John Wick: Chapter 3 - Parabellum
Allt hefur afleiðingar
Það bíða margir spenntir eftir þriðju myndinni um leigumorð-
ingjann John Wick sem í lok myndar númer tvö neyddist til að
leggja á flótta þegar ljóst varð að nánast hver og einn einasti
leigumorðingi í heimi myndi innan klukkustundar hefja leit að
honum í því skyni að drepa hann til að geta innheimt þær 14
milljónir dollara sem settar hafa verið honum til höfuðs.
„Winston. Segðu þeim, segðu þeim öllum, að hver sem kemur, hver
sem það er, að ég muni drepa hann. Að ég muni drepa þau öll,“
voru lokaorð Johns Wick þegar við skildum við hann síðast, aðeins
klukkustund áður en hann yrði réttdræpur í augum leigumorðingja
heimsins. Þessi þriðji kafli sögunnar hefst innan þessarar sömu
klukkustundar sem er einnig sá tími sem John hefur til að undirbúa
sig undir það sem verða vill. Sá undirbúningur felst auðvitað helst í
því að verða sér úti um vopn og skotfæri í miklu magni, enda mun
ekki veita af. Og nú er bara að sjá hvernig John reiðir af og hvort
honum takist að sleppa lifandi frá þeim hasar sem framundan er ...
John Wick: Chapter 3 - Parabellum
Hasar / Spenna
Fyrrverandi leigumorðinginn John Wick er heldur betur búinn að
koma sér í klandur því 14 milljónir dollara hafa verið settar til höfuðs
honum. Sú upphæð nægir, og gott betur, til að allir leigumorðingjar
heims eru komnir á stjá, hver og einn staðráðinn í að drepa hann.
130
mín
Aðalhlutverk: Keanu Reeves, Halle Berry, Ian McShane, Asia Kate
Dillon, Jerome Flynn, Anjelica Huston, Laurence Fishburne, Lance
Reddick og Jason Mantzoukas Leikstjórn: Chad Stahelski
Bíó: Laugarásbíó, Háskólabíó og Borgarbíó Akureyri
Frumsýnd 17. maí
Punktar ....................................................
Heiti myndarinnar, Parabellum, er sótt í latneska orðatiltækið „si
vis pacem, para bellum“ sem þýðir „ef þú vilt frið, búðu þig undir
stríð“. Heitið „Parabellum“ hefur einnig verið notað yfir ákveðnar
tegundir af byssum og skotfærahylkjum, s.s. Luger P08 skammbyss-
una, og má því segja að um tvöfalda tilvísun sé að ræða.
l
Það vantar alveg örugglega ekkert upp á hasaratriðin í John Wick 3.
Veistu svarið?
Allir helstu aðstandendur fyrri myndanna snúa
aftur í þessari, þ. á m. leikstjórinn Chad Stahelski,
en hann og Keanu Reeves hafa þekkst síðan
1998 þegar Chad tók að sér að vera staðgengill
hans í frægri mynd. Hvaða mynd?
Halle Berry leikur Sofiu, gamla vinkonu Johns Wick, sem ákveður að
ganga í lið með honum einmitt þegar hann þarf mest á því að halda.
The Matrix.
22
Myndir mánaðarins