MIDDLE EAST HISTORY POLITICS CULTURE XI-XII Middle East | Page 118
Կատարվածից հետո շատ եգիպտացի կանայք սոցիալական
ցանցերում սկսեցին ակտիվորեն կիսվել իրենց հետ կատարված
խտրականության դեպքերի մասին տեղեկություններով: Ըստ նրանց
Կահիրեում և Հուրգադայում մի շարք ժամանցի վայրեր արգելում են
կանաց մուտքը գլխաշորով կամ ավանդական աբայայով 29 , իսկ որոշ
հյուրանոցներ էլ թույլ չեն տալիս իսլամական փակ լողազգեստ կրող
կանանց լողալ հյուրանոցի լողավազանում: Բողոքների ֆոնին բավա-
կան աղմկահարույց էր Եգիպտոսի կանանց ազգային միավորման կազ-
մակերպության ղեկավար Մերվաթ Թալավիի հայտարարությունը, որ
բոլոր այն հաստատությունները, որ արգելում են հիջաբով կանանց
ներս մտնել, իրականում գործում են օրենքի շրջանակներում: Վերջինս
նշել էր, որ նման կերպ մի շարք լողափեր նախատեսված են միայն
կանանց համար, և տղամարդկանց մուտքն արգելվում է: Նրա հա-
ղորդմամբ եգիպտական օրենքը նման հարցեր չի կարգավորում, և
մասնավոր հիմնարկներն իրավունք ունեն կիրառելու իրենց սեփական
հագուստի կանոնները 30 : Պետք է նշել, որ եգիպտացիները, ի տար-
բերություն, օրինակ, Սաուդյան Արաբիայի, որտեղ ավանդական գլխա-
շորը՝ հիջաբը և աբայան պարտադիր են, ավելի հանդուրժողականորեն
են մոտենում հագուստին վերաբերող հարցերին: Այստեղ չկան որևէ
սահմանափակումներ և հագուստի ընտրությունը թողնվում է անհատի
հայեցողությանը:
Այս հայտարարությունը բողոքի ալիք բարձրացրեց եգիպտա-
ցիների շրջանակներում, ովքեր Մերվաթ Թելավիին մեղադրում էին որ
վերջինս չի կարողանում տարբերակել կրոնական խտրականության և
հագուստի ընտրության միջև:
Հագուստի թեման այսքանով չսահմանափակվեց: 2015 թ. օգոս-
տոս ամսին եգիպտական հեռուստաընկերություններից մեկին տված
իր հարցազրույցի ժամանակ Եգիպտոսի կրթության և գիտության
նախարար Մոհեբ ալ-Ռիֆաին հայտարարեց, որ նոր ուսումնական
տարուց սկսած բոլոր այն աշակերտուհիները, ովքեր չեն հասել սեռա-
կան հասունացման տարիքին, կարգելվեն կրել հիջաբ: Վերջինիս խոս-
Ավանդական իսլամական թիկնոցանման կանացի զգեստ, որ կրում են
մուսուլման կանայք:
30 Տե՛ս Hijab - wearing woman say they are being ‘’turned away’’ at Egyptian resorts
http://english.alarabiya.net/en/perspective/features/2015/07/27/Hijab-wearing-
women-say-are-being-turned-away-at-Egyptian-resorts.html, Մուտք 15.10.2015:
118
29