Myndir mánaðarins Desember 2016 tbl. 27-1 DVD-hluti

The Hollow Point – Carnage Park The Hollow Point Hve margt rangt þarf til að gera eitthvað rétt? Þegar lögreglustjóri lítils landamærabæjar í Arizona er settur af vegna afglapa í starfi er öðrum yngri manni falið embættið. Spurningin er hins vegar ekki hvort hann eigi líka eftir að fara yfir strikið heldur hvenær. The Hollow Point er mynd sem á skilið fulla athygli þeirra sem þola vænan skammt af byssum, bardögum, blóði og ofbeldi, en sagan sækir atburðarásina í raunveruleika lögreglumanna í landamærabæjum Arizona og Texas sem ætlað er að koma í veg fyrir vopnasmygl sinna eigin landa til mexíkóskra eiturlyfjahringa. Skoðið frábæra stikluna! Punktar ............................................................................................ HHHH - The Hollywood Reporter The Hollow Point verður ekki frumsýnd í kvikmyndahúsum í Bandaríkjunum fyrr en 15. desember og því hafa fáir þarlendir dómar birst um hana fyrir utan mjög lofsamleg ummæli Jonathans Holland í The Hollywood Reporter. Þeir sem séð hafa myndina á sérsýningum á kvikmyndahátíðum hafa hins vegar nánast samhljóða gefið henni toppeinkunn og þá ekki síst þeim Ian McShane, Patrick Wilson, Jim Belushi og John Leguizamo fyrir túlkun sína á einhverjum þeim hörðustu mannlegu nöglum sem sést hafa lengi í bíómynd. l VOD 97 mín Aðalhl.: Patrick Wilson, Ian McShane og Jim Belushi Leikstjórn: Gonzalo López-Gallego Útg.: Myndform 16. desember Spennumynd Ian McShane og Patrick Wilson leika lögreglumennina tvo í The Hollow Point. Carnage Park Maður getur ekki alltaf valið sína eigin bardaga Eftir að hafa framið bíræfið bankarán í smábæ í Kaliforníu flýja ræningjarnir út í eyðimörkina og hafa með sér á flóttanum gísl sem á eftir að koma á óvart. Carnage Park er frumleg saga og nánast hrollvekjandi á köflum auk þess sem sumar persónur hennar eru langt frá því að vera eins og fólk er flest. Eftir að bankaræningjarnir flýja með gísl sinn, Vivian, út í eyðimörkina með lögregluna á hælunum kemur hún þeim á óvart með því að flýja sjálf út í buskann. En þar með fer hún úr öskunni í eldinn ... Punktar ............................................................................................ HHH1/2 - The New York Times Handritshöfundur og leikstjóri Carnage Park, Mickey Keating, er aðeins 25 ára að aldri og sendi frá sér sína fyrstu mynd, hrollvekjuna The Ritual, fyrir þremur árum. Henni fylgdi hann eftir með vísindaskáldsögunni Pod og síðan sálfræðitryllinum Darling í fyrra. Óhætt er að segja að Mickey hafi nú þegar skapað sér sinn eigin kvikmyndastíl sem sumir segja reyndar að sé einhvers staðar mitt á milli þess sem Tarantino og Coen-bræður urðu hvað þekktastir fyrir þegar þeir voru að hefja sinn feril. Sjáið sjálf og dæmið sjálf. l VOD 81 mín Aðalhl.: Ashley Bell, Pat Healy, James Landry Hébert og Michael Villar Leikstj.: Mickey Keating Útg.: Myndform Spenna/hrollur 22. desember Vivian (Ashley Bell) lendir í vægast sagt ótrúlegum hremmingum á flóttanum. Myndir mánaðarins 35

Myndir mánaðarins Desember 2016 tbl. 27-1 DVD-hluti | Page 35