hans gengi. Málið reynist þó talsvert flóknara en Nels gerði ráð fyrir (þótt það væri nú þegar frekar flókið) þegar inn í það blandast mun erfiðari og hættulegri andstæðingar en þeir sem hann hélt að hann ætti í höggi við ... Cold Pursuit Spenna / Hasar DVD VOD 118 mín Aðalhlutverk: Liam Neeson, Emmy Rossum, Laura Dern, Tom Bate- man, Tom Jackson, Julia Jones og William Forsythe Leikstjórn: Hans Petter Moland Útgefandi: Myndform 16. maí Liam Neeson leikur snjóruðningsmanninn og heiðursborgarann Nels Coxman sem ákveður að ganga á milli bols og höfuðs á glæpagenginu sem hann telur bera ábyrgð á dauða sonar síns. Punktar .................................................... HHHH 1/2 - C. Sun-Times HHHH 1/2 - N.Y. Post HHHH - E.W. HHHH - IndieWire HHHH - Empire HHHH - Total Film HHHH - Variety HHH 1/2 - H. Reporter HHH 1/2 - Playlist Þess má geta að þótt grunnsagan í Cold Pursuit sé sú sama og í Kraftidioten hefur atburðarásinni verið breytt talsvert þannig að hún mun jafnvel koma þeim sem sáu frummyndina á óvart. l Tom Bateman leikur glæpaforingjann Viking sem Nels er nokkuð viss um að muni ekki snúa frá villu síns vegar upp á eigin spýtur. Veistu svarið? Laura Dern leikur eiginkonu Nels, en hún á glæsi- legan 39 ára leikferil að baki sem m.a. hefur aflað henni fimm Golden Globe-verðlauna og tveggja Óskarsverðlaunatilnefninga, síðast árið 2015 fyrir leik í mynd á móti Reese Witherspoon? Hvaða mynd? Nels Coxman er ekki á því að sýna andstæðingum sínum miskunn. Wild. Myndir mánaðarins 21

Myndir mánaðarins MM Maí 2019 DVD BR VOD Tleikir | Page 21