MIDDLE EAST HISTORY POLITICS CULTURE XIII MIDDLE EAST XIII | Page 169
հիմնականում այն գործառույթները, որ կատարում է հեռուստատե-
սությունը սիրիահայերի սոցիալ-մշակութային ադապտացիայի գործ-
ընթացում:
Ամփոփում
Շուրջ հինգ տարի է, ինչ սիրիահայերը Սիրիայում տիրող պատե-
րազմի հետևանքով լքել են երկիրը և տեղափոխվել Հայաստան: Նրանց
համար հայաստանյան սոցիալ-մշակութային կյանքին հարմարվելու
խնդիրները բազմաթիվ են և ուսումնասիրության արժանի։
Որպես նոր միջավայրին հարմարվելու գործիք՝ կարևոր դեր
ունեն ԶԼՄ-ները: Սիրիահայերի սոցիալ-մշակութային ադապտացիայի
վրա ԶԼՄ-ների ունեցած դերի բացահայտման նպատակով իրակա-
նացվել է էթնոսոցիոլոգիական հետազոտություն՝ քանակական և որա-
կական մեթոդաբանությամբ: Անցկացվել է 184 կիսաստանդարտացված
և 36 խորին հարցազրույցներ սիրիահայերի հետ Երևանում և մար-
զերում՝ պարզելու սիրիահայ հեռուստալսարանի կազմը, նրանց կող-
մից նախընտրելի հեռուստալիքներն ու հեռուստահաղորդումները,
հիմնական գործառույթները, որ կատարում է հեռուստատեսությունը
նրանց սոցիալ-մշակութային ադապտացիայի գործընթացում: Թեմայի
ուսումնասիրությունը կենտրոնացած է հեռուստատեսության շուրջ,
քանզի ժամանակակից ԶԼՄ-ների համակարգում ամենամատչելին և
ամենամեծ լսարան ունեցողը հեռուստատեսությունն է։
Ըստ հետազոտության արդյունքների՝ սիրիահայերի շրջանում
ամենամեծ դիտողականությունն ունեն հայկական հեռուստալիքները.
սիրիահայերի 71,0%-ը հետևում է հայկական հեռուստալիքներին` մի
կողմից, ակտիվ դերակատար հանդիսանալով սեփական սոցիալ-
մշակութային ադապտացիայի գործընթացում, մյուս կողմից, հաղոր-
դակցության պասիվ սուբյեկտ դառնալով հայկական իրականությանն
ու մշակույթին: Արաբական հեռուստալիքներին հետևողները ևս որո-
շակի զանգված են կազմում ընդհանուր հեռուստալսարանի մեջ` 15,3%:
Երբ խոսքը վերաբերում է ժամանցին, մշակութային հաղորդում-
ներին, սիրիահայերը նախընտրում են հայկական հեռուստալիքները,
իսկ երբ խոսքը վերաբերում է լուրերին, ապա նրանք ավելի շատ նա-
խապատվություն տալիս են արաբական հեռուստալիքներին: Սիրիա-
հայերի կողմից դիտվող հեռուստահաղորդումների բազմազանությունը
արտացոլում է նրանց ինքնությունը` մի կողմից, կապվածություն
հայկական մշակույթի հետ, մյուս կողմից, նախ պատկանելիություն
169