Myndir mánaðarins MM Febrúar 2019 DVD VOD og tölvuleikir | Page 18

Lof mér að falla
Byggt á sannri sögu
Lof mér að falla eftir leikstjórann Baldvin Z, sem skrifaði einnig
handritið ásamt Birgi Erni Steinarssyni, hefur hlotið einróma
lof allra sem sáu hana í kvikmyndahúsum enda afar vel gerð og
leikin í alla staði og svo áhrifarík að bæði sagan og persónur
hennar lifa með áhorfendum löngu eftir að myndinni lýkur.
Myndin er byggð á sönnum atburðum og segir frá hinni fimmtán
ára gömlu Magneu sem hrífst mjög af hispurslausu lífi nýrrar
vinkonu sinnar, hinnar átján ára gömlu Stellu, og leyfir henni að
leiða sig inn í heim eiturlyfja. Sú vegferð hefur alvarlegar afleiðing-
ar fyrir þær báðar og tólf árum síðar, þegar leiðir þeirra liggja
saman á ný, kemur til óumflýjanlegs uppgjörs á milli þeirra.
Elín Sif Halldórsdóttir og Eyrún Björk Jakobsdóttir leika þær
Magneu og Stellu þegar þær hittast fyrst, fimmtán og átján ára
gamlar, og Stella kynnir Magneu fyrir heimi eiturlyfjanna.
Punktar ....................................................
Lof mér að falla
HHHH - Variety HHHH - Film Threat
HHHH - H. Reporter HHHH - Morgunblaðið
Drama / Sannsögulegt
Fyrir utan þá Baldvin Z og Birgi Örn Steinarsson eru aðstandendur
Lof mér að falla að stórum hluta sama fólkið og kom að gerð Vonar-
strætis, þ. á m. kvikmyndatökustjórinn Jóhann Máni Jóhannsson,
Ólafur Arnalds sem semur tónlistina og þeir Ingvar Þórðarson og
Júlíus Kemp sem framleiddu ásamt Jukka Helle og Markus Selin.
l
136
VOD
mín
Aðalhlutverk: Eyrún Björk Jakobsdóttir, Elín Sif Halldórsdóttir, Kristín
Þóra Haraldsdóttir, Lára Jóhanna Jónsdóttir, Þorsteinn Bachmann,
Sólveig Arnarsdóttir, Sveinn Ólafur Gunnarsson og Atli Óskar
Fjalarsson Leikstjórn: Baldvin Z Útgefandi: Sena
14. febrúar
Veistu svarið?
Eins og kemur fram hér í kynningunni gerði
Baldvin Z hina vinsælu og margverðlaunuðu mynd
Vonarstræti sem var frumsýnd í ágúst 2014. Á milli
þeirrar myndar og Lof mér að falla sendi hann svo frá
sér stórmerkilega heimildarmynd. Hvað heitir hún?
Reynir Sterki.
18
Myndir mánaðarins
Lof mér að falla er eins og áður segir byggð á sönn­um at­b­urðum og
frásögnum úr ís­lensk­um raun­veru­leika fíkni­efna­heims­ins, ekki síst á
lífi Krist­ín­ar Gerðar Guðmunds­dótt­ur sem lést 20. apríl 2001, þrítug
að aldri, og lét m.a. eftir sig dagbækur sem aðstandendur myndar-
innar og handritshöfundarnir höfðu til hliðsjónar við gerð hennar.
l