ՀԱԿՈԲՅԱՆ ՆԱՐԻՆԵ ( ՀՊՄՀ )
ԱՐԱԲԱԿԱՆ ՆՎԱՃՈՒՄՆԵՐԸ ՀՅՈՒՍԻՍԱՅԻՆ ՀՆԴԿԱՍՏԱՆՈՒՄ . ՔԱՂԱՔԱԿԱՆ ՆԱԽԱԴՐՅԱԼՆԵՐ
Հնդկաստանի միջնադարյան պատմության համար կարևոր նշանակություն են ունեցել արաբական նվաճումները : Արաբների նվաճումներն ուղեկցվում էին իսլամի տարածմամբ , ուստի Հյուսիսային Հնդկաստանում ևս ներթափանցմանը զուգահեռ տարածվեց իսլամ : Մահմեդականության տարածումը , առանց այդ էլ բազում կրոնական ուսմունքներով ու հավատալիքներով հարուստ տարածաշրջան , ունեցավ կարևոր պատմական հետևանքներ :
Հոդվածում փորձ է արվում ներկայացնել Հյուսիսային Հնդկաստանում արաբների իրականացրած նվաճումների նախադրյալները , առանձնահատկությունները և նպատակները : Անդրադարձ է կատարվում Հյուիսային Հնդկաստանում ստեղծված քաղաքական իրադրությանը , որը դիտարկվում է կարևոր նախադրյալ արաբական նվաճումների ու իսլամի տարածման համար :
7-րդ դարում Արաբական թերակղզում ձևավորվեց կրոնական նոր գաղափարախոսություն` իսլամ , ինչի շուրջ միավորվեց թերակղզու բնակչությունը` ստեղծելով իր պետությունը` Արաբական խալիֆայությունը : Արաբները իրականացրեցին ակտիվ նվաճողական քաղաքականություն` հյուսիս , արևմուտք և արևելք ուղղություններով : Արևելքում նվաճելով մի շարք տարածքներ` նրանք հասան մինչև Չինաստան և Հնդկաստան 1 :
Հնդկաստանի քաղաքական պատմության մեջ նոր էջ է բացվում 8-րդ դարի սկզբից` կապված արաբական արշավանքների և նրա մի մասի նվաճման հետ : Որոշ ուսումնասիրողներ , վկայակոչելով անտիկ հունա-հռոմեական աղբյուրները , ցույց են տալիս , որ հույները հնագույն ժամանակներից ծանոթ են եղել դեպի Հնդկաստան տանող ծովային ուղուն : Այս երկու տարածաշրջաններն իրար կապված են եղել նաև առևտրական ուղիներով 2 : Մեկ այլ ուսումնասիրող` հնդիկ պատմաբան Բ . Ն . Լունիյան , հիշատակելով Հին կտակարանը , նշում է , որ առևտրա-
1
Большаков О ., История Халифата . Том 2 . Эпоха великих завоеваний , 633-656 , Москва , 2002 , с . 99-116 .
2
Бонгард-Левин Г . М ., Бухарин М . Д ., Вигасин А . А ., Индия и античный мир , Москва , 2002 , с . 7 .
218