MIDDLE EAST HISTORY POLITICS CULTURE XIII MIDDLE EAST XIII | Page 166
մունքը: Եվ պատահական չէ, որ արաբական հեռուստալիքներով
հեռարձակվող լուրերի նկատմամբ պահանջը (ընդհանուրի մեջ 32,1%)
մեծ է սիրիահայերի մոտ` ի համեմատ հայկականով հեռարձակվողի
(ընդհանուրի մեջ 29,8%), քանի որ, ըստ նրանց, արաբալեզու հեռուս-
տալիքները տրամադրում են ամենաթարմ լուրերը, և այն Սիրիայի
իրականության մեջ մնալու համար կարևոր պայման է հանդիսանում.
«Ամեն օր լսում եմ Հալեպի մասին լուրերը: Մեր հոգեկանը երբեք հան-
գիստ չէ, մարմնապես այստեղ ենք, բայց հոգով` այնտեղ» (տղամարդ,
37 տ.) 13 :
Սակայն միանշանակ չէ հեռուստատեսության հանդեպ վստա-
հության հարցը. սիրիահայերը, հաշվի առնելով ԶԼՄ-ների քաղաքա-
կան ուղղվածության փաստը, այն չեն համարում տեղեկատվության
հավաստի աղբյուր. «Վերջերս այս լրատվական տարափը աշխարհում`
ոչ ճիշտ տեղեկատվություն, ոչ լիարժեք գիտելիքներ, անտեղյակ լրա-
գրողներ, ոչ մի լավ բանի չի տանում: Կան հատուկ լրատվական արա-
բական կայաններ, որոնք նման են գործակալների` նրանք հաղորդում
են այն, ինչ ուզում են մեծ ուժերը: Դրա համար էլ ես չեմ վստահում»
(կին, 62 տ.) 14 ։
Կան սիրիահայեր, որ փորձում են նաև համեմատական անց-
կացնել հայկական ԶԼՄ-ների հետ` փաստելով, որ չնայած վերջին-
ներիս վրա ճնշումներ կան, այնուամենայնիվ, Հայաստանում լրա-
տվական դաշտը ազատ է քաղաքական ազդեցությունից` ի համեմատ
Սիրիայում տիրող իրավիճակի. «…Այնտեղ այսօրվա Հայաստանի
իրավիճակը չէ: Թեկուզ շատ լսում եմ, որ լրատվամիջոցների վրա
ճնշումներ կան, բայց ես, քանի որ լավ ապրել եմ սիրիական տար-
բերակը, ասում եմ` այստեղ շատ հանգիստ է» (տղամարդ, 41 տ.) 15 ։
Հետևելով լուրերին, հրատապ իրադարձություններին, ինչպես
նաև վերլուծություններ անելով հեռուստատեսության որակի և ազա-
տության հարցերի շուրջ` սիրիահայերը որոշակի իմաստով մասնակ-
ցություն են ունենում նաև Հայաստանի սոցիալ-քաղաքական կյանքին։
Հեռուստահաղորդումների մեջ մեծ դիտողականություն ունեն
նաև մշակութային, երաժշտական հաղորդումները (բոլոր հեռուս-
տալիքներով` 20,9%, իսկ հայկական հեռուստալիքներով` 23,5%, տե´ս
Նույն տեղում, ք. Երևան:
Նույն տեղում, ք. Երևան։
15 Նույն տեղում, գ. Առինջ։
13
14
166