Chestnut : Hero of Central Park Þegar góð ráð verða dýr
Cross Wars Önnur tegund af hetjum
Chestnut : Hero of Central Park – Cross Wars
Fjölskyldumynd
VOD
Hasarmynd
VOD
83 mín
16 . febrúar
90 mín
16 . febrúar
Chestnut : Hero of Central Park Þegar góð ráð verða dýr
Þegar systurnar ungu og munaðarlausu , Sal og Ray , eru ættleiddar ákveða þær að taka með sér hvolp sem þær höfðu nýlega fundið og er líka heimilislaus .
Sagan um systurnar Sal og Ray og hundinn Chestnut er úrvalsmynd fyrir alla fjölskylduna , ekki síst þær sem kunna vel að meta hunda og allt það sem þeim fylgir .
Vegna þess að hundar eru bannaðir í blokkinni þar sem hinir nýju foreldrar Sal og Ray búa ákveða hinar úrræðagóðu stúlkur að smygla hvolpinum sínum , honum Chestnut , með án vitneskju þeirra og annarra íbúa . En auðvitað á það fljótlega eftir að komast upp og þá verður úr vöndu að ráða ...
Systurnar Sal og Ray eru leiknar af þeim Makenzie Vega og Abigail Breslin .
Aðalhlutverk : Makenzie Vega , Abigail Breslin , Christine Tucci og Louis Ferreira Leikstjórn : Robert Vince Útgef .: Sena
Cross Wars Önnur tegund af hetjum
Cross Wars er óbeint framhald hasarmyndarinnar Cross frá árinu 2011 og segir frá baráttu Callans löggæslumanns við óforbetranlegt illþýði sem ætlar sér að eyða jörðinni og mannkyninu með .
Þetta er glæný mynd sem kemur út á sama tíma hér og í Bandaríkjunum . Við endurnýjum kynnin af hinum eitilharða Callan sem með töframætti forns kross getur breytt sér í ofurmenni . Á því er full þörf þegar barist er við ódauðlega víkinga og illmenni eins og Gunnar ( sem Vinnie Jones leikur hér á ný ) sem ætla sér að eyða jörðinni með manni og mús . Af því má auðvitað ekki verða og það kemur í hlut Callans og hans manna að stöðva Gunnar áður en það verður orðið of seint ...
Brian Austin Green mætir til leiks á ný sem hinn ósigrandi Callan .
Aðalhlutverk : Brian Austin Green , Danny Trejo og Vinnie Jones Leikstjórn : Patrick Durham Útgefandi .: Sena
Ryan Gosling veifar hér til blaðamanna og aðdáenda á kynningarfundi í Japan 27 . janúar þar sem hann var staddur vegna frumsýningar hinnar margverðlaunuðu myndar La La Land .
Jason Momoa veifaði líka til viðstaddra þar sem hann kom í viðtalsþátt Jimmys Kimmel 26 . janúar , en hann leikur titilhlutverkið í ofurhetjumyndinni Aquaman sem verið er að taka upp .
Þær Debbie Mazur , Gloria Steinem , Madonna og Amy Schumer voru á meðal fjölmargra þekktra kvenna sem mættu í kvennagönguna Women ’ s March í Washington 21 . janúar .
Myndir mánaðarins 19