Սաուդյան Արաբիայից ու Քուվեյթից ստացած աջակցությունից հետո : Նույնպիսի մեղադրանքներ հնչեցին նաև Քուվեյթի շեյխ Ջաբեր աս- Սաբահի կողմից 26 :
Ի պատասխան ՊԱԿ-ի դիրքորոշման` պատերազմի ընթացքում և պատերազմից հետո Քուվեյթից տեղի ունեցավ պաղեստինցիների աքսոր : Պատերազմից հետո Քուվեյթի կառավարությունը արտաքսեց 200,000 պաղեստինցիների 27 : Նմանատիպ վերաբերմունքի արժանացան նաև Սաուդյան Արաբիայում աշխատող եմենցի աշխատավորները , որոնք արտաքսվեցին Ծոցի պատերազմում Եմենի բռնած դիրքորոշման արդյունքում :
Չնայած կոալիցիայի անդամ լինելուն` Սիրիան մինչև վերջ շարունակեց առաջնային համարել իր պետական շահերը : Պարսից ծոցի ճգնաժամը ոչ միայն տնտեսական օգուտներ բերեց Դամասկոսին , այլև սեփական դիրքերը միջազգային ասպարեզում բարելավելու հնարավորություն ընձեռեց : Միայն նավթի գների կտրուկ աճը պատերազմի ընթացքում Սիրիային մոտ 200 մլն ԱՄՆ դոլարի եկամուտ ապահովեցին : Իսկ պատերազմից հետո տարբեր ծավալի ֆինանսական ներդրումներ կատարվեցին Եվրոպական Միությունից` 200 մլն դոլար , Ճապոնիայից` 500 մլն դոլար ( վարկի ձևով ) և այլն : Սաուդյան Արաբիայից , Քուվեյթից և ԱՄԷ-ից ստացվեց շուրջ 2 մլրդ ԱՄՆ դոլար 28 : Եգիպտոսի և Սաուդյան Արաբիայի հետ միավորումն ընդդեմ Իրաքի վերջ դրեց Սիրիայի մեկուսացմանը արաբական աշխարհում և միջազգային ասպարեզում : Մյուս կողմից Ասադը , դաշնակցելով Ծոցի արաբական երկրների հետ , Սիրիայի համար ձեռք բերեց ֆինանսապես կայուն նավթային պետությունների աջակցությունը 29 :
Ճգնաժամը նաև հնարավորություն ընձեռեց Հաֆեզ Ասադին իրականացնել 15 տարիների ընթացքում իր հետապնդած նպատակը` կառավարել Լիբանանը : Երբ Ծոցի ճգնաժամը շեղեց միջազգային հանրության ուշադրությունը` 1990 թ . հոկտեմբերի 13-ին երեք ժամվա ընթացքում Ասադն իրեն ենթարկեց Բեյրութը և երկրի հիմնական մասը , բացառությամբ հարավում գտնվող Իսրայելի հետ սահմանամերձ « անվտանգության գոտու » 30 :
26
Примаков Е ., նշվ . աշխ ., էջ 325 :
27
Հինականում Հորդանանի քաղաքացի :
28
Drysdale A ., Hinnebusch R ., նշվ . աշխ ., էջ 59 :
29
Նույն տեղում , էջ 92 :
30
Bregman A ., El-Tahri J ., նշվ . աշխ ., pp . 242-243 : 34