Pokémon Detective Pikachu
Finndu slóðina
Harry Goodman er einkaspæjari í borginni Ryme þar sem
mannfólkið og pókémonar búa saman, að mestu í sátt og
samlyndi þótt þeir eigi ekki auðvelt með að skilja hvers annars
tungumál og siði. Þegar Harry hverfur dag einn gersamlega
spor- og orðalaust af skrifstofu sinni kemur það í hlut tvítugs
sonar hans, Tims, ásamt fyrrverandi félaga Harrys, pókémon-
spæjaranum Pikachu, að leysa málið, helst með hraði.
Samstarf þeirra Tims og Pikachus byrjar að vísu ekkert allt of vel enda
hefur Tim lítið álit á pókémonum yfirleitt og vissi þess utan ekki að
faðir hans hafði þekkt Pikachu. Auk þess þjáist Pikachu af minnisleysi
eftir höfuðhögg sem gæti allt eins tengst hvarfi Harrys, hvernig sem
það má annars vera. En eftir byrjunarörðugleika í samskiptum hefjast
þeir Tim og Pikachu handa við að safna gögnum og vísbendingum
um hvarf Harrys sem eiga fljótlega eftir að leiða þá á slóð illa inn-
rættra aðila sem ógna ekki bara friðinum í Ryme-borg heldur hafa á
prjónunum að gera út af við alla pókémona fyrir fullt og allt ...
Pokémon Detective Pikachu
Ævintýri / Grín
104
mín
Aðalhlutverk: Ryan Reynolds, Justice Smith, Suki Waterhouse, Bill
Nighy, Kathryn Newton, Ken Watanabe, Omar Chaparro og Rita Ora
Leikstjórn: Rob Letterman Bíó: Sambíóin Álfabakka, Kringlunni,
Egilshöll, Akureyri og Keflavík, Smárabíó, Selfossbíó, Eyjabíó,
Ísafjarðarbíó, Bíóhöllin Akranesi, Skjaldborgarbíó og Króksbíó
Frumsýnd 10. maí
Justice Smith leikur Tim Goodman, son týnda einkaspæjarans Harrys
Goodman sem var einnig fyrrverandi starfsfélagi Pikachus (Ryan
Reynolds). Nú verða þeir Tim og Pikachu að leggja saman krafta sína
og finna út úr því hvers vegna Harry hvarf og ekki síður hvar hann er.
Punktar ....................................................
Leikstjóri myndarinnar og einn af höfundum handritsins, Rob
Letterman, á m.a. að baki myndirnar Monsters vs. Aliens, Gulliver’s
Travels, Goosebumps og teiknimyndina Shark Tale.
l
Myndin sækir efnið að verulegu leyti í metsöluleikinn Detective
Pikachu sem kom út árið 2016 fyrir Nintendo 3DS-leikjatölvuna.
l
Detective Pikachu er spáð mikilli velgengni í kvikmyndahúsum og
hefur þegar verið hafist handa við gerð framhaldsmyndar.
l
Ryan Reynolds bæði talar fyrir Pikachu og ljær honum andlitshreyf-
ingar sem voru teknar upp með svokallaðri „motion capture“-tækni.
Veistu svarið?
Ryan Reynolds er í miklu uppáhaldi hjá mörgum,
ekki síst eftir að hann sló enn og aftur í gegn sem
Wade Wilson, öðru nafni Deadpool, í samnefndum
myndum. Færri muna kannski að hann hafði
leikið Wade Wilson áður. Í hvaða mynd?
X-Men Origins: Wolverine.
18
Myndir mánaðarins