ԵՆԳՈՅԱՆ ՆԱՆԵ ( ԳԿՄԿ )
« ԳԱՂՏՆԻ ՌԱԶՄԱԿԱՆ ԿՈՄԻՏԵՆ » ` ՈՐՊԵՍ ՆԵՈ-ԲԱԱՍԱԿԱՆՆԵՐԻ ԵՏՆԱԲԵՄ
Սիրիայում Բաաս կուսակցության գաղափարախոսության հիմքը դրվել է դեռևս 1940թ . Միշել Աֆլակի 1 և Սալահ ադ-Դին ալ-Բիտարի 2 գաղափարների հիման վրա , որն իր շուրջը հավաքեց հավատարիմ ուսանողների մի փոքրիկ խումբ 3 , ինչպես նաև սահմանադրության դրույթների հիման վրա , որի առաջին էջին գրված է հետևյալ կարգախոսը . « Միացյալ արաբական ազգ ՝ հավիտենական առաքելությամբ : Արաբական Վերածննդի կուսակցություն , ազգային , ժողովրդական , հեղափոխական շարժում , որը ձգտում է հասնել արաբական միասնության , ազատության և սոցիալիզմի »: Բաասը ( Արաբական Վերածննդի Սոցիալիստական կուսակցություն , կրճատ` Բաաս , որն արաբերենից թարգմանաբար նշանակում է « վերածնունդ ») հռչակեց այն երեք հիմնական արժեքները` « սուրբ եռյակը » 4 , որի համար կուսակցությունը պայքարելու էր . սոցիալիզմ , միասնություն ( խոսքը արաբական մեծ միասնության մասին էր , որը ենթադրում էր միասնական արաբական պետության ստեղծում , որի համար ապարդյուն պայքարել է Արաբական պետությունների լիգան 5 ), և ազատություն :
1
Միշել Աֆլակը ծնվել է 1910 թ . Դամասկոսում` քրիստոնյա ընտանիքում : 1928- 1932 թթ . նա սովորել է Սորբոնում` հումանիտար ֆակուլտետում : Հայրենիք վերադառնալուց հետո նա աշխատել է միջնակարգ դպրոցում` որպես պատմության ուսուցիչ :
2
Սալահ ադ-Դին ալ-Բիտարը ծնվել է 1912 թ . մուսուլմանական ազդեցիկ գործչի ընտանիքում : Նա ավարտել է Դամասկոսի մանկավարժական ուսումնարանը , ապա սովորել Սորբոնում : Սիրիա վերադառնալուց հետո Ալ-Բիտարը որպես ֆիզիկայի ուսուցիչ է աշխատել նույն դպրոցում , որտեղ աշխատում էր նաև Միշել Աֆլակը :
3
Այս մասին առավել ամբողջական նկարագիր է տալիս Բաաս կուսակցության անդամ , ինչպես նաև 1965 թ . Փարիզում Սիրիայի դեսպան Սամի ալ- Ջունդին իր « Ալ Բաաս » աշխատության մեջ :
سامي الجندي ، البعث ، دار النةار النشر ، بيروت ، , ١٩٩٦ .
4
Ben-Tzur A ., The Neo-Ba ' th Party of Syria , Journal of Contemporary History Vol . 3 , No . 3 , The Middle East ( Jul ., 1968 ), p . 161-181 .
5
Примаков Е ., Конфиденциально : Ближний Восток на сцене и за кулисами ( вто- 55