MIDDLE EAST HISTORY POLITICS CULTURE XIII MIDDLE EAST XIII | Page 278
նիքը, և «Մայրն ու նրա երեխաները» կտավը, որում հեղինակը պատ-
կերել մայրիկին և նրա երեխաներին: Այս կտավում հայազգի արվես-
տագետը արտահայտել է Մեծ Եղեռնի տարիներին հայ ժողովրդին` այդ
թվում իր ընտանիքին պատած վիշտը: 1970-1980-ական թթ. Ստեղծա-
գործած աշխատանքներում զգացմունքային բնույթի նկարներն իրենց
տեղը զիջում են ապագայի հանդեպ լավատեսությամբ, հույսով ու հա-
վատով համեմված նկարներով 27 :
Եգիպտահայ երրորդ սերնդի անվանի արվեստագետներից է
Հովհաննես Դազիբջյանը, ով ծնվել է 1925 թ. Կահիրեում: Որպես ար-
վեստագետ ստեղծագործել է մինչև 1966 թ., երբ ծանր սոցիալական
պայմանների պատճառով, նկարչությունը շարունակելու մոտիվա-
ցիայի բացակայության պայմաններում թողեց նկարչությունը: Հովհան-
նես Դազիբջյանը 1953 թ. կազմակերպել է իր առաջին և վերջին ան-
հատական ցուցահանդեսը: 1950-1960 թթ. հայազգի արվեստագետը
ստեղծագործել է յուղաներկով 50-60 աշխատանք, որոնցում պատկեր-
ված են հիմնականում Կահիրեի քաղաքային տեսարաններ: 1960-ա-
կանների սկզբներին մի քանի տարի աշխատել է ջրաներկով` ստեղ-
ծելով մի քանի նկարներ: Բացի այդ` Հովհաննես Դազիբջյանը զբաղվել
է դեկորացիաների, յուղաներկերով նկարների բարեկարգմամբ վերա-
կանգնելու գործով: Այս ոլորտում նրա կատարած ամենահայտնի աշ-
խատանքը անվանի արվեստագետ Տիրան Կարապետյանի 90 նկար-
ների վերականգնումն էր, որը կատարել է 1981-1983 թթ.: Ինչևէ, եր-
կարատև դադարից հետո Հովհաննես Դազիբջյանը շարունակել է
ստեղծագործել և մասնակցել է 2008 թ. Ալեքսանդրիայում և 2009 թ.
Կահիրեում կազմակերպված ցուցահանդեսներին 28 :
Եգիպտահայ երրորդ սերնդի նշանավոր արվեստագետներից էր
նաև Սիմոն Շահրիքյանը, ում ընտանիքը սերում է Արևմտյան Հայաս-
տանի Սվազ նահանգից: Սիմոն Շահրիքյանի վաղ շրջանի աշխա-
տանքներում տիրապետող են արտաքին միջավայրի տեսարանները,
հետագա շրջանի աշխատանքներում զգացվում է ֆրանսիական նկար-
չության ազդեցությունը: Այնուհետև հայ արվեստագետի աշխատանք-
ներում մեծ տեղ են գրավում անհատական նկարները, դիմանկարները,
27
28
Նույն տեղում, էջ 10-11:
Նույն տեղում, 2015, № 57, էջ 23-24:
278